البكالوريا بالذراع ماشي ب 3g

[ام جزائرية]

عندي 2ولاد واحد معاود والطفلة اول مرة قلتلهم جيبوه بذراعكم كي تفرحوا تفرحوا صح وحنا معاكم بصح بكالوريا الخرطي والغش مانحتاجهاش قادر الواحد مايجيبش الباك ويفتح اعليه ربي بخدمة مليحة ومدخول فوق الخيال لانه ارضى الله سبحانه وتعالى والواحد في هذا الدنيا ايحوس اعلى مستوئ ثقافي امليح وخدمة مليحة باه يكون عايلة ويكمل نصف دينو كل هذا بما يرضي الله واذا كان في غير مرضات الله كونوا اكيدين ان الله سبحانه وتعالى لن يبارك لافي العمل اللي يكون بواسطة هذه الشهادة المزورة ولا في اي شئ يكون من نتاج هذا العمل.انا اللي قهرني مجموعة للخياطة وآخر صيحات الموضة والاعضاء طالبات في حجرات الامتحان يكونكتيو على المباشر ويصوروا السيجي ويقولوا لاعضاء آخرين جاوبونا والاعضاء الآخرين مدايرين مجموعات من طلبات الجامعة واساتذة ويكتبولهم الحل ويبعثوه على المباشر وصارت مشادات كلامية لمجرد اننا تكلمنا كلمة حق ونهينا عن منكر بصح انقوللكم الحق لم اسكت لان الساكت عن الحق شيطان اخرص
وقلتلهم منا وجاي الجيل هذا راحت الثقة بيناتنا الا من رحم ربي كيفاه نامن منا وجاي طبيبة والا قابلة على حياة ام وجنينها وكيفاه نامن مهندس عل مشاريع يعيشوا تحتها ملايين من البشر
وجاءت المبررات
واكثرها رب عذر اقبح من ذنب لكن الذي اسعدني هو انو الفئة اللي قامت معي ضد الغش كانت ماشاء الله ولكن فئة الغشاشين كانت تصيح وتقول خليونا واش دخلكم انتوما يخي رانا خاطيينكم خليونا انعاونوهم وتمنيت آنذاك لو كنت المسؤولة عن هذه المجموعة وعندي صلاحية ضغط زر الحظر لكنت حظرت الكثيييييير والكثيييييير .وقلت لهم ليتني استطيع حظركم جميعا خارج الكرة الارضية
كيفاه الغرب والغير مسلمين استغلوا التكنولوجيا لتطورهم والنهوض بأمتهم ونحن امة محمد صلى الله عليه وسلم استعملناها في مايغضب الله ولايرضي رسولنا الكريم وتبقى الحياة صراعات لا متناهية بين الخير والشر الى قيام الساعة ربي يوفقكم اجمعين ابنائي الاعزاء جميعا مهما كانت النتيجة ايجابية والا سلبية المهم ارضيتم ربكم
وبالتوفيق والله لايضيع اجر من عمل ان شاء الله
وكي اليوم ان شاء الله نسمعوا الزغارد في داركم وجي بنينة كي لعسل خاطر بتعب الواحد واللي ماجابوش العام هذا لعقوبة للعام الجايان شاء الله