الووووووووووووووووووووووووووو هل من مجيب

يعني ولا واحد عندو اجابة ياك راه سؤال عادي مش سر من اسرار الدولة

السلام عليكم .....ممكن عندهم إجابة لكن......ميش حابين يهبطولك المعنويات..................
شوفي يالالا ....نظريا....المستخلف يدي 2 ملاين و 300 الف بالتقريب ....المردودية في منصب شاغر ...يعني العطلة المرضية مافيهاش مردودية....700 الف يعني كلش 3 ملاين بالتقريب في حالة منصب شاغر .....
لكن الواقع ....مستخلفين ماخلصوش من 2012 وواحد اخرين راحو يريكلامو على دراهم العام لفات قالولهم روحو تلعبو ...وفي هذا العام ناس من سبتمبر تقري مادات ولا فرنك....
.....لكن يااختي ....الطمعة في ربي ...ان شاء الله ربي هذي الوزارة تلتفت لهذي الفئة المهمشة و يعطولهم حقهم ولما لا .....يكون ادماج بإذن الله ......
انا واحد راني نعاني لكن رغم كل شيء ......نحب بلادي و تحيا الجزائر حرة و مستقلة و آمنة.....ولما عجبوش الحال يخبط راسو في الحيط.........

وعليكم السلام

شكرا اخي على الرد

لايهبطولي لا معنويات لا والو انا خدمت استخلاف طامعة في ربي يمكن كي نجيب شهادة عمل تفيدني في الكونكور

و حبيت نعرف برك باه يكون عندي علم لاني بديت من فيفري في منصب استخلاف في عطلة امومة وهذي اول مرة واول تجربة ماني فاهمة فيها والو على هذي حبيت نسقسي مي لاحظت انه لكل ما يحبوش يقولو على خلاص الاستاذ على اساس انه سر من اسرارهم ربي يهدي وربي يفرج

شكرا اخي على الرد بارك الله فيك

اختى الاستخلاف فى عطلة امومة كل ولاية كيفاش ادا كنت تخدمى فىولاية المدية يعطولك كامل حقوقكحتى المردودية مى ولايةاخرى مايمودولكش المردودية وتخلصى 80 بالمئة وش كانت تخلص الاستاذة الى راكى فى مكانها
انا اشتغلت فى عطلة امومة و خلصونى 8 ملاين و 900 و صديقتى 11 مليون
مى فى ولايةالجزائر مايحسبوش العطل وحدة نعرفها مدولها 5 ملاين وصديقتى اخرى فى ولاية البويرة ايضا 5 ملاين العطلة مايحسبوهاش انا كى خدمت من سبتمبر الى ديسمبر ماكانتش كاينة عطلة بالتوفيق المهم احسبى 80 بالمئة وش كانت تخلص الاستاذة الى راكى فى مكانها
و اسئلى المقتصد والى يخدو معاك علابالهم بهادو المواضيع مليح واسكو يخلصو عندكم المردودية ولا لا لا

شكرا اختي على الرد ربي يحفظك

انا من ولاية واد سوف وبديت من فيفري ومزالني حتى لماي

العفو اختي ربي يبارك فيك ...و بالتوفيق ......ان شاء الله

امين يارب اجمعين

لا تعرف راتب المستخلف الا من خلال:

كشف الراتب

كشف الحساب ccp المبلغ الوارد وليس المبلغ الموجود في ccp



رجاءا من أخرج كشف الراتب المستخلف يضع لنا صورة فوتوغرافية لها

لك الحق في المردودية

شكرا اخي على الرد بارك الله فيك
كم تقدر المردودية اذا ممكن تجاوبني؟

المردودية تكون 2 ملاين و 100

شكرا اختي امولة ربي يحفظك

المستخلف عن منصب شاغر في المتوسط 21000 دج والمردودية 23000 كل ثلاثة أشهر والمستخلف عن عطلة مرضية او امومة لا تحسب المردودية ولا العطل