كل واحدة تحكي طريقة تسياقها

[ام اياد]

درت هدا الموضوع باش نزيدو نتعلمو على بعضنا. انا شخصيا نسيق بازيس و جافيل براف و قطرات خل نحك مليح و نجبد بالفروتوار و نمسح انا عندي كارلاج الله غالب اللدار مشي داري و زيد ماكانش وين نرمي الما. المهم كل واحدة تقولنا على طريقتها و واش نوع الصانيبو لي يطول و....

[oum hiba2012]

مساء النوووووووووور شكرا على الموضوع اختي......انا تقريبا نفس طريقتك كي نعول نسيق نعوم الدار:d نرمي بالبادن ماء معاه ازيس سائل وجافيل براااف ونحك بالبالية ونخرج للبالكونات ومن بعد نزيد نلوح ماء صافي وحدو ونجبد بالبالي ومن بعد نجبد بالفوتوار ومن بعد ندير فالبيدون شوية ماء وصانيبو ونغطس فيه النشاف ونعصرو ونمسح بيه .....انا نسستعمل صانيبو توب صول البنفسجي والوردي ريحتهم هاااايلة.......ونبخر الدار بالبخور......
عندي رشاشة فارغة ديما ندير فيها شوية صانيبو وشوية ماء و حاطتها فالتواليت اكرمكم الله نعطرو بيها والله هايل.

[madoucha]

موضوع مليح انا نموت على التسياق
تقريبا رانا نسيقو بنفس الطريقة
انا نفرغ الماء و الجافيل و منديرش ايزيس بل اومو لان ريحتو تعجبني ونحك مليح بالبالي كل الجوانب تحت الخزانة تحت السرير و الاثاث ....الخ ثم نجبد بالفرطوار مليح ثم نجيب النشافة و نغسها مليح ونرش شوي صاليبو الوردي بريحة الورد ونمسح بالنشافةونخلي الباب و النافذة مفتوحين لكي تنشف الارضية ومن بعد نرش معطر المنزل شريت واحد بريحة الاناناس لكن معجبنيش بزاف

[ام اياد]

بارك الله فيكن اختي ميدوشة انا نظن بلي اييزيس يخلي الكرلاج يبرق خير من اومو و الله اعلم. مينداك نسيق بجافيل سيدهم (غطاه بنفسجي )هايل و ريحتو ثاني شابة

[djazia87holi]

التسياق واحد وكل واحد وطريقتو انا نعمر الارض بالماء ومن بعد نخلط بالشيء العزيز على قلبك جافال برافbref وصانيبو كل مرة وكيفاه مرة توب ومرة جل العملاق مع ازيس بريل والله غير رووووووعة نحك الارض مع الاركان بواسطة فرشاة صغيرة ومنبعد نجبد بالفيريتوار نخليه ينشف شوية حتى تتشرب الارضية المساحيق والراءحة من بعد نعاود نعمر الارض ماء صااااافي ومن بعد دور التشلال صراحة المنشفة نستعملها احيانا فقط غير لا طاحت بقعة ماء على الارض وبغيت نشفها وهذا تسياقي

[ام خليل §]

نفس الطريقة

[zenouba]

يا حباباتي انا كل يوم نسيق راهو ساكنلي في الدم ورايحة نمدلكم طريقتي .....

ادا حبيتي يخرج الكارلاج نتاعك يبرق مثل الداال دوصول استعملي في الماء بوشون من سائل سانيبو لي اسمو توب سول رائحتو خزامة--top sol lavande او استعملي القليل من بروديال السائل ابيض و النتيجة اروع من خبيش عليكم الارضية تصبح جد لزجة و تبرق احسن من الدال دوصول
هدي هي حكايتي التسياق كل يووم :-) سلام :-)

[Loubna LV]

السلام عليكم .......... نفس الشي نسيق بالماء والجافيل والصانيبو ..... ومن بعد نشف بالماء وصانيبو توب ريحة الليمون ........... يعطيكم الصحة يا لبنات

[أم عبد الكريم]

صباح الخير انا طريقة في التسياق بسيطة نكنس اولا ثم ندير ازيس و جافيلو صانيبو نكبهم في الدار نحك مليح ثم نقطع و نشلل بالماء و نزيد نقطع لكن عندي سر نستعمل صابون عملاق في التنشاف رائحته رائعة

[أم فاطيمة]

مساء الخير انا طريقتي في التسياق
نكنس الارض و لم كل شيئ مرمي عاى الارض نخلط ماء و ايزيس و جافيل و نرمي في كل البيت و نحك بالمصلحة مليح و خاصة الاركان و اسفل الخزاني و الطاولات و نخليه شوية باش الجافيل يدير المفعل نتاعه و روح لدوش و تواليت اكرمكم الله تدير الديكابو نمسح على كل الارضية و نخليه يبقى و نرجع نجبدبالفروتوارو نكب الماء الصافي و نشلل و نجبد مرة ثانية بالفروتوار و نشف بالنشافة المرة الاولى و رش توب الموف رائحة الخزمى و نمسح الارض مليح و بهذه الطريقة تبقى رائحة القرزيل هايلة و نرجع لتواليت و دوشو نحك بالبروسة و نشلل و ندير ازيس و نغسل مليح و نشلل و نشف لفابو و الارضية و رش توب و نشف مليح و رجع لسوندلي عند الابواب باش ينشفو رجليهم و ما يبقاوش لطراس

[ياسمين1990]

سلام عليكم
طريقتي في التسياق هي
اولا نحط الماء والجافيل والصابون مرات نحط العملاق ومرات ازيس غبرة ومرات ازيس سائل ونفرغ على الارض ونحبك بالمصلحة ثم نجبد بالفروطوار
ومن بعد نحط الماء الصانيبو بعطر الخزامة او الورد او الياسمين ونمسح بالنشافة وهكذا تعم رائحة العطر داخل الدار
شكرا لكم

[ام محمد امير]

طريقتي اني نفرغ المااااااا بزااااف وخاصة جافيييييل نموووت على ريحتو ونزيد صانيبو رائحة الورد ونسيق بالمصلحة والفروطوار كي

نكمل ندير Fہ نورمالمون تكون عندكم فالدار ريحتها روعة وتبقى ريحة تفوح فالدااااار نمسح بالنشاف وفا ونفرش ونسكر نوافذ وتحسي

روحك فريشكاااااا eau de cologne fa

[ورقة بيضاء]

نفس الطريقة

[الماسة النادرة]

انا نعمر بيدون ماء وندير فيه الامو والجافال ونحك مليييييح ونجبد هذاك الكاء ثم ماء التشلال ندير فيه اجاكس للارضيات روووووووووععععة بزاف وريحتوا الدوم ونجبد بالفروتوار ونشف بالنشاف مليييييح ويعطيني الصحة ههههههههه

[djazia87holi]

الله يبارك حراير ربي يدوم نعمة الماء علينا يا رب قولو اميييييييييييييييين