الورشة3 ههه سطايفية متزعفبش اني نعاون فيك

[wiwi la blande]

السلام عليكم و رحمة الله

انا هاذي اول مرة نحط موضوع هنا انشاله يعجبكم و نكون خفيفة الظل عليكم
ليوم جبتلكم باترون و تفصالة لغوب هدي لراهي الامود

غوب دونتال و فولاغ سبيسياال عيييد

عندي قماش فولاغ لهو تاع الخمارات كراب دوشين و دونتال

شوفو المراحل بالصور
هدا القودام بالدونتال



و هدا الوراء ب تحريفة للظهر مع البابيون




و هذي لدوبليغ تاع الدونتال طويت القماش على زوج و كي فتحتو قطعت تحريفة الرقبة من الامام و الوراء




بعد التفصال و التقطاع و الخياطة و جمع الدونتال مع الدوبليغ




حسبت مقاسات التنورة و رسمتها فوق القماش كل وحدة الطول و العرض ديالها







و هاهي النتيجة شريت سبتة ذهبية جات فور عليها
هدا الامام




و هدا الوراء



و هدي على اليمين عععههههههههههه




و هدا البابيون




الجزء العلوي دونتال
السفلي فولاغ
البابيون فولاغ

صح صحوركم نتمنى نكون فدتكم و نتوما متبخلوش اليا بالردود