علاه كاين رجال قبل الزواج عقلية وبعد الزواج عقلية

[ABDOU ELE]

الـســــــــــــلآم عليكم



" وعلاه كاين رجال قبل الزواج عقلية وبعد الزواج عقلية ؟؟؟؟ "



كاين بزاف رجال يكونوا قبل الزواج حاجة وممبعد كي يتزوجوا يولوا حاجة يتبدلوا خلاص


مثلا قبل الزواج يكون مزيييييييييييير خلاص على خاياتو ودارهم اذا خرجت اختو مثلا


مثلا هذا الا خلاها خرجت كي ترجع يسقسي وين رحتي ؟ منين رحتي ؟ علاه رحتي ؟


منا منا المهم يعذبها بالاسئلة تكره الدنيا

من حقو لكن كاين صوالح لازمين الله غالب

المشكل انو كاين رجال قبل الزاج يقولوا وحد حاجة و بعد الزواج حاجة خلاف



خياتو كان قاهرهم قبل مايتزوج الخرجة مكاش و الدراهم اولاش


بعد الزواج .....


الدراهم كاينين........ الخرجة ولات عندو عادي.......... قبل الزواج كانت ميش عادي وضروك عادي

ممنوع على اختو


ضروك مرتو تخرج صباح وعشوة نوووورمال بالعكس هو يخرجها مرات

ومرات تخرج وحدها تالمو حفظت الطريق


شوف يعني تبدل 180 درجة


هاي تبدلت العقلية وعلاه قبل ماتزوج تلعبها رومبو ؟؟


ولا حلال على مرتك حرام على خياتك


زعما فاق بواش كان يحكي قبل الزواج ؟؟؟؟



" وعلاه كاين رجال قبل الزواج عقلية وبعد الزواج عقلية ؟؟؟؟ "



كاين رجال دايرين هكذا وكاين رجال كي يقلك راجل راجل صح



ايا تهلوا في والديكم مليح مليح راكم تدوا فيهم دعوة الخير وغي هوما اللي يدخلوكم الجنة .



هذا الموضوع برعاية عبدو

منقول