ارفع معنوياتك وتحدى الرياضيات

[ghada dafri]

هذه قصة من اعداد الاخ islambazita وجدتها واردت نشرها لرفع معنوياتنا خاصة من يعاني من ضعف في الرياضيات مثلي انا



تكون تقرى 2 ثانوي تتطلع Bac و أنت تعرف خايف من مادة إسمها الرياضيات تتحسر عل لعوام لي فاتت وتقول يا ريت قريتها قبل و منبعد تقبل التحدي تقول ماني خاسر والو تبدا تقرى تلقى صعوبه تروح les cours تتلقا مع ناس عندها base مليحة و أنت ما تعرف لا نهايات لا اشتقاقية لا متتاليات لا هندسة... تخاف شويه و من بعد تقول يا أنا يا الرياضيات و تبدا تسهر تتعب تنوض عند الفجر, تتحدى صحابك............ ويفوت لعام تلقا روحك تعشق مادة يقولولها الرياضيات ويلحق يوم الإثنين من شهر جوان دخلت 3 ساعات و انا قافل الهاتف و مع sujet تاع math , نحل ف الدالة و نضحك بصوت و حليت متتاليات الأعداد لمركبة و الهندسة و انا نتفكر ف كل واحد قالي متقدرش فكل واحد قالي الرياضيات صعيبه فكل واحد قالي معندكش base... جبت خير من لي كانو عندهم base ابدا تقول فات الحال احلم و اتعب وراح توصل و الحكايه مش حكايه math برك مهما كانت شعبتك مهما كانت الماده لي مخوفاتك مهما كان عدد ناس لي قالولك مستحيل اقبل التحدي راح توصل بإذن الله راح توصل



باذن الله راح ننجحو كامل ان شاء الله