ادخلوا نقصرو شويا مواقف طريفة صراتلنا

[yuuke-chan]

السلام عليكم
واش راكم لاباس حبيت ندير الموضوع هاذا و نتمنى يعجبكوم و تتفاعلو معاه
هذي مواقف مضحكة صراتلي ولا صرات لصحاباتي اضحكتني قادر ماتضكحومش نتوما كيما تحبووووووو و ديرو حتى نتوما مواقفكم خلي نقصرو شوي


وحد النهار كنا انا و صاحبتي في رمضان نمشيو فوتنا على زيقو حاشاكم جات صحبتي باش تقول بسم الله بسم الله بسم الله كيما موالفين نقولو قالت :















مسا لخيير مسا لخير مسا الخير و بقات تعاود فيها حتى ولهتها و متنا بالضحك

و واحدة صاحبتي خالها راح باه يعزي جماعة باش يقول عظم الله اجركم قال :



















"و جعلنا من الماء كل شيء حيا" ماعلاباليش واش فكرو في الماء بالاك عطش



و صاحبتي اخرى مرة كانت ماشيةفي الطريق مع بنت اختها الصغيرة و قلقتها بالبكا و كي وصلو للدورة تغشت و ضربتها على راسها و كي هزت عينها شافت مرا كبيرة مدايرة عجارمغطيةوجهها كانت تشوف فيها و ضحكت,,, صحبتي ظنت انو هذي المرا هيا الهذبة (الهذبة هي وحدة تقرب لصاحبتي هذي و عندها خانة كبيرة في حاجبها) راحت سلمت عليها و مبعد قالتها المرا ماعرفتكش قالتهلها صحبتي ياااا حتى انا ماعرفتكش و راحت باحراااج و خلات المرا حايرة حسبتها مجنونة ضربت الطفلة الصغيرة و مبعد سلمت عليها بلاما تعرفها انا هذي ضحكتني ببشاعة



و مرة الخدامة تاعنا كيما جات جديدة سيحت بيدون كبير تاع الما المسخ على البالكون ,,,, و طاح على راس جارنا راجل كبير مسكين دار دوش يهبل لكن مزال يكرهنا لدرك




و وحد المرة كيماكنا في TP قدام الفوتاي تاع طبيب الاسنان لي نقراو عليه و معانا الشيخة تقري فينا في فم واحدة تقرا معايا و كنت بعيدة ماقدرتش نشوف قربت قربت قربت حتى زلقت على الفوتاي و طيحت الكاس تاع الماء اللي راح تشلل بيه الطفلة على الشيخة و هربت نجري موراها و احنا كنا كل قدامها و كيما طلعت راسها مالقات حتى واحد ة و دارت موراها لقاتني نعصر في خماري على ظهرها و مافقتش و المشكل انو الطفلة هاذيك مسكينة حتى هيا تبلت بالماء مع الشيخة و كيما كملنا TP قلتلها بصحتك ناضو يضحكو كل و من النهار هاذاك هزتلي الشيخة هاذيك الغل مبصح المزية كانت ناس ملاح






و وحد المرة ليلة al control تفرجت اغنية يا الصالح و قعدت نغني فيها بلام نفيق و كيما رحت الكونترل نسيت نضت نحل في الاسئلة و نغني فيها و ضحكو عليا حسبوني مجنونة






هاذا واش تفكرت في الحقيقة كيما نزيد نتفكر اني نحط و بلا ما نوصيكم كل واحد ولا وحدة تدخل تحط موقف مضحك صرالها لازم توعدوني ضحكونا شوي واش قاعدين ديرو
تهالاو في رواااااااحكم و كييييما وصيييييتكم

و اذا ماضحكوكومش قولولي بصراحة اني عندي الروح الرياضية و الثقافية و الاجتماعية و كلش








تفكرت حكاية الشيخ تاعنا تاع الفيزياء واحد النهار دخلنا للمخبر بعد العطلة لقينا فيه الحمام و لقينا لخبال قالنا الشيخ و الله تقول راني في فيلم الرسالة



و مرة قالنا في العيد الكبير : الليلة نقول للدجاج الى اللقاء نلتقي بعد ثلاثة ايام و المشكل انا حرنا كيفاه خروف كامل يكملوه هو و مرتو وحدهم في ثلاث ايام هههه

و كيما طولو ماسلكوش الشيوخا قال لبابا و الله راني وليت كيما نحل لفريجيدار يقابلوني غير الذيول تاع البصلة القديمة هههه
سلااااام