تلبيتا لطلب عضوة من المنتدى حفضها الله.... تم الرد

[ام حمزة22]

السلام عليكم ورحمة الله تعالى وبركاته

مثل ما راه مبين فالعنوان لبيت طلب عضوة لي طلبت مني طريقة فصالة البرنوس واعتذر اختي الكريمة على الناخير لاني كنت مشغولة وان شاء الله مانكونس طولت عليك بالرد

اولا البرنوس يسحق 3مترات قماش سوسدي كاين منو الخشين وكاين رقيف انا نفضل رقيق لسهولت الطرز عليه

اختي الكريمة راني درت مخطط بالطبلات وان شاء الله يكون مفهوم لاني اول مرة ارسم بالتبلات
المهم نطوي القماش على 2 ثم نفصل النصف الدائرة مثل ماراه مبين فالصورة ما ننساش نخلي 30 سم من اعلى الجيهة لي بدينة بيها النصف الدائرة ولازم تان نخلي 30 سم فالاسفلاي وين تنتهي الدائرة
والطرف نتاع القماش لي شاط نفصلو قلمونة ويكون في اعلى الراس اكبر من الكتفين وهدا تشاهدوه ويبانلكم مليح فالبرنوس لي خيطت
ان شاء الله الشرح يكون مفهوم







وهدا رابط لموضوع كنت درتة نتاع صور البرنوسhttps://www.djelfa.info/vb/showthread.php?t=1662706

ملاحظة:اخواتي الكريمات حبيت نقوللكم بعد ما تحطو الطلب نتاعكم لازم تصبرو شوية ومثل ما قالت سطايفية ربي يحفضها ويخليلها صحتها حاولو تبحتو على الشيء لي راكم تحوسو عليه قبل ما تحطو طلبكم والله ساعات نشوف طلب متكرر شحال من مة ويكون تم الرد عليه
انا عن نفسي مانكدبش عليكم نضرب طلة ونشوف الطلبات لاكن ما باليد حيلة اتحسر دائما على عدم تلبية الطلبات لاني ام وولادي بسلامتهم كبرو وطلباتهم كبرت معاهم مثل ما يقولو ناس زمان (يكبرو دراري ويكبر همهم معاعم)
والاخت سطايفية ربي يحفضها ويعطيها ما تتمنة ماراهيش مقصرة معاكم
وعندي ملاحظة اخرى وكانت سطايفية ذكرتها ان من الواجب الرد على الموضوع لي تحطوه بعد الرد عليه

ان شاء الله هاد ااموضوع يفيد الجميع
تحياتي للجميع