خبز الدار على طريقتي من مطبخي تفضلن

[فهيمة 7]

اهلا عزيزاتي اليوم عملت خبز الدار او شطيطحة بالدجاج او العظام ، حبيت نوريلكم طريقتي في صنع خبز الدار

المـــــــــــــــــقادير وطـــــــــــــــــريقــــــــــــــــة التــــــــــــــــــــحضيـر:

كمية من السميد انا عملت 2 قرصات يعني هاذ المقادير تاع 2 قرصات
كاس متوسط فرينة
2 فنجال زيت
ملح
مغرف كبيرة مملوءة حليب غبرة
2 عظمات
مغرف كبيرة سكر
مفرف كبيرة مملوءة خميرة الخبز
ماء الزهر للعجن
2 كاسات ماء دافئ
20غ زبدة لينة
سينوج ، جلجلانية
صفار بيضة ممزوج بقليل من الحليب ومغرف صغيرة قهوة سائلة

نخلط السميد والفرينة نعمل الملح نضيف ،السكر والحليب والخميرة ،الزيت والعظام
ونبسس جيدا بعدها نبدا نبل بالماء الدافئ او نعجن مليح او كل مرة نخليها ترتاح او نرجع نعجن
كل مرة نضيف القليل من ماء الزهر يعطيه رائحة روعة بعد ما تطرى العجينة نضيف 20 غ تاع الزبدة او نعجنها مليح
نغطيها بالبلاستيك او نخليها تطلع ، بعدها غير نهبطها على الحواف ، او نعمل قرصات والسينوج والجلجلانية وصفر البيضة



الى الفرن بعد ما تخليها ترتاح 15د طيبيها على درجة حرارة 250





او ليكم الخبز بالصحة والهناء