اريد مساعدة فيما يخص تروسو بيبي

[ome iyen]

السلام عليكم
انا قريب نولد انشا الله ببنت و معرفتش باه نبدا وش نشري كل مستلزمات بنتي واش ندي معايا في حقيبة الولادة و تاني واس نشري ليا عاونوني خوتاتي وربي يعطيكم واش تتمنوا و ادعولي نسلك عل خير لاني اول مرة رايحة نولي ام انشا الله وربي لا يحرم وحدة من هدا الاحساس بالامومة

[nour1elyakine]

الف مبروك تسلكي على خير ان شاء الله
لازم تاخدي معاك حقيبة البيبي فيها بوني نتاع الراس + الحفاضات + تريكو+ قطع قماش ناعم لتنظيف البيبي+ بطانية لتغطية البيبي عند الخروج+ المهم لباس احتياطي اخر اما لك انت لازم منشفة+ صابون+ معجون اسنان+مشط+ لباس لك -بيجامة- خمار+ عطر+ كحل+ تقريبا هده الامور الضرورية و زيدي سقسي الاخوات
ماتخافيش واكثري الدعاء

[*أم جابر*]

السلام عليكم اختي ان شاء الله تكون ولادة سهلة و الله معك اكثري من الدعاء من الان .على حسب تجربتي و بنا اني عندي 20 يوم من ولادتي لبنتي حفصة ربي يحفظهالي هي ة خوها جابر تفضلي رايي
بالنسبة للطفلة بوني -تريكو تع اللحم tricot de peau+1demi manche+2+سربيتة صغيرة باش يمسحولها +grenouillére مربعات من القماش بيضاء تتباع في السوق ليكوش +lingettesلانجات
بالنسبة ليك ملابس داخلية كبيرة قليلا من مقاسك اكثري منها 5ال 6+بيجامة 2 قد يطول بقائك في المستشفى لسمح الله +خمار ان كنت محجبة+بينوار+سربيتة+صابون+حفاظات طبعا +بليغة +ان تذكرت شيئا اخر اخبرك به اختي لله يعطيك وقفةساهلة ويجعل ابنتك من الذرية الصالحة

[asma bb]

ان شاء الله ولادة ميسرة اختي
انا ويدت في الربيع يعني شوية البرد بالنسبة لحقيبة البيبي ديت les couches , bounet, les gens, 2 serviette de bébé, grouniere, bibron, susette,
اما بالنسبةلي انا زيدت قيصري و ديت معايا 2pyjama, les bandes; khimar,papier mouchoir, lingette,babouche, chargeur de portable , camera,مصحف,serviette de cuisine ,savon, menchfa ,binoir,
و ماتديش معاك parfum et maquillage خاطر ماش ملاح ليك و لبيبي و ماديريهمش attention

[الماسة النادرة]

شكرا لكن انا تان كان عندي نفس تساؤل الاخت لكن زيادة عليها واش نشري ملابس للبيبي وليا

[ome iyen]

بارك الله فيكم خواتاتي و جزاكم الله كل خير

[نور الهدى06]

ادي للبيبي تريكو بلي مونش وتريكو براسيار وبونداتاع سرة وgرونويار وبوني وليgو تاع ليدين وكوش هادو حطيهم في سشية وكتدخلي لقاعة لولادة ماكيش راح تبداي تحوسي بلحاجة على حوايج لبيبي لا هزي ساشية واعطيها للقابلة لتولدك ويخرج لبيبي تلبسلو وترجع تخيطك هدا لكان زيدتي نوغمال وفي سخانة اه حقا نسيت حطي تاني فيها زوج تاع لي بوند لكبارباه تحطهملك وحطي تاني ملحفة تلملك فيها لبيبي وتعطيهولك ومتنسايش استري روحك ماشي مع لحرارة تعري انا بعد مولدت بنتي قلتها اعطيني خيماري وسترت روحي خاطر راها مخلطة كتخرجي كاين ليجيو يزورو. وكاين لحراس
قلت هادي خاطر شفت نسا بنويزات والله عيب بلميني وصدر عريان لوحدة مش ضامنة عمرها يقعد قبرها محلول 40 يوم

وادي بصاط وكوات تفرشيه لبيبي شفت سرير بلا مطرح يعني على لحطب طول لازم تفرشوه بلبصاط وكوات ولا زورا وتغطوه بدرا وتحطو لبيبي وتزيدو تغطوه بملحفة ساديبو وقتاه تولدي انا راح نحطهم في ساشية لفراش تاه لبيبي ومخدة وزوج دراوات ليك

اشري دوا يمشي لكرش تاع المرضعة خاطر الا حكمك امساك بعد زيادة تتعدبي ولازم تاكلي بويون وطرف كبدة ليامات الاولى بعدي خلاص على الاكل الثقيل وانا ترموس تيزانة طول بحدايا

اخدمي بزاف في الدار سيقي امسحي لغبرة وديري لڤاطو وجدي لي سيغvيس لي تسربي فيهم وطبقي لي سارفيات وفرشي دارك تعرفي انا كرحت نولد بنتي ماما راحت لداري باه تستقبلني وعجوزتي معاها يتسما كل في داري وانا في سبيطار زعما حابو يسيقو ويفرشو ڤعدو حلين فمهم لڤاو كلش يشعل وواجد ولي ڤاطو درت ستة انواع مغلفين ولكيسان تاع ضياف كلش واجد حتى لمكسرات تاع الزريرة رحيتهم وحطيتهم في لي بواط قعدو يتحكاو ويستناو فيا نجي وخلاص
ومعايا وحدة مسكينة لبوغطابل محبش يحبس وهيا توصي سيقو الدار وفرشو زربية وووو حتى كان متنا وحنا نولدو نخليو عرضنا نظيف لول

[kim nina]

Allay ybarak afkar rawaa