محتاجة الى تفسيير

[مشكلتي]

السلام عليكم
انا تزوجت براجلي في بيت عمو كانت الامور عادي بعد مدة بدات تصرا مشاكل بزاف معايا وزوجة عمو وكنتها وكانوا دايما يخرجوني الغالطة حتان امات الهدرة في الاخير قرر زوجي انو يخرج وطلب من عمو لمربيه الاذن فكان كذلك.
من بعد اصبحو مايمشوش ليا حتى العالة الكبيرة مكانش مافهمت فيها والووووو
مانيش عارفة السبة واش هي زوجي موظف كان دايما يعرضهم ويحلل فيهم خاصة عماتو مايقدروش يجو ودائما يعتذروا باسباب واهية.......
حتى اختو ولات كنة لزوجة عمو متقدرش تجي ولو دقيقة واحدة مانيش فاهمة علاش هذا البغض والكراهية رغم اني مادرتلهم ولاشئ بالعكس كنت نخدم فيهم مليح منين كنت ساكنة عندهم حتى اولادي مايعرفوش عائلة زوجي...
انا كنت دائما نمشيهم في المناسبات وغيرها وكشفت منهم هذا الشئ قررت نحبس
واش رايكم؟؟؟؟؟؟؟؟؟؟

[sara 97]

كيما يقول المثل
اللي باعك بالفول بيعيه بقشورو
نتيا خليك على نيتك وريهم الوجه المليح وتعاملي معاهم مليح
كي يشوفك هكا راح يتحرك ضميرهم يحسوا بلي راهم غالطين
مشي عندهم للمناسبات صفطيلهم عيلك يزوروهم رديها فيهم

[" أبو عبود"]

السلام عليكم
روحيلهم عادي واعريضهم كانه شيء لم يكن. في الاخير رايحين يولو يبسو رجليك صدقيني. لان الدنيا دوارة. رايحين يرجعو ليك ويحللوك ويعرضوك. فقط انت حافظي على علاقتك بزوجك وروحليهم واعرضيهم كل ما تعريضهم رايحين يزيدو يصروا على عدم الحضور لكن يوصلو الى حد معين ويولو ليك وانا متأكد من هذا.

[oumhana]

مكان حتى تفسير هذا المشكل تاع تقريبا كل الجزايرين(حشا لميتاهلش) عندهم سياسة فرق تسد مديري والو في بالك يعياوهما يجيووحللو خاصة وان ضميرك راه مرتاح

[little smile]

روحي عندهم عادي ماتقطعيهمش
و ارض ربي و معى الوقت يرضاو عليك

[دعاء المحبوبة]

لازم ما تعاملهمش بالمثل ، زوريهم ارضاء لله عز وجل:
عن أبي أيوب الأنصاري- رضي الله عنه - أن رجلاً قال للنبي صلى الله عليه وسلم : أخبرني بعمل يدخلني الجنة . فقال النبي صلى الله عليه وسلم : (( تعبد الله،ولا تشرك به شيئاً،وتقيم الصلاة،وتؤتي الزكاة،وتصل الرحم)) البخاري-الفتح3(1396) واللفظ له ، ومسلم (14) .

[ranou gigi]

يابنتي أحقريهم ذرك تشوفي كيفاه اعودوا اقيموك لانه كاين ناس قليلة اصل اذا قيمتيها فوق الحق ماتفمهمش و تزيد تتفرعن

[~~نهال~~]

كان المشكل في دار عمو و هاو فرج ربي و انتقلتو
هاذي ديما احمدي ربي عليها
بالنسبة ليهم ربي يسهل عليهم مابغاوش يجيو مايجوش
بغاو يتمكرو ربي وكيلهم
انتي صلي الرحم و نيتك عند ربي صلة الرحم لا غير ماكيش رايحة تغتابي ولا تفتني
تروحي تطلي عليهم نس ساعة او ساعة من الزمان و تجي مدورة لدارك
المهم عند ربي رايحة تصلي الرحم و لو فوق القلب او ليجاست تعهم يقلقوك
و تروحي ديري كود للسانك خليهم يحكيو و عندك تزلقي في هاو قال و هاي قالت فرات
المهم استغفري درك يفرج ربي و ماديريش بالك بيهم