تكربابين
هذا طبق تقليدي معروف عند القبايل وهو عبارة عن كورات من السميد مفورين
يكون عادة مرفوق بالعدس خاصة في فصل الشتاء والجو بارد
لتحضير الطبق نحتاجو الى:
كمية من السميد المتوسط +كاس صغير من الزيت او زيت زتون +ثوم مرحي +بصلة مرحية+بصل اخضر مقطع رقيق+توابل ولي هي ملح فلفل اكحل راس حانوت عكري حار+ مجموعة منالاعشاب المفرومة ولي هي معدنوس +قصبر+كرافس +نعناع+حبق
ملاحظة :انا ماحطيتش المقادير المضبوطة لانو ماشي شرط المهم تكون كنية التوابل والاعشاب مناسبة مع كنية السميد
نخلط كل المقادير مع بعض وتبسس مليح ثم نجمع بالماء رشة برشة مانكثرش حتى نتحصل على عجينة نقظر نجمعها
نعمل كورات متوسطة الحجن ونخليهم يفورو في كسكاس حت يطيبو
نقدم التكربابين مع العدس الساخن
هذي طريقتي في طبخ العدس
في قدر اضع كمية مت الزيت+ثوم مهروس+بصلة مفرومة+حبتين طماطم مفرومتين+قطع من اللحم +فلفل اكحل+كمون+قرفة
ونقلي على نار قليلة
تضيف كمية من العدس المغسول +كرافس+رند ونقلي مليح على نار قليلة
ثم اضيف ماء ساخن جدا واتركه ينضج
عنظ نضج العدس اضيف الملح واتركه خمس دقايق ثم اطفي النار
وبالصحة والعافية
( تقرير عن مشاركة سيئة )، و الموجودة أسفل كل مشاركة .
2016-04-23, 17:52
طبق تقليدي لكن بزاف مايعرفوهش
العرض الشجري