طريقة صنع الورود بساشيات النيلو

[om obaida]

بعض من الاخوات طلبو الطريقة رايحة نشرحلكم لانو ممكن يكونو الصور مشي واضحين مليح ..السيلان او السلك كيما يقول البعض اخدمي منو رونديلات او دوائر انا خدمتو على كاس اينوكس والله كلشي بسيط ومتوفر وحدة متصعبها على روحها ومن بعد حطى الدائرة نتاعك فوق الساشي اخدمي بتلة واحكميها بالخيط والابرة انا كل وردة خدمتلها 5او6بتلات والاوراق نفس الطريقة الساشي تكون بلون اخضر نحي شوية سلك غلفيه بالشريط الاخضر هذا غضن الوردة ثم حاولي تحطي عليه كل بتلة وتلصقي بالابرة حتى تكملي البتلات كي تكملي غطي بلاصت الخيط او الخدمة بالشريط الاخضر ثم لصقي 2 اوراق بنفس الطريقة1 قلب الوردة انا عملت طرف صغير نتاع قماش لصفر لامي درت فيه شوية لوات وغلقت بالابرة لي عندها البيستولي كي تكمل صنع الوردة تلصق القلب ولي معندهاش تقدر تبدا بيه في الاول تحاول ترشق هذاك القلب في السلك ومنبعد تخدم البتلات وممكن حتى تلصق في الاخير بكولا ربيد قلتلكم كلشي ساهل ومتوفر انا خدمت بنفس الطريقة ورود الياسمين يتعلقو في لكوانات نتاع الدار كل وردة عملت فيها فقط 4 بتلات والله يجو هايلين جربو وحدة متندم