انا محتاجة مشاورتكم

[سليسا]

السلام عليكم تعرفت على شخص حسب ما سالت عنو قالو متربي وخلوق المهم مقبول الشكل وهو مهندس لكن ليس مترسم مع العلم اني عاملة الحمد لله في اطار جيد اراد ان يتقد ليخطبي فترددت لانو هو باني فوق دارهم وقالتلي صحبتي امو صعيبة ما فهمت واشاندير ساعدوني ارجوكم

[sarah_2008]

خليه يتقدملكوصلى صلاة الاستخارة و اسألوا عنه جيدا
و ما يكون غير الخير

[مريم الصابرة]

السلام عليكم اختي
اولا واش يخصو الله يارك راجلو خدام ومافيهش حاجة تعيبو يعني اكيد
اما صحبتك قوليلها علاه اللي عندو يماه يرميها او إنت يماك ترميها
يا أختي ماكانش راجل بلا اهلو معناها إستناي اللي اهلو ميتين كلهم وتزوجي بيه لازملك تتحملي اختي هو راح يبني فوق دارهم معناها مستقلة في دارك وامو معاك فالطابق الارضي عادي من راي اقبلي كان ما فيهش العيب وخلوق وعاقل ما تشوفيش لأهلو ولكلام الناس صحبتك هذي عاشت معاهم شكون راهي عاقلة كامل رانا صعابات نكذبو على رواحنا علاه حنا رانا عاقلات نعرف ثاني بنات دارو الكحلة من التوت في عجايزهم و يماها خط احمر
اختي ديريها يماك وديري دارك وخليك من القيل والقال ممكن يكون راجل ومتاصل وخلوق وتندمي عليه
موفقة

[سليسا]

شكرا لكم لكن صديقتي يقربوللها هوا ماهوش مترسم بصح انا عجبلي ما يكدبش

[ولد حمد الباتني]

مادام مو صعيبة ثبتي روحك بزاف وسقسي تكرهلك لمعيشة ...

[محب بلاده]

ولما لاتقرئيها من جانب آخر ان هذه صاحبتك او زميلتك تريدك ان ترفضي لغرض ما فاختلقت هذا السبب او الحجة
كما سبقوني الاخوة والاخوات
دعيه يتقدم لخطبتك وفي مدة الخطبة يسال اهلك عنه بدقة وصل صلاة الاستخارة

[وحيدة**]

زمان ارادت امرأة خطبتي لابنها ومن طريقة كلامها خفت منها قيل لي هي صعبة المراس تحب النظام ...و...و ...و زي زماااان المهم قلت بنفسي ياويلي وفي النهاية انخطبت انا لشخص اخر وخطبت هي لابنها اخرى فوالله لم تعش بعدها الا سنتين اما انا فكان زوجي نعم الزوج اما زوجة ابوه فكانت بخلاف ما تبدي شرا مستطيرا ...

لدلك انصحك باللجوء لعلام الغيوب استخيري الله فان اطمأننت ورأيت تيسيرا فتوكلي على الله ويمكنك تكليمه بالامر لتتفقا على بعض الخصوصية بحياتكما حتى لا تثيرا حساسيتها ....ومن يدري قد تكون صعبة ومعك غير سبحان الله الدي يقلب الافئدة

[منار40]

ياختي انت خدامة وهو ماهوش مترسم شويا وزيد فوق دارهم ويماه ضعيبة خفتك تعيشي في ازمة غير ما تقبليش دوك ايجيك المكتوب اما من ناحية الاخلاق بلاك يتصنع فيهم برك قدامك والله عالم

[نارينا]

أولا استخيري الله ...ثانيا عليك بحساب ميزاته ومساوئه ثم أحكمي ان كان مناسبا أم لا ....ثالثا أنت ستتزوجينه هو لا أمه وهل أم صديقتك حمل وديع؟؟ وما أدراك لعلك تكسبينها وتخيب نظرتك السوداوية عنها ...الزواج يأتي بالرزق ولربما سيترسم عن قريب والاهم أنك معجبة به ...

[راية الاسلام1]

السلااام عليكم
اولا وقبل كل شيء عليك بالاستخااارة
وشوفي السن تااعك لا كبرتي ولامازال فرصة قداامك
ثانيا لا تاخذي بكلاام صديقتك هذه ابدا ربما هي تغاااار منك ومستحيل تعرف ام الرجل معرفة جيدة
وبما انو خدااام وكيما راكي تقوولي مربي ماعندك ماتخيري عليه
ربي يوفقك اختي

[" أبو عبود"]

صاحبتك هذي لو كان يجيها تقبل بيه. وزيدي امه صعيبة ربما مع اقاربها لكن مش بالضرروة تكون صعيبة مع زوجة ابنها. توكلي على الله واستخيري وشاوري والديك والقدام الى الامام

[salem1985]

توكلي على ربي وتركي المستقبل لعلام الغيوب واشكون الي يضمن انكم تتلاقو بلاك بغيد الشر تموت انت ولا هي ربي يقدر الخير

[سليسا]

انا في عمري 26 سنة وهو كما قلت مهندس يخدم كونترا يعني ماهوش مترسم وباني فوق دارهم والله هادو الايام ماني في عقلي راني تقول هبلت والله

[حميد.ص]

الصح في الراجل اذا كان ناس ملاح ماتخافي والو

بالتوفيق ان شاء الله

[mohaoff]

توكلي على الله و قومي بصلاة الاستخارة و بعد ذلك انت سوف تعيشين مع زوجك و ليس امه او اخته و يجب عليك كذلك الصبر في بعض الاحيان لان العائلات الجزائرية كلها تعاني من مشاكل اجتماعية هذه سنة الحياة