عاونوني براي

[مشكلتي]

السلام عليكم ورحمة الله تعالى وبركاته
اخواني اخواتي في الله راني ختكم عاونوني ولو بنصيحة ولو بدعوة في هاذي الايام المباركة راني مليت حياتي وحرت واش ندير انا عندي 4 سنين زواج شفت فيهم لي ماينشافش بصح ديما صابرة معليش ديما وذن سمعت ووحدة ماسمعتش وعين شاقت وعين ماشافتش على الاقل نربح صحتي ومانتقلقش بصح وين راح يزيد الحال علاه الراجل وعايلتو كي يشوفو مراة ساكتة ومحترمتهم ومستحملة الاهانة يزيدو يعقسوها انا راعي لاصلي ووالديا وكن نصيب ماتلحقهم حتى حاجة عيب عليا بصح راني ماقدرتش مشكلتي راجلي الحمد لله يييييييييييا ربي ربي عاطيه من فضلو محالو باب الرزق في وظيفة الناس كامل تحلم بيها راتبو والحمد لله يكفينا ويفضل والحمد لله على نعمه بصح هو بخييييييييييييييييييييييل لدرجة لاتطاق ديما يروح يخدم مايخليش لابوه ولا فرنك وانا معاهم وديما يهاوش ويقول لاه يخليلي في مرتو انا مانخدمش عليها ومانصرفش علليهااوعندو الحق المرة هاذي الاخيرة راح للخدمة وخلاني كي العادة بداو بلمعاني والنظرات الجارحة كي قتلو راني ماقدرتش نقعد قالي روحي لداركم ذك كي لحقت سمانة تاع العيد قتلو روح نحل داري عيد عيد ونعيد معاهم على الاقل مايقولوش الناس معيدة في دار بيت بيها قالي ماتروحيش عيدي في داركم قتلو ابعثلي دراهم على الاقل نشري لبسة نصبح بيها نهار العيد قالي قولي لبيت بيك يكسيوك والحاجة لي نقولهالو يقولي قولي لداركم وانا راني في شهري رايحة نولد ذك تقلقت قتلو حتى والديا مايخدموش عليك وعلى ولادك وذك كن نزيد كيفاه ندير تقلق وبدى يعيط وقالي نساء اكل صابرة مع رجالها غير نتيا ولي يخدمو معايا كامل نساهم هازينهم بيت بيانهم قتلو بصح بدراهم رجالهم ميش كيمانت مخليني هكذاك ماقال تمرض ما قال تحتاج وزيد بزايد كي داني داني نخدم وحبسني من الخدمة وهاذي غلطة عمري لي راني ندفع في ثمنها كل يوم
سماطلي كلش العيد ولادتي حاسة في روحي وليت عبئ على دارنا رغم انهم مايبينوليش ولي نطلبها تلحقني هو والف هاذي العقلية ومشات فيه وصرى بيناتنا مشكل المرة الاخيرة على نفس الموضوع جيت لدارنا وهدرو معاه وهدرو مع امه وابوه وغاضو الحال قالي كيفاه تفضحيني قدام داركم وتقولي عليا مانصرفش تنحالو الطبع شهر شهرين وهاو ولى لعادتو القديمة ولي غاضتني راه عيد لاذبيحة لا لبسة حتى والديه ماعيطو ما سقساوبيناتنا 10 متر وكل يوم يتلاقى بابا مع شيخي في المسجد مايسقسيهش حتى وشراهي وهذا كله من راجلي بصح انا وش ذنبي هوما بنهم ويعرفوه ويعرفو طبايعو والمشكل مايهدرو معاه ماينصحوه والو في وجهو يضحكو ويسيتو وغشو اكل راجع فيا
اه قلبي راه مدمر راني غير نبكي راحت صحتي وراني خايفة على ابني لي في كرشي من القلقة دارلي ضغط الدم
ادعووولي رجاءاا ومنكم السماح راني نكتب من صميم قلب مهموم

[ام جواهر]

ربي. يفرج عليك اختي اتلهي في روحك وفي صحتك و كلشي يتعوض و تفرج ان شاا الله

[salem1985]

صبري اختي انا حاس بيك هادا يقولوا اللهم اجعل الدنيا بين ايدينا ولا تجعلها في قلوبنا راجلك من الناس الي يعيشو فقراء ويموتو اغنياء ربي يهديه

[الجواهر]

يا اختي ماتقلقيش روحك انت على شك الوادة اهتمي بصحتك
انا لو كنت مكانك ارجع لبيت زوجي و ندير اذن من صوف و اذن من قطن و بعد ان تقومي بالسلامة باذن الله سيصرف على طفله رغما سيشتري الحليب و الحفاظات و البودرة و سيعتاد تدريجيا على اخرااااااااج المال

[نارينا]

يا اختي انت في ابتلاء حقيقي ومن نعم الله علينا ان نعرف اننا في ابتلاء ونرضى ونصبر الحمد لله على كل حال ربي يفرج عليك يارب تقبل منا الدعاء في هذه الايام العظيمة يارب

[bellaluna]

للاسف يا اختي عودتيه..الان صعب جدا ان يغير طبعه على العموم عودي لمنزلك و اصبري.

[amineb64]

قالك واحد بخيل تلاقى معا صاحبو قدور الكريم على روحو و على داره قاله البخيل مين راك تجيب هاد دراهم و تصرف قاله من عند الله قاله كيفاش قاله انا نتزوج الارملة لي تخلص من راجلها الميت و راح نزيد الزاوجة و الثالثة و ..ان شاء الله و الحمد الله على هاد الخير ...داك البخيل راح السوق بدى يشري هادي كبدة هادا بنان هدا دجاج انواع المكولات و راح لداره قاتله مرته ااوو هبلت و لا كيفاش واش هاد المصروف ... ما امنتش المسكينة قالها ناكهم دروك خير من يجي قدور ياكلهم
ربي يعينك ان شاء الله ما عليك الا الدعاء

[hamza touazi]

والله ربي يعطيك الصبر ياختي هدا ماشي راجل لاه راه يخدم من واجبه ان ينفق عليك والله بزاف هدا طماع باين انسان بخيل اخرتها موت قوليلو واش راه يدير بهاد الدراهم تفاهمي معاه يخليلك مبلغ كل شهر دبري بيه امور البيت وامورك لازم تجبديه انتي مرا وتعرفي بدليلو عقليتو حاولي تبدليه وادا مقدرتيش اطلقي وخلاص ولا هادي المعيشة تاع الهم لراكي فيها اربحي صحتك وعقلك جابلي ربي والله معلابالي ربي يكون معاك وخلاص مالقيتش واش نقولك

[مريم الصابرة]

السلام عليكم اختي
ربي معاك والله امر محيّر رجال مشحاحين علاه يتزوجو يبورو خير عارف روحو باباه الدورو يصرف على روحو وبرك راجلك واش يحوس يدير بالدراهم فرعون لمى مال الدنيا وراح وخلاهم الله يهديه
والديه عندهم الحق ولكن غلطو لانو ما عندكش ذنب معليش اختي ساعات الواحد قلبو يطرطق يولي يهدر وهوما ماراهمش عليك عارفينك خاطيك لكن يسمعوك الكلام حتى إنت تقوليلو هذا برك لانو فعلا عندهم الحق هذا يخلي باباه يصرف ومن بعد يديك لداركم ويخليك وباباك مراهش ملزم زوّجك راكي من مسؤولية راجلك عيب عليه هذا حرام كان هو غافل أختي من رأي والدك يهدر معاه ويوريلو العين الحمرا لازم تتفاهمو كل شهر يعطيك جزء من المرتب تشري واش تحبي تصرفي على روحك لانو لو كان هو يصرف ما تديش اموالو الله يسهل لكنو مش قايمك ومزير ومشحاح لازم يجبروه
إنت ما تقلقيش روحك راكي على وشك ولادة وتزعفي مع النفاس تتفر غير فيك شوفي احكي مع باباك يحكمو ويعطيه قرصة وذن يجبرو ولما يجي يديك لازم شروط او ما ترجعيش ولو انا منك هو خلاني في دارنا نرجع لداري نقعدلو ثم وكرهيلو جياتو عيطيلو للخدمة قوليلو داركم ما قضاوش ما داروش كذا يولي مجبر يجيب ويشري إنت برك اقفازي مع روحك رقدتيلو فالخط بزاف كان زوج اختي من هذا النوع ومدتلو درس من ذاك اليوم توبة من ذي النوبة رجعت ما طيب ما والو يجي ياكل تقولو شكون شرا ما عنديش شكن يصرف عليا نهار عيط نهار دار حالة وهي مخلياتو تبغي تاكل نشريلها تاكل وتخليه هههههههههههه تشبع ولما يجي ما يلقى والو رجع يشري ويجيب ويمدلها دراهم في يدها المرتب كلو يجي مل شهر يمدولها ليها ويقولها تصرفي إنت وفعلا الحمد لله دارها الله يبارك لقاها تصرف وتنظم دارها افضل منو
موفقة برك كوني حازمة

[first first]

اختي والله ماعلابالي لكان ننصح فيك بالخير ولا بالشر.انتي اقراى ردي وادا ماوالمكش ماديريش عليه
شوفي يالعزيزة........حسب الشوفة............راجلك ماشي فقير.......مي معيشك في فقر..........حنا مقلناش يجيبلك كل عزيزة......مع انو ماشي خسارة فيك..مي على الاقل يعطيك مصروف يكفي حاجتك.
انا نقولك.مادامك عايشة في ميزيرية معاه كي تريكلامي مايتبدل والو يعني ماشي كنت هانية ورايحة ديري مشاكل لعمرك...........كسريلو راسو...................حقك اديه.....................كل عيد قوليلو يكسيك................ولي تحاجيها اطلبيها منو...........تقوليلي يقولي روحي لداركم..ماعليهش .الكلمة هادي يصرعك بيها نهار 2 3 يل ربي 100 مرة هو وسماطة تاعو........مي بشوية بشوية يخرج الدورو ان شاء الله..................وزيد بلاك يكره من تكسار الراس تاعك ويشري راحة بالو بالدورو لي يخرج.
بخصوص الخدمة.........................صح تغيض كي بطلتي..........لكن نقولك .مع رجل مثل هدا ماتخدميش خير..............والله تكرهي حياتك كثر....يعني هكا ماقاعدش يصرف عليك...واين كون جيتي خدامة.

خلاصة قولي ...................اصبري..........لكن ماشي عليه.................اصبري في مطالبة في حقك ولاتستسلمي.............راههو حقك............مايصدقش عليك علابالي ماكيش تتفشي وتطلبي في الزايد......راكي تطلب في الضروري...........اطلبي ياختي.................وقوليلو بابا ماعندوش ومام عندو مال قارون مانقولوش.
الله يهدي الناس.
هكا وتقولو علاش المرا نكدية وتهدر ملتسكش..........والله شي رجال يفورو الدم وينطق الحجر الاصم.
وباش مانزيدش عليك.نقولك ماتقوليش انا الوحيدة المغبونة.كون تحكي كل وحدة الميزرية تاعها تروح تسلمي لراجلك على راسو...................شوفي كيفاش تتعايش وخلي الدنيا تمشي حنونة وخلاص.

[غليزاني 26 سنة]

الله ينجيك منو

[بثينة 24]

اصبري اختي فالصبر مفتاح الفرج وعليك بالدعاء ثم الدعاء

[doba]

ربي يفرج عليك

[naamane3]

داومي على اذكار الصباح والمساء

[- بصمة خير -]

انت قولتيها انت تصبري على الاهانة
و الاهانة ماتنصبرش عليها

ما ترديهاش بالقباحة و لكن لا تسكتيش
***********************************
انتي و داركم عودتوه يصرفوا عليك دار باباك

لازم تنحيلوا العادة هذه
كيفاه ؟؟؟
هزي قشك غدوة ان شاء الله و روحي لدارك عيدي مع راجلك
و لازم عليك تولدي و انت في دارك مش في دار باباك

و خليه هو يصرف عليك و يدبر راسوااااااااااا

و ادعي الله يهديه
خليه يشوف راكي صابرة على الحالة المادية و مع الوقت يتغير لما يشوفك ماكيش تشكي
الراجل يكره المرا النكدية

و شوفي حذاري تفكري في الطلاق
و حذاري تولدي في دار باباك لازم في دارك و هو يتعب عليك و يصرف عليك و على بنك
لو تولدي في دار باباك راكي تزيدي تعوديه ان ما يصرفش عليكم

كوني قوية القلب