lمشكلتي

[مشكلتي]

لسلام عليكم رمضانكم مبارك
اليوم قررت اني نفرغ وش في قلبي و ملقيتكم غير نتوما لي تفهموني
انا فتاة عمري 21 سنة مشكلتي بدات من 3 سنين كنت متحجة عادي بصح لما يجو اولاد عمي اواولاد اخوالي او اي رجل من اقربائي كنت أنزع الحجاب امامو لاني كنت احسب هذا الشي عادي لانو كامل افراد عائلتي لا يلبسون الحجاب امامهم و في سنة الباكالوريا كنت اقرا في سورة النور و اكتشفت انو لازم نتحجب قدامهم و من ثم بدات معاناتي بدات اتهرب من اي مناسبة تجمعني بهم لا احضر اعراس ولا واذهب لبيوتهم في الاعياد و عندما ياتوننا فالبيت اتخبا او اذهب الى احدى صديقاتي لانني حتى و ان التقيت بهم و انا بحجابي فهم لا يكتفون بالقاء السلام بل يريدون المصافحة و غالبا الطريقة الاخرى و المشكلة الكبيرة هي انو والديا جايين ضدييييي مع انو الوالد يعلم بامور الدين و كي نناقشو يقولي هذا المتجمع نتاعناوااما امي فحدث ولا حرج تتهمني باني معقدة و كي يجونا ولاد عمي و تشوفني هربت نتخبا تجيبهم للدار لي انا فيها تقولي لازم انحلك هذي العقدة و هذا اليوك جا عندنا ولد عمي و امو دخلت للغرفة لي انا فيها امبعد عيطتلو باسمو باه يجي يسلم عليا انا سمعتها عيطتلو رحت نجري درت خيماري شنفت مرت عمي قاتلي امي راني وليت نحشم بيك قدام الناس و اليوم ثاني عاود جاناولد عمي و امي دارت المستحيل باه تلاقيني بيه و نسلم عليه ولا قلبي يخبط من الخوف و نرجف لاني كنت بدون حجاب و لابسة لبس قصير قعدت ندعي في ربي المهم اليوم فاتت على خير و امبعد كي راح عايروني و خاصة والدي حسسوني اني قليلة ادب و معقدة قاللي وش راكي حاسبة في روحك متكبرة قتلو يرضيك يشوفني بهاذ اللبسة قاللي ايه قتلو رب ما يرضاش قاللي انت معقدة و بهاذ العقلية راح تقعدي نتي التالية و مديري والو في حياتك و امي تدعم فيه مبعد قاللي اخرجي عليا منيش حاب نشوفك راني منقبيل نبكي معرفتش كيفاه نتصرف معاهم راني حابة نلتزم و نتقرب من ربي من فضلكم اخوتي اخبروني كيف اتعامل مع هذا الوضع و افرض شخصيتي لاني خجولة جدا و اذا كنتو تشوفو فيا نتوما ثاني غالطة او معقدة قولولي ارجوكم لا تنسوني من دعائك