يا معتى ذالنهار عليا يا لحباب (رثاء أمي) ///بقلمي\\\

[medcherif03]

يا معتى ذالنهار عليا يا لحباب\+\+\ انحس بقلبي شاعلة فيه النيران
خبر اشوم كي الجمرة عليا راب\+\+\ وسط الكبدة دار نار بلا دخان

تغميت و ضاقت عني كل ارحاب\+\+\ والبرالميسوع في عيني مابان
يوم فراقك يا ما طابو لهذاب\+\+\ واصهدني مشعال كاسح بالحمان

جرحك يا ودادة الضركة ماطاب\+\+\ خلاني معطوب مرمي فالويدان
غرة عيني مشات وخبرها غاب\+\+\ صدت عني كاللي رايح عجلان

اتلمت عنا قاع الجيران و لحباب\+\+\ و عم الحزن في آخر رمضان
ليلة مرة على فراقك ما تطياب\+\+\و عيدنا بالغالية في وسط اكفان

شيعناها للحود و افرشات تراب\+\+\غموني من شوقها اسحابات أدكان
أنحس ابقلبي اتخلخل زاد اعطاب\+\+\ودمع عيوني فاض مايملي ويدان

كنت نفرش ليك أزرابي ترطاب\+\+\بكياسة ولحوف من صنعات ازمان
اتمسيتي كي القمرة وسط اسحاب\+\+\واتركتيني فبحورالظلمة واحزان

غبتي يا العارم مادرناش اسباب\+\+\هاج عليا وحشك ياما هاجولمحان
غزوني في عز قلبي راني مصاب\+\+\هجرتني في شاوعمري يا لخوان

و من حرقتها راه راسي شاب\+\+\و برد قلبي من مشعالها يا حنان
يهدف لي خيالها يجيني عند الباب\+\+\نوض نهاذي علا سماها حفيان

من وحش أمي نبات واقف لولاب\+\+\حليلي مفطوم عليها شاو زمان
نطلب ربي باه ذالطلبة تطياب\+\+\ ترحم لميمة يا خلقي تسكن لجنان

من غيرك لا من نهرب لو يا وهاب\+\+\تقبل طلبي بجاه النبي العدنان
وسع ليها خالقي فالروضة ترحاب\+\+\ وطيب اثراها فحرمتك لاتتهان

بقلمي medcherif03

[فاطمة شلف]

السلام عليكم ورحمة الله وبركاته
والله روعة بارك الله فيك
الله يطفي عليك هذا الجمرة
شعلت نار فالجسم تلهب
الله يصبر خيي وهذا مكتوب
مكاش خليفة الام كل صباح عند الباب الطبطب
كي تشوفها بحنانها يرتاح القلب
مقدر من عند الله ومكتوب
تحياتي


رحمها الله واسكنها فسيح جناته
تقديري

[بوبكر بن علي]

نطلب ربي باه ذالطلبة تطياب\+\+\ ترحم لميمة يا خلقي تسكن لجنان
نعم اخي بارك الله فيك..الله يصبرك ويسكن لميمة الفردوس الاعلى

امين

[medcherif03]

دام نبضكم و مشكورين على المرور

[medcherif03]

يا مطيب رفاقتكم بالخصلات*** و تزهوني كي اتخلوا لكليمات
عزالرفقة معاكم والصحبات*** ربي حافظكم وزادلكم الخيرات
يا فاطمة يعطيك كل الأمنيات*** و يسهل لك فيما نويتي بالذات
يا بكر زيدنا في ردك شحنات*** و مليهم راهم ماتو ذالحجرات

ردودكم فغلا تشجع على الكتابة و تطمئن لها النفس لانها خارجة من الاعماق
مشكووووووووووووووووووووووووووووووووووووووووووووووو وووورين

[بوبكر بن علي]

واش نقول في لي حصن الذات.......رقاها بحروف منهم تهزت وحيات
كلامك ياتراس خلى فيا بصمات......طابعهم اصيل مايتمحاو هيـــهات
يبارك فـــي نظمك رب الكائنات.......ويقوي شعرك يا زيــن الصغات
..................والكلمة من ضلفة حلوة جات..........................
..................طيرك صال و في وكري ليه مبات

تحياتي