ورشة الصدر الازرق ... تفضلوااا ^^

[ميرة البويرية]

السلام عليكم ورحمة الله

كيما وعدتكم هاذي ورشة الصدر الازرق , للاسف راح نديرلكم شرح برك , يعني مراحش نخدم واحد لاني مشغولة بالدرا.
هاذا هو الصدر:





بسم الله

, كل ما نحتاجو في هاذ الصدر:

3 كبات كوتون بيغلي ( اللون حسب الرغبة) كيما هاذا :

+ كبة خيط لي يخدمو بيها صدر( بالسلك ولا بلا سلك كيما تحبي)

+ عقاش اذا حبيتي

المهم نبدا على بركة الله :

اول شئ نخدمو قطعتين للصدر تشبه السوتيانة , وهاذا الباترون تاعها :

تخدمي وتقيسي على روحك حتى تكمليها , من بعد تزيدي تخدمي قطعة اخرى مثلها تماما .

المهم كي تكملي القطعتين تربطي بيناتهم بسلسلة تاع 6 وتقطعي الخيط هكذا :

من بعد تقيسي وراء ضهرك , وتعملي سلسلة بهاذاك القيس , والا تعملي السلسلة بغرزة الحب , او غرزة الياسمينة ( حنا نقولولها غرزة الياسمينة )

ولي متعرفش غرزة الياسمينة هاذي الطريقة :

ماتنسايش كي تكوني تخدمي في هاذوك الطرق الاربعة, لما توصلي لطرف القطعتين لي خدمناهم , تحكميها مع الغرزة شوفي الصورة :

نكمل شرح الصدر , شوفو الصورة :

في هاذيك النقطة لي حبستي فيها تولي للوراء وتكملي الغرزة حتى توصلي لنصف الضهر وترجعي وتزيدي تولي وترجعي دائما من نصف الضهر حتى ننتهي الى نقطة واحدة من الغرزة( يعني يتشكل مثلث ),( الصورة)

ثم نعمل سلسلة على حساب القيس ديالك من الضهر( من النقطة لي كملتي فيها المثلث) الى قطعة الصدر مرورا بالكتف, تحكمي السلسلة فالصدر كيما خيط السوتيان تماما , ثم نقطع الخيط .

نروح للجانب الاخر ونعمل نفس الشئ .

دوكا نروحو نخدمو الحواشي بهاذ الباترون :

وتكملي بيه ساير داير على كامل الصدر هكذا :

الى الآن رانا كملنا صدر

نروحو للوردة هاذي :

وهاذا الباترون تاعها :

قد ما تعملي السلسلة طويلة قد ما تجي الوردة كبيرة .

كي تكملي الوردة,عمري لحواشي تاعها بالخيط تاع صدر , وزيدي لكامل طروفة تاع صدر,تقدري ديري في وسط الوردة عقاشةكبيرة وسلسلة تاع عقاش ( سمسم) و لسقي الوردة بالخيط في اسفل وسط الصدر .

تقدري تشبحي الصدر بالعقاش كيما هاذ المودال :

وهو المودال الاول لي خدمت .

الى هنا انتهى شرح الصدر , ان شاء الله يكون الشرح واضح , لاني وفي الحقيقة لست معتادة على شرح اعمالي ولا كيفية ذلك ...

المهم اي سؤال انا في الخدمة اخياتي ...
وفقكم الله^^