مشكلتي مشكلتي

[مشكلتي]

السلام عليكم
انا طفلة كيما كل البنات نحب يكون عندي واحد يحبني ويكون حلالي
المهم حكايتي بدات مع الفايس بوك عندي 3 سنين وانا حلاتو ما اجوتت حتى راجل فيه وعلى يقين بلي هدا الشيء حرام جا هداك النهار لضفت واحد مي كنت صارمة معاه وكان كلامي معاه في حدود حتى لما يحب يقولي كلام زايد يعني كلام حلو كنت نوقفو عند حدو وجامي لا قولتلو حتى نص كلمة زايدة بقا مورايا باش نمدلو رقمي رفضت ورفضت لكن كان يقولي انا وليد فاميليا بعد مانشوفك نجي نخطبك في الاخير مديتولو بعد ماحلفلي راح يكون امانة عندو هدرت معاه حوالي 5 مكالمات ماتفاهمناش لدرجة انو يقولي انت ماكيش كيما البنات ماتضحكيش انت وحدة معقدة وموسوسة انا نقولو لحد الان نتعامل معاك كغريب كاين حدود في الهدرة والضحك المهم كالقاني جدية قالي مانقدرش نكمل و كل واحد راح في حالو صح غاضتني روحي مي لم اتمادى في الخطا مشكلتي الان هي انه اتصل بي رقم غريب كيجاوبت قالي انا من الولاية كدا يعني من نفس ولايتو لهدا الشخص وقالي الوقح حاب تمشي معايا بكل برود انا غسلتو وماخليتلوش كان طريقتو في الاستفزاز مثل دلك الشخص حتى شكيت بلي هو
من هداك النهار وهو يعيط وانا مانجاوبش كرهني اني حايرة علاش يحلفلي شحال من مرة ويقولي رقمك امانة ومبعد يدير هاك علاباي بلي غلطت لما هدرت معاه في الفيس او الهاتف وندمت مي قولولي واش ندير مع انو لو نبدل لابوس خوتي يديرولي انكات علاش بدلتيها وكثير من الاسئلة
ارجو من المشرفين ان لاينقولوها لقسم الدردشة لاني احتاج نصيحة من الطرفين حتى وان كانت الردود قاسية فانا اتحملها لكوني ناقصة بزاف خبرة في الحياة فالاخ لما يقسو على اخته علابالو علاش وكيما يقولك خود الراي ليبكيك وماتاخدش الراي ليضحكك
شكرا

[fella111]

و يكون حلالك ......و هل من المعقول يكون الحلال بهذه الطريقه حسب كلامك اعرف ان سنك مازال صغيرا و انت في سن المراهقة مشكلتك مثل العديد من الشباب حابين تجربو المسلسلات على ارض الواقع ......جربت الان ...و مبعد ...شفت اين وصلت روحك بدلي لابيس و تهناي حتى لو سالوك عائلتك احسن من الكلب اللي راه يزعج فيك انا احتار لدرجة السطحية للفتيات اذا كنا نعرف اشخاص فايس تو فايس و نتعرض للغش ما بالك بما وراء الشاشات

[عبد الله 22]

السلام عليكم إذا انت خنت الأمانة فكيف سيحفظها هو ( أعتذر وعفوا على الكلام هذا) وهو تعامل معك بمنطق أنك يمكن ان تكلمي إي شخص مدام تكلمتي معها لكن أرجوا منك أن تفكري لو يأتي شخص لخطبتك يوما هل ستخبريه بأنك كنت على علاقة مع شخص أخرى أما سيبقى سر يؤرقك، أكيد سيبقى سر وماضي لن تسطيع مسحه، أرجوا الاستماع لهذه القصة المؤلمة
https://www.dztu.be/watch?v=s0tjo1Z1ME4

[الطيب الجزائري34]

اي رقم يزعجك اضيفيه الى القائمة السوداء للمكالمات
هو اكيد خطأ من طرفك توبي الى الله و استغفري و لا تعطي فرص للذئاب لكي يوقعوك في المصيدة . و الذين يريدك زوجة فعليه ان ياتي البيوت من ابوابها . و لا وجود للحب بمعنى الحب بين رجل و امراة خارج نطاق الحياة الزوجية . بالتوفيق.

[رجل من هذا الزمان]

و اقتبس ; "من كان منكم بلاخطيئة فليرمها بحجر"
لا تعاتب على مافات و اندثر بل انصح على ما هو قادم

و بيقى لفايسبوك عالما افتراضيا ....
ماترديش عليه يجيه نهار و يكره
استغفري الله كثيرا و تقربي منه اكثر يا اختي

[first first]

شوفي يااختي .الحل بسيط الى ان تجدي حلول اخرى.واعتقد انه يغني عن كل الحلول الاخرى.............سمطيه...............ثم سمطيه.............ثم سمطيه
الارقام الغريبة اذا اضطررتي للرد.بمجرد تلقايه صوت رجل ماتدي ماتجيبي معاه.........راك غالط وخلاص............واضغطي على الزر لانهاء المكالمة


يعني ماتخصريش عليهم الهدرة ولو حتى شتم..والو.

قبل ان اختم.....ضحكتني كلمة تمشي؟؟؟.......ضننتها انقرضت من المجتمع او عوضت بمصطلح اخر...................ارتيها لازالت تستعمل؟؟؟...كلمة غبية والله.

في الاخير.............رغم انك اخطئتي.......الا انك انسانة ماشاء الله..............ربي ينورلك طريقك ويحفضك من كل شر.

[..بسمة أمل ..]

السلام عليكم اختي

اولا لحمدو الله لي ماتعلقتيش بيه

ولا كثرتي معاه الهدرة ثانية انا مش

راح نقلك بلي كي درتي هاك راه حرام عليك وووو

منحبش ندير روحي مثالية ونقلك هذي العلاقة حرام حتى

وكان نجحت ووو المهم انا ننصحك تديري هاذ النيميرو في liset de rejet

يعني في لائحة المرفوضين متحاوليش انك تحكي معاه نهائي

متقوليلو لا متعاودش تعيط لا والو خلي. يعيذ حتئ يكره ومن بعد

راه يمل ويكره وحدو ربي يسهلك

[♥سهام♥]

ربي يكون معاك

[طيور الجنان]

اختي انا ننصحك تبدلي لا بيس و تتهناي لونكات تاع خاوتك خير من الازعاج تاع هذا تخيلي لو كان الهاتف تاعك قدام خوك و يرد عليه اكييييد راح يقولو نعرفها و .......... و هنا راح يكون عندك مشكل كبير .

[mino 13]

ديريه فى قائمة سوداء وراكي تهنيتي اختي
كي يعاود يعيط لا تقومي بالرد عليه ااو حتي تفكرين بالرد على اتصال
فى فايسبوك ديريلو بلوك bloq
بخصوص ما قمت به هو خطا لانك قمت بوضع ثقة بشخص لا تعرفينه وهو خارج من ولايتك
وهدا درس لك ...
قولي حمد لله لي ماشي من ولايتك
--------
رغم كل هدا حسب اعتقادي سوف يعاود اتصال بك

[متعلم انجليزي]

اذا عندك هاتف android
هناك برنامج يمنع اي رقم خارج قائمة اتصالاتك ويبلوكيهم الى الابد
ابحثي في بلاي ستور
black list
وحمليه
اذا لم تعرفي العمل به ابحثي في youtube
او ضعي موضوع هنا وساعطيك الطريقة بالتفصيل
=============
لا تلومي نفسك كثيرا

[أم شروفة]

كسري لابيس ..نقطة الى السطر بداية جديدة بلا ماض بلا تعارف في الفايس بوك

[agro44]

راني حاير علاش طرحتي هذا المشكل و انتي هي السبة


اختي كيفاش علابالك بلي حرام و تكلمتي معاه في الفيسبوك ؟؟ وزدي عطيتيه رقمك وهدر معاك وحلفلك ؟؟

وشمن حلف وشمن امانة رااكي تكلخي لروحك ماشي للناس

انا حاجة نقولهالك الحمد لله الي مكملتيش معاه خير من حياتك تروح كامل حرام في حرام

[غربة أهل السنّة]

وعليكم السّلام ورحمة الله وبركاته
أنتِ اقترفتِ خطأ وندمت عليه فاسال الله تعالى ان يتقبّل توبتكِ وأن يغفر لكِ ولجميع المؤمنين
إن شاء الله يكون هذا درس لكِ وان لا تعيديها...
***************************
بالنّسبة لرقم الهاتف بما أنّكِ قلتِ أنّه من الصّعب أن تغيّري الشّريحة
عليك أن لا تستعمليها مدّة 3 اشهر حتّى يقفلوهالك
واشتري شريحة جديدة لتغلقي عليكِ باب الفتنة وارجو منكِ أن تعطي رقم هاتفك إلا للمقرّبات من البنات
أمّا عن فيس بوك فمن الأحسن إغلاقه يا أختي ،،، لأنّك لن تستفيدي منه شيئا
لأنّ الشّيطان لن يترك التّائب في حاله حتّى يردّه إلى المعصية
واعلمي فقط أنّ المرأة المسلمة كرّمها الله بالسّتر فمن يريدك حقّا لن يتردّد في طرق باب بيتك
أما من يريد اللهو فهو من يتبع السبل الملتوية للوصول إلى الفتاة
وفّقكِ الله ...