اريد رايكم

[مشكلتي]

اعجبتني فتاة و اردت التقدم الي عائلتها لخطبتها حسنا هي صارحتني انه تم خطبتها مرتيين لكنها رفضت .هي الان تدرس بجامعة قريبة من ولايتها و تعيش منذ ثلاث سنوات عند اختها المتزوجة يعني تقرا في الجامعة و تبات عند اختها.
قالت لي ان اردت الخطبة تكلم مع رجل اختي و تفاهم معاه و بعدها هو يحكي مع باباها و بعدها اتفاهم مع باباها لانها قالت لي ان اباها تقلق منها كي ماحبتش تتزوج قال لراجل اختها راهي عايشة عندك تنخطب من دارك و تتزوج من دارك.
انا جاتني ماشي نورمال كيفاش هي عندها باباها و يماها و انا نروح نخطب من دار نسيبهم قاتلي بصح عايلتي يكونو حاضرين نهار تخطبني في دار راجل اختي.
قلتلها الاصول نخطبك من داركم و مانبدلش رايي .نقطة.انتهى.

[عين الصقر]

باباها مازال حي تخطبها من دار باباها
عيب تخطب من عند النسيب
هذي هي الأعراف
هي مادامها قابلة بيك اطلب يدها مباشرة من بين أهلها
وحتى لو حكيت مع زوج أختها فهذا فقط ليخبر والدها ويعلمهم ويمهد لك الطريق ماشي تخطب من عندو
حذاري

[لحن الحياة.]

اخطبها من دار ابوها و بلا ما تسقسيها في هذي الشرع يقول هاك و الاصول كيما قلت وافرض عليها كلمتك

[ايمان نور الجزائر]

البنت عندها مشاكل اكيد مع والدها
لكن هذا ما يمنعش انو الاصول تبقى اصول والاب نتاعها حي لازم هو يمد البنت
انت يمكن تكلم زوج اختها وتوصلو الهدرة ويمكن يرافقك وتروح تخطب من عند الاب

[فتيحة تفاحة]

اخطبها من عند ولي امرها ابوها هدخطبة اي عشرة اي انصهار عائلتين موفق ان شاء الله

[first first]

ياخي نسيبهم راح يوصلك لباباها؟؟؟؟ وفي الاخير باباها لازم يعقب عليه كلشيء
وعلاش درت منها قبة؟؟؟؟؟ والله لايوجود اي مشكل في نظري. ربما الاب صعيب شوية حبت تدخل زوج اختها في المراحل الاولى لانه يمكن فهمها لاغير.....والاب خلاتلو مكانو لاحقا؟وطبعا هي ماقاتلكش بابا نحيه من الحساب؟؟
تكلم مع زوج الاخت وقولو انا نكلم باباها ...مادامو حي نقصدو هو ...........والحقيقة هذا هو الاصل ............مايقدرش يقلك لالا
مع هذا انت حر .............لكن لاضرر في وجود بعض التفهم والليونة.
بالتوفيق

[eBusiness]

ربما أبوها قال تلك الكلمة لنسيبو أمام بنتو كي تعرف أنها أمانة عنده ويخاف عليها مثل إبنته وربما غضب من مسألة أنها لم تريد الزواج وواصلت دراستها والله أعلم... أما بالنسبة لك أنت روح تكلم مع أبوها مباشرة ونسيبهم خاطيه... قل لها أنك ستتحدث مع والدها مباشرة وأنه خاطيك les connexions هاذو... إن كان لديها مشكل مع والدها أو راهو غضبان عليها كونها لم تريد الزواج فقد تكون أنت فال خير وترجع المياه لمجاريها بينهما (على شرط أن لا يكون غاضب عليها في أمر اخر قد يؤثر على حياتك الزوجية معها)... رب يسهل يا خو

[sawsanafleur]

يبدو لي ان هذه الفتاة لديها مشكل مع والدها عندما رفضت الخطيبين السابقين ربما دون سبب مقنع .....فلم يتقبل الوالد الامر ....ثم اوكل المهمة لزوج اختها ....ممكن يكون حلف في لحظة غضب ولا يريد ان يحنث ....العلم لله ....استفهم منها الامر...لكنك قلت ان ابوها وامها سيكونان حاضرين يوم الخطبة ....اذن هي ستتزوج بعلم ومشورة اهلها وليس من ورائهم....انا لا اعتبرها مشكلة وانت وقناعاتك.

[anoossam]

جرب تكلم مع نسيبهم وشوف وش رأيه وش المشكل
و المنطقي انك تخطب من عند باباها

[aminazy]

السلام عليكم
يقول المثل كي يذوب الثلج يبان المرج ..........روح لراجل اختها وهدر معاه ثم باباها واذا شفت راي لي قاتلك عليه نفسو قالولك باباها اذا تحرى جيدا واذا شفت اللوش(اي شكيت في حاجة ما فهمتهاش ) ابقى على موقفك واجبد روحك ......ابتعد وما دورش موراك ..........

[nawel26]

اخطبها في دار باباها تبع الاصول اذا ماحبوش خيرها في غيرها

[الألماسة]

هي قالت زوج اختها يكون وسيط بينك و بين ابوها في بداية الامر فقط
وين راه المشكل؟؟؟ المهم يكون والدها حاضر يوم تروح تخطب رسمي
ربي يسهل امورك

[aoudj]

ممكن تدخل في الوساطة أختها وليس زوج أختها /
سبحان الله هذه الفتاة غريبة بعض الشيء وما فائدة حشر زوج أختها