سب وتعدي في بيت الله

[كاميلا]

السلام عليكم ورحمة الله تعالى وبركاته صح رمضانكم اجبرني هذا الحادث على الكتابة علني ارى نقاشات جادة "يطلعلي المورال شوية "
كنت ذاهبة كعادتي الى صلاة التراويح اول امس انا والوالدة طبعا سبقتها شوية لفوق كون احد الجارات استوقفتها في قسم النساء كاين غرفة كبيرة وغرفة صغيرة من المعروف انه الغرفة الكبيرة فيها مشيخ كبير والصغيرة يقعد فيها اللي حابة تقرا قرآن وتختلي شوية من الضجة والسلوكات المعيبة لبعض الطفيليات اللي يدوروا في المسجد بحجة المساعدة بل لا يملكن اي صفة سوى قلة الادب معاملة الفضة
استوقفتني وانا في طريقي لتلك الغرفة لصلاة تحية المسجد واحدة منهن "اسمعي انتيا متصليش هنا "!!!!!!!!!!!!!!!!!لم استطع استيعاب هذا امسكتني من يدي يعني صراحة زاد راسي حبس في لحظة ما حاول اني ندير روحي منفهمش قاتلي اسمعي انتيا وصحاباتك ديروا الهرج هنا قلت اواه راني غالطة في الوجهة راني في السوق مثلا
قلتلها يا مدام متتكلميش معايا بهاد الطريقة واخفضي من صوتك ليتعالى صوتها فاجأة والادهى والامر انهم يعرفوا انا بنت شكون قاتلي بصريح العبارة "روحي قودي من هنا " وتعدات عليا بالايدي هي وصاحبتها بل ووصل الامر انه لما جاو النسا انكروا كل شيء قالو احنا مهدرناش معاها نهدروا على الاولاد الصغار .............راني نكتب ومازال راسي حابس من واش صرا............
واحدة تعتدي والاخرى تشهد شهادة الزور وتكذب
يعني الى هذه الدرجة وصلت مساجدنا
انا في الحقيقة اتخذت اجراء بخصوصهم وقفت معايا استاذتي في المدرسة الصيفية لتعليم الاحكام حيث انني تقدمت بشكوى مباشرة لرئيس لجنة المسجد لعل وعسى يتاخذوا في حقهم اجراء صارم او طرد مباشر او ساظطر للجوء الى شكوى مباشرة للشؤون الدينية لولاية قسنطينة