مساعدة عن بنك agb الخليج

[bellagio]

السلام و عليكم يا خاوتي ساعدوني رحت لبنك الخليج تاع رويبة باش يعطوني ماستر كارد طلبو مني نفتح حسابين بالدينار واحد تحط فيه 10000دج و واحد تحط فيه 5000دج معليش درتها منبعد طلبولي نفتح حساب بالعملة الصعبة أو تحط فيه 100$ كان عندي لأورو ماقبلوليش قالولو بدلو دولار و أرواح .عاودة وليت جبت 100$ فتحتلي حساب دوفيز من بعد طلبت البطاقة قتلي السيد المستكلف راهو فورماسيون ماعليش ليوم زدت راحت قالولي لي آجون روح لدارك شهر بش توجد وليت ماندويش كي درت الحس جا واحد قالي ياخو لي فتحتلك الحساب هي تخدمهالك لكن راهي كونجي سمانا الجايا يا خاوتي أعطوني كش حل

[خالد عنابي2]

ههههههههههههههه الجزائر

تحيا payoneer

تحيا nettler

[bellagio]

المشاركة الأصلية كتبت بواسطة خالد عنابي2

ههههههههههههههه الجزائر

تحيا payoneer

تحيا nettler

والله غير تحيرlagent هدر معايا بطريقة تقول هو خدمها

[bellagio]

صدقني يا أخي غير هبلوني عندي سؤال أستطيع طلبها في مقرهم العام بدالي براهيم علما أني فتحت حساباتي في رويبة

[AyOuB0587]

قدم شكوى في المقر الرئيسي أو راسل المقر العالمي واشتك لهم

[bellagio]

المشاركة الأصلية كتبت بواسطة ayoub0587

قدم شكوى في المقر الرئيسي أو راسل المقر العالمي واشتك لهم

كيف أقوم بذلك عاوني أخي

[hamouda47]

من أمريكا يطلبو غير بطاقة تعريفة وحنا عي دزاير تجيب بباك لفمي قع أو بلاك ميقبلوكشششششششششششششش

[bellagio]

أخي راسلتهم جاوبوني بهذا الجواب

Nous vous remercions de l'intérêt que vous portez à notre banque. Suite à votre mail de réclamation, nous vous prions de bien vouloir nous préciser le type de carte que vous avez demandé : Est-ce une Mastercard anonyme (prépayée), ou bien alors nominative (Classique, Gold, Platinum) ?

مع العلم أني أريد بطاقة بإسمي لي تقبل من 100$ إلى 1000$
وش نجاوبهم

[Mohammed]

السلام عليكم


المكان المناسب للموضوع هو : قسم الاستفسارات و المشاكل الخاصة بالبنوك و الحسابات المالية


ينقل الى المكان المناسب

[Abdelhadi1995]

khoya ana rahte 3andhoum we dite ga3 les papier 9alouli mana9ablouche les etudiens

[houssemmystery]

المشاركة الأصلية كتبت بواسطة bellagio

أخي راسلتهم جاوبوني بهذا الجواب

Nous vous remercions de l'intérêt que vous portez à notre banque. Suite à votre mail de réclamation, nous vous prions de bien vouloir nous préciser le type de carte que vous avez demandé : Est-ce une Mastercard anonyme (prépayée), ou bien alors nominative (Classique, Gold, Platinum) ?

مع العلم أني أريد بطاقة بإسمي لي تقبل من 100$ إلى 1000$
وش نجاوبهم

أولا: البطاقة التي تريدها لا يكون فيها الاسم ، كما اخبروك anonym prepayer
ثانيا: البطاقة (في الحالة العادية) تحصل عليها بعد يوم واحد من تقديم الوثائق وفتح الحسابات ، لانها عندهم يكفي فقط تفعيلها (ليس فيها اسم باه يرجعوك بعد شهر)
**ثالثا: دير شكوى عند مدير الفرع بلي زاجون لي هدرو معاك بهذيك الطريقة، و اذا قلقك هو ثاني قلو بلي راك رايح لديركسيون سنترال تاعهم ودير شكوى بيهم كامل

المشاركة الأصلية كتبت بواسطة Abdelhadi1995

khoya ana rahte 3andhoum we dite ga3 les papier 9alouli mana9ablouche les etudiens

صحيح ماعادوش يخدموها للطلبة، شوف اي مقاول و الا تاجر يخدملك شهادة عمل كبائع مثلا وديها مقبولة

[lBoss]

صرااحة اخي والله راهم يجيبو في الوقت بيك والله .... باسكو كوون عينهم يحلووها يحلووها في يوومها انا حليتها في نهارها والله العظيم بأقل الاثمان

[lBoss]

سقامتلي كااامل يا ربي 800 ميل برك بدلا من 5 ملاين __ 200 اورو + 2 ملاين دينار + شهادة عمل ( كاين ناس لي معندهمش سما لازم يشرووها وهي دير كاش مليون ولا زوج سما رايحة كامل 5 ملاين من لخر نقووولك لسان لحلوو والله تفرييها انا لقيت واخد الاخت لثما منعرفها ما والو مسكينة عاوناتني و كثر خيرها والان اصبحت تعرفني و كي نرووح لثما ترحب بيا سي عجب وما عندها حتى فائدة معايا ربي يخليها على كل حاااال خخخخ

[Abdelhadi1995]

السلام عليكم
شكرا اخي