مجانية التعليم الجامعي وسلبياته

[zikou3]

راي انا مجانية التعليم الجامعي في الجزائر سلبيات اكثر من ايجاببات لان الجامعة الجزائرية تبقى مرتبطة بالدولة

ميزانية لاتكفي لتعزيز و تطوير الجامعة من خلال شراء الكتب و المراجع و و الوسائل العلمية و البحثية و بناء مكتبات جديدة و مطاعم و اصلاح كل ماهو معطل مثل الطاويلات و المراحيض و زجاج النوافد و المدفئة...الخ و لا تبقى الجامعة تنتظر حتى تقوم الدولة بكل هذا

انا اقترح ثمن الدراسة مابين 5000 و 7000 دج للطالب الواحد هذا كثير صحيح بالنسبة لكثير من الجزائريين لكن انا اشاهد كل سنة الكثير من الاباء المحتاجين يذهبون للاستعارة المال من الاقارب و الصدقاء من اجل شراء كبش العيد رغم ان تضحية كبش العيد لمن استطاع و نفس شيء في شهر رمضان الكل يشتري الماكولات و نسبة منها تنتهي في المزبلة

ولا لما يدخل ولدك للثانوية ديرلوا 10 الاف كل شهر
منا حتى يلحق الباك تولي عندو شهرية ......... اكثر من ثلاث ملاين

يقرا بيها في الجامعة
هكدا راهم يديرو في الخارج ......... سياسة الاقتصاد
ويجي هنا يقلك معنديش......... سي عندك واصلا تقدر تخدم ..... 500 الف صعيبة للبعض لكن مش مستحيلة


اذن الخلاصة اذا اب اسلف المال من اجل شراء الكبش فمعنى هذا انه يستطيع دفع ثمن الدراسة لابناءه

شوفو الجامعات الأجنبية علاش نروحوا نقراو بدراهمنا ؟ بسكو متطورين علينا .......

الدراهم يديرو بيهم مشاريع و ابحاث
مثلا في الولايات المتحدة الامريكية او روسيا او بلجيكا او اي بلد متطور

فانا افضل ان ادفع المال و ادرس في مكان جيد و نظيف تتوفر فية كل الامكانيات على ان تكون دراسة مجانية لكن في حامعة هي مزبلة

بمعدل 10 في الباك تقدر دير بيه وش حبيت
لاه ؟ وش الفرق؟

بسكو تقرا بدراهمك اذا خسرت الخسارة عليك مش الدولة
هوما يخصصو الدراهم للأبحاث و النظام و النظافة في الجامعات

لوكان دير بلادي هاذ العفسة نولو من الرائدين في الابحاث ............... عندنا بزاف نوابغ مي مكانش مراكز ابحاث
شوفو السعودية جامعة العلوم والتكنولوجيا ,,,,,,,,
الاف الاختراعات
فانا
افضل ان ادفع المال و ادرس في مكان جيد و نظيف تتوفر فية كل الامكانيات على ان تكون دراسة مجانية لكن في حامعة هي مزبلة

وأنتوما واش رايكم؟