أبي غاضب مني (3)

[مشكلتي]

لم يسبق لي وان حز في نفسي شيئ هكذا

بكيتوني وانا صايمة

حسبي الله ونعم الوكيل في كل من قال انا مانحشمش واني دايرة حاجة غالطة ونتهرب من الخروج وعاقة لوالديا
علاش عاقة؟؟ ماجبتش العار الحمد لله اخلاقي يهدر بيها الكبير والصغير والاساتذة لي قراوني

انا ماطلبتش تقنعوني نرجع نقرا فقط قلت الاباء و الامهات يقولولي كيفاش نقنع ابي بقراري
كل انسان واختياراتو انا مارميت حتى طفلة بالباطل وقت كنت في الاقامة الجامعية بولاية بعيدة اول ليلة كانت مع فتاة فاسدة اخلاقيا وكنت صغيرة و ادخلت عليا فتيات راقصات للفجر وهن يرقصن اشتكيت للمدير فاعطاني غرفة منفردة فاذا بمسؤوول الجناح يتردد بطرق الباب علي بسبب وب سبب لاني كنت وحدي فاغلقه بالطاولة والكرسي بعد اسبوع حلفت مانبقى تم,, قسما بالله كان بها سوى الرجال تلك الاقامة لانها كانت للاولاد ثم اغلقت سنتين وغيرت للبنات
شكيت للمدير قالي احقريه برك معندو مايديرلك هوما لي عيفوني وكرهوني وبعد هذا كله نجي للاخت تقولي انت دايرا حاجة وتخبيها يا اختي علاه نهبلك انا ماطلبتش منك تردي على موضوعي ماتقرايهش اصلا
شوفو ردودها يا اخوه حسبي الله ونعم الوكيل


شوفي راكي هبلتيني لي ما فيهش الخير لوالديه مافيهش الخير للناس و ان شاء الله تندمي طول حياتك كي يموت باباك و ماكيش راح تصنعي أب من جديد و تقوليلو استنى تشوفني ننجح و امبعد موت.....
والله ما تحشمي حرام عليك .......تحسبيها ساهلة راها تقعد في قلبو مدى الحياة و زدتي بهدلتيه قدام صحابو يقولولو علاه ما قراتش ...........نقولك الناس وش يفهموها ؟؟ بلي كاينة حاجة ...........
اقراي وفرحي داركم امبعد اقعدي فالدار حتى ينوض فيك الحشيش و الصوف


او اعترفي وقولي شفتي صحباتك تخطبو درتيها سبة بالقراية وقالك شفت العفن في الجامعة وقلبي حساس و الخرطي
كااااامل شفنا و راكي كبيرة يعني لي فالجامعة ضرك راهم وليداتك انتي توريلهم بلي هادا عفن !!!!!!!!!!!!!!!!!!!!!!
ما تقوليليييييييييييييش كلاك قلبك و راكي حابة تولي كيما هما ؟؟؟؟؟؟؟؟!!!!!!!!!!!!!!!!!!!!!!!!!!!!!


كي راه قلبك محروق باش تحبسي لقراية حبسي و ما تبدايش تكسرينا في راسنا يرحم والديك وجعتيلي قلبي افففففففف
اقعدي فالدار ما ماتوش لي قعدو فالدار وان شاء الله كي راكي تتهمي في بنات الناس ابداي طبقي في روحك قبل و ما تخرجيش من الدار كامل ما تروحي تشري ما تروحي لاقاربك ما تديري صحابات .....اوكي لانو لي مش متربيين على روحهم برك ما جاوش سيفو عليك وقالولك عودي كيما احنا

وغيرها لي قالوا انا فيا و فيا حسبي الله و نعم الوكيل فيا لي يكفيني ربي يعلم بالظروف لي نفوت عليها الان,,, كنت اريد نصيحة لارضاء والدي ليس لعودتي للجامعة عموما يكثر خيركم وقسما بربي السماء هذا اخر موضوع لي بهذا الخصوص في قسم مشكلتي والشكوى لغير الله مذلة

انا لست مريضة نفسيا ولا معقدة ولا حاسة بنقص ولا شخصيتي ضعيفة كيما تهمتوني
انا يوما ما كنت طالبة حتى ولو كانت لمدة قصية اذا انا ايضا اسب نفسي واختي وقريباتي
حرام عليكم انا ماسبيت حتى طفلة انا قلت قراري ومانقشتش فيه اردت فقط كيف ارضي والدي وربي يطول في عمرو يا ربي ماتقوليليش ان شاء الله تندمي طول حياتك كي يموت باباك حسبي الله ونعم الوكيل و والدي ماشي غاضب علي من قلبو هو خايف عليا برك

ولي قالوا حابة تتزوجي شوفوا رد الاخ
قوليلو حابة نتزوج بصريح العبارة
يروح يحوسلك على كاش كيلو يلصقك فيه وترد عليه الاخت وتقولو هذا الكلام الصحيح الله ينورك
حسبي الله ونعم الوكيل الزواج مسؤولية كبيرة واظن 22 سنة مزلت غير مستعدة تماما لها واذا كان والدي سيخرج يحوسلي على كيلو كيما تقول جملتك التي لم افهمها اصلا اذا كان هذا ما اريده يا ريتني نموت قبل ما نذل ابي
ابي المحترم راجل كبير قد باباك تهدر عليه هكا حسبي الله ونعم الوكيل ماشي كيما ماقريتش ذليت والدي لالا
وكررتم اكثر من مرة انت حابة تتزوجي تتزوجي شكون دخل في قلبي وعرف وش حابة حتى اتجاوز مشاكلي اولا



عموما شكرا لكل الذين اعطوني قصصهم او احترموا قراري وعمري ماندمت على شيئ درتو الا الليلة ندمت على وضعي لهذا لموضوع حطيت روحي عرضة للسب و الاتهامات الباطلة
ماكانش واحد منزه من الخطئ يا تنصح بكلمة خير يا تسكت تقليل الاحترام يقلل من احترام الي وضع الرد وكيف المشرفين يسمحون لهم بالشتم وتقليل قدر صاحب المشلكة
وابي غدا يرضى عني ان شاء الله فغضبه خوف وقلق ماهبطتلوش راسو ان شاء الله ديما مرفوع
حسبي الله ونعم الوكيل علاه كل هذا اخرتنا ندو شبر تحت الارض

[لحن الحياة.]

:d:d:d:d:d

من الاول قولي هاااااااك قولي كيف اقنع ابي اني لا اريد ان ادرس واحنا نقترحو عليك
طريقة الكتابة تلعب دور كبييييييييييير 90 بالمية من المعنى يوصل عن طريق الكتابة الصحيحة
ربي يهنيك
ونقلك حاجة راكي استفدتي منا من المفروض تشكرينا لوكان ما رديناش عليك هاك ما توليش عندك هاد القوة و الارادة
هاكذا البنات ولا بلاش

[بنت لبحر]

يا اختي متقلقيش روحك واحد ما يستاهل في الدنيا هادي تقلقي على جالو .كي قلتي حسبي الله و نعم الوكيل راكي كفيتي و وفيتي

بالاك معرفوش يردو و حبوك تقراي

ربي يهدي عبادو

[بيلسان الجنان]

هناك اناس هكذا
تسب وتقلل احترام من وراء الشاشة هنا يظهر المستوى الحقيقي للتربية فكلنا يستطيع تقليل الاحترام وكلنا يستطيع الرد بلباقة

ونصف الذين يردون في هذا القسم يحيدون عن المشكل الحقيقي ويتدخلون في اشياء لا دخل لهم فيها ولا يراعون الحالة النفسية لصاحب المشكلة

[طيب القلب]

الشدة في ربي أختي ليس كل من نحكي له مشكلة لدينا يتعاطف معنا و يساعدنا الشدة في ربي سبحانه

[لحن الحياة.]

المشاركة الأصلية كتبت بواسطة بيلسان الجنان

هناك اناس هكذا
تسب وتقلل احترام من وراء الشاشة هنا يظهر المستوى الحقيقي للتربية فكلنا يستطيع تقليل الاحترام وكلنا يستطيع الرد بلباقة

ونصف الذين يردون في هذا القسم يحيدون عن المشكل الحقيقي ويتدخلون في اشياء لا دخل لهم فيها ولا يراعون الحالة النفسية لصاحب المشكلة

لم يسبها احد ولم يقلل من احترامها احد وكلنا نستطيع التمثيل ايضا
و شخصيا لم امثل عليها دور الساندريلا في القصصص الخرافية

قالت ابي حلمو نقرا قلنالها حققي حلم والدك هاذا كل ما في الامر لانو يغيض لوكان اي واحد فينا يطلبو منو والديه حاجة راح يسعى يحققهالهم و الناس كامل يقولولو حقق واش يتمناو والديك

[تسنيم مسلمة]

السلام عليكم
ما تبكي ما والو
علابالك ربي خلق و فرق كاين ناس تحب الخير و تحب تنصح و كاين يدخلو للقسم باش يجوزو الوقت بمشاكل الناس و همومهم و يزيدو على الطين بلة بكلامهم. المهم أنتي باين عليك بنت فاميلية و متخلقة ما شاء الله ... ممكن خانتك الكلمات في الأول و معرفتيش تلحقي رسالتك .. أنا نقولك قرارك يرجع ليك أنك تكملي و لا ماتكمليش .. بودي نقولك كملي قرايتك لأنو و الله جميع لي نعرفهم ما كملوش قرايتهم ندمو .. لكن كيما قلتلك القرار يرجع ليك ... حاولي مع باباك قوليلو ما رانيش حابة نقرا درك قوليلو المهم جبت الباكالوريا و كي نحب نكمل, نكمل. مع أني نشك أنو رح يقتنع لأن صعيب أنو الأب يشوف بنتو خصوصا و أنها عندها الإمكانيات ما قراتش. لكن مع الوقت رح يقتنع إن شاء الله.

[la_safa]

السلآم عليكم و رحمة الله و بركآته

وكلي ربي يآ أختي و خلآص مآعندكـ مآ ديري ، نآس جآية تضحك على هموم النآس
يعني الصرآحة وحدة مآحبتش تكمل قرآيتهآ ولآت عآقة و بلآ أخلآق في نظركم ! سبحآن الله ..

شوفي يآ أختي نحنآ في رمضآن و رمضآن شهر الرحمة و البركة و ابوآب الدعآء مفتوحة
أدعي ربي يفرج عليكـ و يتفهمك بآبآكـ ،

قوليلو بلي شفتي مظآهر مآتقدريش تتحمليهآ ، أحكي مع مآمآكـ خليهآ تفهمو
مع خوكـ مع ختكـ ، أقنعيه بشتى الوسآئل ، و ان شآء الله يرضى ..
و هذآ مش رأيي لأنو أنتِ خلآص قررتي أنك مآترجعيش تقرآي لأنو رأيي أنآ
لوكآن ترجعي أفضل لكن انتِ حرة في رأيك

و بالتوفيق لكِ أختي ~

[thawizat10]

أختي أنا كتبت لك ردا
إن كان أزعجك أو جرحتك فيه عذرا منك رغم أنني لم أقلل لا من احترامك لا أنت و لا الوالد الكريم
لكن من يدري كل واحد كيفاه يخمم
و ربي يوفقك للخير

[لحن الحياة.]

المشاركة الأصلية كتبت بواسطة thawizat10

أختي أنا كتبت لك ردا
إن كان أزعجك أو جرحتك فيه عذرا منك رغم أنني لم أقلل لا من احترامك لا أنت و لا الوالد الكريم
لكن من يدري كل واحد كيفاه يخمم
و ربي يوفقك للخير

نحن لم نقلل من احترامها ابدا برك يشعلو فالنار روحي اقراي الردود كلنا قلنالها اقراي من اجل ارضاء والدك من اجل مستقبلك هاذا كلو لمصلحتها و لم نقصد الاهانة
وهل كاين واحد يقلل من احترام واحد يقولو اقرا ؟؟

يا اختي احنا فالاول فهمنا حاجة و ضرك دخلتي فالتفاصيل فهمنا مقصودك و كنت حابة نقلك حاجة على الخاص اني مصبح نحلل فيك ما جاوبتينيش كون حجرة راني نغيضها و ترد عليا

[المتفآئلة]

صـح عندك الحق الشكوى لغير الله مذلة

أنا شفت مشكلتك من قبل وتجنبت الرد لاني فهمتك وفهمت بلي تحوسي الرد من الاوليآء

لكن الناس تحب تحشر انووفها وتدخل فيما لايعنيها وتبدآ تخلط وتهدر وتبلعط بلا ماهي فاهمة والو
ويزيدو ينصحوا زعمة ؟؟

اختي النماذج الي راكي تهدري عليها ماهي الا فئة الله غالب عليها ,,,خدمتهم

وربي يشفيهم ,,,,


انا وش نقلك دموعك هديك والله ميستاهلوا ,,, تطيحي دمعة للناس متسوااش

نحيييك على اخلاقك العاالية

والي قرآو زعمة معرف وش داروا ؟؟؟

بصح صح القراية مليحة :d وانا ثاني خممت ندي شهادة البكالوريا الي مديتهاش السنة و يمكن نكتفي

لاني زرت الجامعة وشفت وش شفتي و قلبي مرتاحش ابدا

ميعنيش ان كل البنات مش خلوقات لانو البنت المحترمة لو تحطيها بين الف راجل تخرج شريفة والعكس تماما


لكن والله المجتمع ميخليش البنت براحتها وكيما حكيتي على المسؤول الي كان حاب يدخل للغرفة ,,,, شفتي يعني انتي بنت متربية وجاي يتعدى يعني البلا يجي يجي


المهم قراراتك انتي ,,, وحاولي تقنعي الاب نتاعك بفكرتك ونتمنى انك تنجحي في حياتك وتفرحينا

موفقة

وحفظك الله

[{ توبة }]

السلام عليكم و رحمة الله تعالى و بركاته
انا لست على علم بمشكلتك اختي
لكن حبيت نقولك برك متقلقيش روحــك و متديريش عليهم
انـا لحد الان كل ما ندخل لموضوع في هذا القســم باش ننصح ولا نستفاد
نلقى غير ردود التجريح و السب و الانتقاص من القيمة
حتى يوجعني قلبي منهم نخرج
ناس يطلبوا النصيحة و هوما يديرولهم هكذا
المهم ربي يهديهم و ربي يهدينا كامل
و اختي ان شاء الله يتحل المشكل تاعــك متقلقيش روحك حاجة ما تستاهل
سلام

[مياسم الصمت]

السلام عليكم ورحمة الله وبركاته


أود قبل البدء أن اشير للأخوة الاعضاء فضلا الموضوع عندما يقارب 19 رد يتم غلقه لترك الفرصة لمواضيع أخر لتعالج
لذلك نرجو عدم اقتباس مشاركاتكم لبعضكم البعض و الاكتفاء بالرد على صاحب المشكل
كما نرجو عدم تكرار المشاركة لاكثر من عض وعليه ان يحاول جمع ما يقوله في مشاركة واحدة كما قلنا بغرض رد اكبر عدد من الاعضاء في المشكل


الأمر الثاني لصاحبة المشكل فرج الله كربك
أختي الكريمة المشرف لا يقبل الاساءة لأي كان ومن أي كان لكن بالمقابل لا نستطيع الالمام بكل الاساءات الموجهة فنحن متطوعون لنا انشغالاتنا الحياتية ايضا خارج المنتدى
لذلك نحتاج مساعداتكم في التبليغ عن الاساءة وخاصة صاحب الموضوع فان رأيت ساءة ما عليك غير الضغط على ايقونة التبليغ


الامر الثالث اختي نحن في عالم افتراضي مفتوح للجميع للصالح والطالح للمسيء والمحسن فهذا ما يجب اخذه في الحسبان عند طرح المشكلة

ثم كذلك اختي يجب عليك التوضيح في المشكل حتى يتفهمك الأعضاء

نرجو من الله ان يصلح حالك وييسر أمرك

اختي الكريمة ان أمكنك الاتصال بي على الخاص فافعلي رجاء

دمت بخير

[بلسم غرام2018]

قلتي حسبي الله و نعم الوكيل راكي كفيتي و وفيتي

[علة الكيان]

rabi y3awnek khtii