باغي نفهم

[مشكلتي]

السلام عليكم ورحمة الله وبركاته
صح رمضانكم
حبيت نستفسر علاه واحد مين يكون عمره اقل من 28 ويحب يتزوج ويتقدم لبنت نتيجته أي في نفس سنه عادي لكن مين يوصل لثلاثين سنة فأكثر يحب تكون البنت صغيرة عليه وحتى ولو كان في عمره 40سنة يبغيها اقل من الثلاثين

عجب......وهاذي راني نشوفها منتشرة بكثرة بين شبابنا

وانا شخصيا صراتلي....مين كان عمري 25 تقدم لي شخص من سني واصغر مني بشهرين عادي وعائلته كانت موافقة وهو الي حبوني....وانا مابغيتش بسبب السن....ومرت السنوات حتى الي لحقت 29عام...بدات اخته تتكلم وتقول احنا مانخطبوش لخويا وحدة نتيجته ........على الاقل تكون صغيرة شوية...........مافهمت والو في الناس

[راية الاسلام1]

السلاام عليكم
يا اختي انت ماتقلقيش رووحك المجتمع جااهل ومريض يعرف غير يهدر
اذا جبتيلو وحدة اقل منو يقولك عقلها صغير
اذا جبتيلو وحدة اكبر منو يقولك نتيجة الارض
لذا جبتيلو وحدة قدو يقوولك بعد سنوات تولي تبان اكتر منو
لااااازم يصمطوووهالك
انتي عيشي حيااتك وماتسمعيش لهدرة الناااس
والاخت هادي قوليلها اذا راكي رافضة من البداااية علااه شقيتي رووحك؟؟؟
ربي يوفقك ويعطيك الزوج الصاالح

[مراد سابقا6]

عندو الحق

رفضتيه في اليوم الأول ضرك طفرت فيك

[bahlittou]

للاسف عنده حق

[فن التأمل]

لن تفهمي شيئ في هدا المجتمع

[براءة سامية]

مام اناا حيرتني هذه....معرف كيفاه يخمو؟؟

[Wassim France]

يا اختي هو جاء خطبك لما كنت صغيرة وانت رفضتيه لسبب معين انت فقط تعلمين به ولم تصرحي به هنا وقلتلي بلي صغير عليك - بشهرين - !!!!!!
وهل شهرين فارق سن عملتي عليها حكاية ؟؟؟؟؟


والان خواتاتو وامو ماسكين عليك - الماضي - ومزالو يتفكرو نهار رفضتيه
والان هو من حقو يبحث عن طفلة اصغر منو
انا شخصيا افضل الزواج من فتاة صغيرة وتصغرني ب 10 سنوات او 8 سنوات
لان الفتاة تكبر بسرعة خاصة لما تنجب
والرجل يحب الصغيرات حيث يجد سعادته ويحس بشبابه معهن
اما لو اتزوج مع فتاة من عمري وبعد الانجاب راح يتغير شكلها وتصبح - مدبالة -

وزيد لما اصل لعمر 40 او 50 سنة زوجتي راح تكون بعمري يعني 40 او 50 سنة
ولما اتزوج مع فتاة 18 سنة او 20 سنة راح تبقى صغيرة في نظري يعني انا لما نكون 40 سنة هي تكون 30 سنة
او 28 سنة يعني مزالت شابة

وايضا لما تكون صغيرة تكون علاقاتها العاطفية قليلة جدا عكس الكبيرة في العمر التي ربما اقامت علاقات كثييييييييييييييييييييييييرة خاصة في الثانوية والجامعة

وزيد حتى البنات لكبار في العمر وصارو يشتارطو ... تصوري لقيت مراة عمرها 40 سنة ولم يسبق لها الزواج وتشترط رجل يكووووووون عندو - منصب - لتتزوج به
خخخخخخخخخخخخخخخخخخخخخخخخخخخخخخخخخخ
يعني عمرها 40 سنة وتشترط رجل عندو منصب في الدولة كمسؤول مثلا وكانها ستتزوج مع - منصب - ليس مع رجل يحبها ويخاف عليها وتنجب اطفال

هدا رايي وبالاك انا مخطئ

لكن انا قلت لك كيف افكر وصارحتك وانا مثال لطائفة كبيرة من الرجال
يعني بينتلك الرجال كيفاش يفكرووووووو

وانا كرجل غير متزوج بعد من حقي ان اشترط وادلل وابحث عن من تناسبني ليس كما تناسبكن انتن
والي مو عاجبها كلامي تضرب راسها في الحيط

[kramnik]

قدر الله ومشاء فعل

[جوآهر]

لا أحب أن أتدخل ..
لكن ..
أريد أن أذكركم فإن الذكرى تنفع المومنين

أمنا خديجة رضي الله عنها
أكبر من زوجها خير خلق الله
بعدة سنوات ( أكثر من عشر سنوات)
ومع ذلك ،
هي أحب نسائه إليه ..

اللهم اهدنا اللهم اهدنا اللهم اهدنا
ووفقنا لما تحبه وترضاه

[bellaluna]

أعرف فتاة خطبها من هو أكبر منها و من هو أصغر منها..المسألة مسألة مكتوب و كلّ واحد ياخذ نصيبو من الدّنيا.

[بنت لبحر]

زعما زعما كبرتي

لزكان جات اختو لي تحطت في هدا الموقف هي تاني تقول علاش

مجتمع و الله ماتفهمي منو شيئ

[realmahoni]

المشاركة الأصلية كتبت بواسطة مشكلتي

السلام عليكم ورحمة الله وبركاته
صح رمضانكم
حبيت نستفسر علاه واحد مين يكون عمره اقل من 28 ويحب يتزوج ويتقدم لبنت نتيجته أي في نفس سنه عادي لكن مين يوصل لثلاثين سنة فأكثر يحب تكون البنت صغيرة عليه وحتى ولو كان في عمره 40سنة يبغيها اقل من الثلاثين

عجب......وهاذي راني نشوفها منتشرة بكثرة بين شبابنا

وانا شخصيا صراتلي....مين كان عمري 25 تقدم لي شخص من سني واصغر مني بشهرين عادي وعائلته كانت موافقة وهو الي حبوني....وانا مابغيتش بسبب السن....ومرت السنوات حتى الي لحقت 29عام...بدات اخته تتكلم وتقول احنا مانخطبوش لخويا وحدة نتيجته ........على الاقل تكون صغيرة شوية...........مافهمت والو في الناس

29 سنة..؟؟ مازلت صغيرة ومازال العمر امامك.....أكملي دراستك وفكري في مستقبلك وأنا متأكد أن الله سوف يرزقك بشيخ في سنك لما يحين الوقت....فقط فكري في مستقبلك ولا تتشتتي ذهنك.

[nibrasse 76]

اكيد لي يعطيه ربي الرزق والنعمة ثم يتكبر عليها ...عقابه الحرمان للابد ...تلقى البنت فرحانة وتزوخ على صديقاتها ..خطبوني 10 وما قبلتش .

.اذن تحملي العواقب لوحدك ...وعموما متوفر اليوم الكثير من الفشلة في سوق الرجال هم للبيع ..لكن الامر يتطلب رصيد وراتب شهري .

[~~ أغيلاس ~~]

المشاركة الأصلية كتبت بواسطة wassim france

وانا كرجل غير متزوج بعد من حقي ان اشترط وادلل وابحث عن من تناسبني ليس كما تناسبكن انتن
والي مو عاجبها كلامي تضرب راسها في الحيط

أولا اتشرط كيما حبيت وحدة ما راهي سامعة بيك و قالتلك جيبها قدك، درت حكاية وحدك أخي هههه،

إن لم تخني الذاكرة فبعض مشاركاتك يحمل صبغة غربية،

لكن في هذه النقطة رجعت إلى اصلك ههه، لأن الغربيين عادي يزوجها كبيرة عليه ميهمش، في هذه النقطة غابتلك ههه،

ـــــــــــ

لا أدري إن كنت أنت الشخص المقصود،،،،،،،،،،،،، إن لم تكن كذلك ففي كل الأحوال،،،،، راني نقسر برك .

[first first]

يرزق الله من يشاء كيفا يشاء.
الهدرة فيها فيها.........................................اسالي الله من فضلك...............واشكي لله.....فمجتمعنا.مريض..............اتشكي المجتمع للمجتمع......هنا رانا في منتدى الجلفة يعني منتدى جزائري.....يعني اخوات واخوة زوجك راهم هنا والدليل رد بعض الرجال.....................الرحمة في رد اخوات زوجك.......روحي سلميلهم على راسهم.
السم لي كتبوهلك بعض الاعضاء امر من تعليقاتهن.
ربي يهنيك اختي وربي يبارك فيك............ان شاء الله نفسيك ما تفسدش من بعض الردود.
ثقي بنفسك...ولازلتي صغيرة.