غراتان السردين ممممممممممممم

[النجمة المتميزة]

السلام عليكم
واش راكم
في الأيام اللي فاتت كان عندنا سردين و حرت كيفاش نطيبو ماما مدتلي هذا الوصفة و جربتها روعة و سهلة
المقادير
بطاطا على حساب افراد العائلة
سردين منقي و نحينالو الشوك يعني غير اللحم
صلصلة طماطم
ثوم
فلفل و ملح و رأس الحانوت و كمون و فلفلة حمراء

الطريقة
نقطعو البطاطا دوائر رقيقة جدا و نستفوها في بلا مدهون بالزيت و نديرولها ملح و فلفل
نجيبو زلافة نديرو السردين و الثوم و ملح و فلفل و فلفة حمراء و كمون و رأس الحنوت أو كل وحدة كي تحب تنكه السردين
و نستفو السردين فوق البطاطا و نجيبو شوة ماء و شوية ززيت نديروها فوقها باش مجيش ناشفة انا كان عندي بيون درت فيها شوية و استغنيت على الماء و نديرو من الفوق صلصة طماطم انا عندي واجدة و دايرتها في علب في المجمد
نغلفها بالألمنيوم و إلى الفرن و كي نلقاوها طابت نشوفو البطاطا بالسكين نحو الألمنيوم و نخلوها تتحمر شوية و تنشف مليح
و شهية طيبة
نخليكم مع الصور






في انتظار رأيكم
سلام