عونوني يا بنات العلمة

[sabi foufa]

حلوى بالفول السوداني تباع في اسواق العلمة. ما اسم هذه الحلوى وكيف تصنع

[ريتاج العمر]

والله العظيم غير اوال مرة نشوف هدي الحلوة عمري و لا شفتها ولا دوقته

[alison dilaurentis]

سسلام ....
يقولولها لي ماكارون ومعمولة باللوز ....تلقايها عند لباتيسري...

[ام رضوان]

أختي هذه يقولولها ليمكارون كاين الي يخدمها بالكاوكاو وكاين اللى يخدمها باللوز وهاذي راهى تتباع في المقاهي المليحة تتباع عند الليي يبيعو البتيسري وتكون لذيذة وبصحتك ارواحي نعملوهالك كولي وإدي .

[sabi foufa]

شكرا حبيبتي ام رضوان
هذه الحلوى اكلتهااول مره في تونس عندما كنت صغيرة و كنت احبها كثير في تونس مصنوعة بالوز
عندما ذهبت يوم السبت الى العلمة وجدتها تباع هناك الحبة ب 30دج اشتريت منها 20حبة
ان امكنك اعطاء الوصفة من فضلك

[ZAKARIA.BOUNASLA]

ابحثي عنه كتاب الحلويات هنا

[sabi foufa]

شكرا زكرياء على الرد

[oum islem]

عمري ما شفتها وﻻ كليتها ان شاء الله تلقاي الجواب عند باقي العلميات

[bent chawia]

السلام عليكم هذي الحلوة اسمها لي مكارون مشهورة بزاف في فرنسا و كاين محلات خاصة يبيعوها ثمة اما عندنا تلقايها عند اللي يبيعو باتيسري و اشهرها المخدومة باللوز كنت نشريها من سطيف كي كنت نقرا ان شاء الله نكونو فدناك

[ام رضوان]

بسم الله الرحمان الرحيم اختي هذه الوصفة علمها لنا استاذ الحلويات في مركز التكوين المهني جربيها وانشاء الله تصلحلك . 1كغ لوز او كاوكاو مرحي رقيق بقشوره 8او9بياض البيض 700غ سكر عادي. شوية فاني ملعقة كبيرة معجون المشمش.
ناخذ اللوز او الكاوكاو نضيف له السكر والفاني ثم نضيف بياض البيض حبة بعد حبة ونخلط جيدا حتى نحصل على عجينة طرية ونضيف ملعقة المربى
نفرش البلاطو بورق الزبدة نشكل كريات صغيرة ونضع فوقها حبة لوز او كاوكاو ونبعد بين الحبة واختها وندخلها الفرن على درجة حرارة منخفضة بعد النضج ننزعها بلطف من البلاطو باه ماتتكسرش .
انتي جربي بربع الكمية وشوفي اتمنى ان اكون افدتك وشكرا.

[sabi foufa]

الله يخليك ام رضوان و يعطيك ما تتمناي
بربي انجربها و نردلك الخبر