كاب كايك وبوب كايك للاطفال ولا اروع

[احلام 10]

هذا كاب كايك وبوب كايك خذمتهم لولاد طفلتي اللي عجبوها تقولي نعطيها لي غوسات
https://www.up.djelfa.info/uploads/141742560378231.jpg
بارك الله فيكم على ردودكم الراقية اخواتي وراني تو نطلع بالوصفات ههههههه الاخت اللي طلبت وصفة البوب كايك
90غ زبدة
90غ شكولة نوار
2 حبات بيض
90غ سكر عادي
50غ فرينة
1 سكر فاني
للتزيين
شكولة عادية او شكولة نوار
حلوى التزيين
سخني الفور على 180 درجة وذوبي الشكولة والزبدة مع بعضهم ومن جهة اخرى ضربي البيض مع السكر حتى يبياض الخليط ثم اضيفي الفرينة وخلطي مليج واخيرا اضيفي الشكولة والزبدة الذايبين
فرغي الخليط في هذا المول الخاص بالبوب كايك واملئيه جيدا وسكريه وطيبيه مدة 15 دقيقة وخليه يبرد
للتزيين
اذيبي الشكولة في حمام مائي ولصقي لكل حبة لصقيلها سوسات اللي يتباعو كيما اللي في الصورة وقبل ماتلصقيها ديريها في الشكولة الذايبة وخليها تنشف شوي باش تلصق ومعاش تتحركلك وماتدخليهاشي ياسر في القاطو باش ماتخرجلكشي من الجهة الاخرى ثم فوتيها في الشكولة وحبيبات التزيين وقفيها في كسكاس هكا مايفسدشي شكلها
والمول والله ماني عارفة اذا كاين في لبلاد ولا مكانش اذا مالقيتوهش كاين دي غوسات اخرين انك تخدمي قاطو بارد وتديريله سوسات وتزينيه وتتحصلي على نفس الشكل