افرغ قلبي

[مشكلتي]

السلام عليكم
في الواقع لم اجد غير هذا الصرح حتى افرغ ما في قلبي ، لعلي اجد من ينصحني و يشاركني اراءه
بداية اعرفكم بنفسي : انا طالبة جامعية في العشرين من عمري من عائلة محافظة و الحمد لله / انبذ تلك العلاقات بين الجنسين ولا احدث الذكور و لا افكر في اامر الزواج حتى..... كل ما يشغل بالي دراستي و فقط ....
في الاونة الاخيرة اي مع بداية الموسم الدراسي لا ادري ما الذي اصابني .. هو زميل لي يدرس معي ، اعجبت به اول ما رايته ،، قلت اكيذ هو اعجاب عابر لانه شخص خلوق متواضع و مؤدب ،، هذا ما جعلني اميل نحوه
لكن مع مرور الوقت تعلقت به اكثر و اكثر أ اصبحت اتتبع خطاه ، اهتم لامره ,اراه حبن يتكلم حين يجلس كيف يكتب كل ذلك خفية... افكر فيه .... با الهي انا لست كذلك
هل وقعت في فخ الحب ؟؟ اجل احببته و ليتني لم افعل
حين ينظر الي او تلتقي عيوني مع عيونه نظراته تقتلني تشتت افكاري و انتباهي
و اسعد لسعادته و افرح حين اراه ,, اجده مختلفا لا يشبه الاخرين ...
احيانا اقول ربما هي وسوسة و احاول نسيان الامر يوم يومين ... لكني لا استطيع فبمجرد انه يمر بجانبي و اقابل عيناه تتزايد نبضات قلبي وارتبك حتى زميلاتي لاحظن ارتباكي ، لكن ما عساي ان افعل صدقوني كل ذلك خارج ارادتي
حتى انني حين اصلي ادعو الله ان يجمعني به في الحلال ان كان ذلك خبرا لي
لانني اعلم انه لا خيار لي حيال هذا الامر الاا الدعاء
فالنفس الضعيفة و الله وحده يعلم ما تخفيه الصدور
و السلام خير الختام

[فارس الجزائري]

السلام عليكم ورحمة الله تعالى وبركاته

خيرا إن شاء الله

يا أختي الكريمة ما تشعرين به لا ننكره فهي حالة تنتاب الجميع وليست عيبا

ولكن العيب أن تنزلي من عرشك وتنسي أنك ملكة في بيت أهلك

لذلك إن كان الله قد قدر لك الزواج به تأكدي تماما أنه لن يكون إلا لك وإن كان الله لم يقدره لك فتأكدي تماما أنك مهما فعلتي لن يكون لك

لذلك كوني ملكة في بيتكم ولا تنزلي من عرشك إلا في عرش بيت زوجك واليكن شعارك – إلي يحوس علية إجي البيت أمالية-

بالتوفيق إن شاء الله

[الفاتحة]

الحل بسيط جدا:
قال الله تعالى : ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ) الآية (النور:30-31) .



وقال الإمام ابن مُفلِحٍ الحَنبَلِيُّ رَحِمَهُ الله تَعَالَى في «الفُرُوعِ»: "ولِيَحذَرَ العَاقِلُ من إطلاقِ البَصَرِ، فإنَّ العَينَ تَرى غَيرَ المقدُورِ عَليه عَلَى غَير مَا هُو عَليهِ ،وَرُبَّمَا وَقَعَ مِن ذَلِكَ العِشقُ، فَيهلِكَ البَدَنُ والدِّينُ! وكَمْ مِن نَظْرَةٍ أَلْقَتْ فِي قَلْبِ صَاحِبِهَا الْبَلَابِلَ !.

[كتائب القسام]

مراهقة لا غير ..........................ربي يزيل الغم ويكشف الهم ويزرع الامل.

[محمد جديدي التبسي]

وعليكم السلام ورحمة الله..
تتكرر كثيرا مثل هذه الحوادث ما دام الكثير لا يدرك خطورة الاختلاط والشر الذي يسببه
شوفي اختي كوني صريحة مع نفسك ما نتيجة هذا الأمر سوى مرض القلب وخور البدن وفساد الرأي... اذا هو لا يهتم لأمرك ولا يفكر فيك كما تفعلين فمن الذل والهوان أن تبقى مشاعرك على ما هي عليه خاصة أنه ما من طريقة لك للمضي في طريق حلال فالخطبة والزواج متعلقة بالرجل بتوفيق الله طبعا
هذا الأمر مادام متعلقا بالقلب فمن الصعب صرف النظر عنه إلا بشغل القلب بما هو أهم كذكر الله والاستغفار وقراءة القرآن وعدم تضييع الوقت خارج أوقات الدراسة وربما تتوقفين عنها نهائيا مع الوقت إذا مُلأ قلبك إيمانا بالله وخوفا منه..ربي يفتح عليك

[naamane3]

بعض الاشياء التي تفعلينها يوميا ساعدتك على ذلك دون ارادتك
مثلا سماع الاغاني او تتبع المسلسلات الهابطة او الكلام عن الحب
لذا اقطعي كل صلة لك كل هاذ الامور وتعلقي بالله وحده
وهو بإذنه سيعينك على بلواك

[mrmilano1984]

شوفي ماكالاه مانافقو رواحتينا المرا دايرة هاكا كل وحدة تتخيل وتتصور وتماجني الراجل لي في عقلها الله غالب سبحان الله لمرا دايرة هاك عندها تصور علي فارس احلامها لي تحبو ويعجبها هي غريزة في نفس المراة مرا عندها غريزة وراجل ايضا يعني هدا اعجاب مش انتي برك لي تحسيه انا خبير تاع النسا ونعرفهم كفاه يخمو شوفي نتي ماعليش راكي تتبعي خطواتو وكلامو وحركاتو ومشيتو وتصرفاتو ولي جاست تاوعو دونك الا السيد كان كما قلتي عاقل بزاف وماشي من النوع لي يخالط ويسهر ويشرب ووو يتكيف ويدر اشياء مش مليحة
نتمناهولك ليك لانو المرا صراحة الا تزوجتك براجل ماتحبوش صعيب تعاشرو ومخها مايكونش معاه ابدا عن تاكيدات علماء النفس واهل الاختصاص ان شاء الله يهتم لك والا كتب ربي يجي يخطبك وتتزوجو في الحلال افضل من ان تولي علاقة غيرها
المهم سالي عليه اولا الا صح كما راكي تتصوريه ولد فامليا الا كان صح ان شاء الله يكون لك باه هكدا ترتاحي نعرف بلي قلبك هو لي خيرو لانو خيالك يتصور شخص بالضبط كما هدا وحالة هادي موجودة في كل النسا يعرفو غر يتخيلو الرجال ويكونو صورة عليه
ربي يصبرك

[Bouchra02]

السلام عليكم و رحمة الله و بركاته
اكثري من الاستغفار و الدعاء "اللهم يا مثبت القلوب ثبت قلبي على دينك " ، " اللهم اشغلني بك عن سؤاك" و غيرها من الادعية
حاولي تغضي بصرك خاصة عن هذا الشخص و اذا اخطات ونظرت اليه استغفري و ادعي الله ليكون معك دوما و سيقويك على نفسك
جاهدي نفسك و اغلقي طريق الشيطان ربي يوفقك و يقويك
ستجتازي هذا الاختبار بنجاح باذن الله و توفيقه ،انت قدها خيتي وربي معاك،

[lhossin]

فتبصر ولا تشم كل برق فرب برق فيه صواعق حين
واغضض الطرف تسترح من غرام تكتسي فيه ثوب ذل وشين
فبلاء الفتى موافقة النفس وبدء الهوى طموح العين

[nilly]

اتشعرين به شيئ طبيعي كل البنات وكل شباب حدث لهم ماحدث لكي ولكن انتبهي فانتي صغيرة وشاب صغير واكيد لا يفكر بزواج وهو بهدا سن

[قمر السلام]

يا اختي من الممكن الشخص هادا مراهوش كامل يفكر فيك وكيما نتي تحبي قرايتك اكيد هو تاني عندو احلام وحاب يكمل قرايتو مكانش واحد يقرا فالجامعة من الشباب حلمو الزواج .. الزواج هو اخر احلام الشباب الجامعي مالا اقراي ومتزيديش تشوفي فيه باش متعبيش روحك ومتعذبيش روحك كامل غلطنا الغلطة هاددي

[لاعبة النرد]

السلام عليكم
هههههههههههههههههههههههههههههههههههههههههههههههههه ه

والله ما قدرت نحكم روحي من اني نكتب رد هنا .......
واحد يقولها مراهقة .....
واحد يقولها افلام هابطة و مسلسلات .....
ولاخر يكملها بــــ أنا خبير نسا و شادنا غير المرا تتخيل واحد وتحبو يكون زوجها ...........
ههههههههههههه والله غير حاااااااااااالة .

.... آآآآآآآآآه المهم يا أخية ....

عادي و الله عادي ما تمرين به ... و

لو انو يختلف من وحدة لأخرى ويختلف حسب مراحل الحياة نقولك حاجة ::: ديري حاجة في بالك .......

شكون انتي ؟؟؟؟؟؟؟؟؟ انتي انسانة راقية و مايستاهلك الا واحد مليح .........واحد يليق بيك ...... ديري في حساباتك دايمن انو المظاهر خداعة .... ولكل انسان عيوبو ..... وهاد السيد اكيد لو تعرفيه مليح مليح رايحا تكتشفي فيه عيوب مرايحاش تعجبك .... معليش ......... بفرض انو السيد مليح و هايل وراااائع ومراكيش قادرة تقاوميه .... بما انك كتبتب الموضوع هنا .........اكيد شعورك اتجاهو يقلقك و دايرلك مشكل ..فكما قلتي صحباتك لاحظو الامر و انتي ترتبكي و تتوتري ......

السؤال المطروح ::: كيف تتخلصين من شعورك اتجاهو ؟؟؟؟


- اولا ::: اختي تكبري عليه ....... نعم تصرفي بتكبر اتجاهه وتخيلي روحك احسن منو و انو هو ماشي من مستواك ....حتى و لو هو انسان مليح..... حاولي تقنعي روحك بهاد الشي .........-- مرانيش ناقش في الشخص هنا --- راني نحوسلك على عفسة حتى تتخلصي من شعورك و هادا وش يهمنا حنا دوك .....


- ثانيا ::: حاولي تتصيدي اخطاؤو .... القايلو اي شيء ممكن مايعجبكش ولو حتى طريقة مشط شعرو ... لون ملابسو ... صوتو ... اكييييييد يتكلم مع بنات . .... تخيليه ما يصليش و ركزي على هاد العيوب وكرريها لروحك دايمن و قولي في نفسك اكيد هو كدااا .... مثلا يتكلم مع البنات ...

- ثالثا ::: انتي تقراي في الجامعة ونقولك حاجة اختي ديري في بالك مليح ..... انو مهما وش يعجبك شخص هاااااادا لا يهم ... يا اختي يعجبك ومن بعد .... شعور جميل ان تحبي شخص او اشخاص هكدا برك .... والله شيء رائع .... هادا انعكاس واضح لجمال احساسك و طيبة قلبك .... تعاملي مع الموضوع بأريحية وقوليها لروحك .....اممم يعجبني و رايح يعجبني واحد غيرو .... ولكن اللي رايحا تحبيه حقيقة هو دلك السيد اللي هو يختارك ويطبطب على بابك و تديه بالحلال ........أكيييييييييييد كوني متاكدة من هاد الامر ....


- تجاهلي روحك لما تفكري فيه و بسرعة فكري في شيء مغاير .... اي شيء ....

شعور الحب اللي كامل نحلمو بيه نحن البنات سيأتي اكيد و لكن مع زوجك الرسمي ..... مهما وش شفتي شباب في حياتك .... ومادامك كما اختك العزيزة لا تشجعين العلاقات بين الجنسين .....
رايحا وحدك تقتنعي بأنو مافيش فايدة من انك تعجبي بهاد او داك .... تعاملي مع اعجابك على انو شعور جميل و كفى ...لا يتعدى انك تتخلي امور او تبني عليه حاجات اخرى ....ممكن تكون او لا ..

نقولك الصح ومرانيش نكذب عليك : نا من ايامات مراهقتي المبكرة منذ سن ال 14 تقريبا درت لروحي سيستام ونظام خاص هههههه يخليني اتعامل مع اعجابي لشخص ما دون ان يؤثر دلك في دراستي او حياتي العادية و طبعا دون ان يظهر علي دلك ..... فبما اني مقتنعة من اني :
- مراني رايحا نهدر معاه
- مراني رايحا نبادلو الشعور او نعترفلو بيه
- المهم مش رايح يصرا شيء مهم عدا سعادة مؤقتة ومن بعدها الم البعد ولوعة الفراق اللي اكيد رايحا تحدث ..

- الحب الحقيقي يكون للشخص اللي يتقدملك بالحلال و يجيك من الباب ...

يووووه طولت بزااااااف .... يخي قلتلكم عندي زمان ما كتبتش ..........يالله راني نخلف فيها ......... المهم تعاملي مع الامر على انه نزوة لها مدتها و ستمر ....... وش بيكم يا البنات اكبرووو شوي ولو ..........قال حب قــــــال .....

[mrmilano1984]

واش من الحب الحقيقي لي يتقدم عند الزواج ملايين النسا راهم استناو باه يجو يخطبوهم وتقلك الحب يجي بعد الزواج تصبر روحها برك من بعد كي تلقي الراجل لي ماشي متخيلاتو تكره حياتها تولي تكرهو كاين لي تبين الحقد وكاين لي تحمل في قلبها ووووو
علاش النسا دك يخرجو مع الرجال قبل الزواج باش تستي في االرجال لي يجها علي قوسطوها تتزوج به ياو تستني تاع الدار قليل لي تنجح باش تحبو بعد الزواج نسبة قليلة
النسا قاع يحبو يتصورو ويتخيلو الرجال ويرسموه في عقلهم الله غالب من عند ربي هكا الا ماتتخيلوش كما راها حباتو صعيب بزاف تعاشرو او فوق القلب
الشعب الجزائري 90 بالميا مش عايش الحب تاع الصح

[mrmilano1984]

ياو لمرا ماقدرت تقاوم المشاعر تاعها ونتي تقولها سيي نسايه موحال لمرا تبقي هاك اي مرا في الدنيا يعجبها راجل صعيب بزاف تنساه يلزم تبدل الاقامة تاعو وتبعد عليه وياربي يروح من مخها وبلاك قلبها سبحانالله زعما نتي تقاومي وماتبينيش احاسيسك يالي تقول انا مانقيموش طززززززززززز ياو فاقو اني نعرفكم مليح

[Ms aya]

rabi y3awnak 5tiiiiiiiiiii☺