الدين النصيحة

[مشكلتي]

السلام عليكم و رحمة الله تعالى و بركاته
مشكلتي تكمن في ان ابن اخي وهو يتيم الام ويعمل في الجيش الوطني (عسكري) طلب مني الذهاب لخطبة فتاة اعجب بها (عسكرية) هما لا يعملان معا في نفس الولاية وقال التقى بها صدفة وسال عنها وان كل من عمل معها شكر فيها بزاف و و و ..
قد استخرت الله تعالى والآن اريد استشارتكم اسالكم فى الله الا تبخلوا علي بالنصيحة لان الشاب متربي ونقي جدا اكثر مما تتصورون وليس له سابقة مع فتيات لذلك اخاف عليه.

[sofix206]

هاذي ماتحتاجش سؤال أتكلي على ربي و أخطبيهالوا تربحي فيه أجر باسكو يماه راهي متوفية لوكان كانت حية للجأ اليها والله يجيب الخير نشالله

[rafahe2012]

السلام عليكم
شوفي مدامو جا ليك نتي ودارك في بلاصة يماه يعني راكي في مسؤولية
والزواج راهو مش حاجة ساهلة مدامو هو سقسى عليها وشكروهالومعليهش نتي تاني
تحاولي كيفاش تجيبي عليها معلومات على دارهم قبل الخطبة بسكو
حنا النسا لي نعرفو نسقسو مليح الرجالة ميجيبوش لخبر الصح
ومادامو هو قابل بيها تعمل في سلك العسكر يعني عادي عادي كاين بنات فاميليا متربيات ويخدمو

في هدا السلك نورمال هدي كل واحد وقناعتو

وربي يجيب لخير ويكتبهالو لشاف فيها خير ان شاء الله

وربي يهنيهم ويعطيك اجر هدا اليتيم

[كم اكرهك]

قلت لي عملها عسكرية

الأمر صعب

أشرح له ألأمر جيدا

[sammar]

اظن ان المشكلة هي في وظيفة الفتاة لا اقصد اخلاقها الله اعلم بها لكن عملها في مهنة مثل الجيش ينزع منها انوثتها لاني سمعت داعي اسلامي يتحدث عن كيفية اختيار الزوجة الصالحة فقال يمكن للمراة ان تسعد الرجل اذا توفر فيها شرطان مهمان هما
* معرفة الدنيا بمعنى الا يستطيع ان يستغفلها ايا كان وهذا الشرط اظن انه يتوفر فيها بنسبة عالية.
*الحياء وهذا لا اظنه يتوفر فيها وهنا يدخل تأثير الوظيفة.
اجزم انه اذا تزوجها سيحس بالفارق الكبير بينها وبين باقي النساء هذه تعد وجهة نظري ولم ار في الواقع حالة مشابهة اتمنى ان يفيدك الباقون خصوصا اذا يعرفو عسكريات او احد متزوج عسكرية.
ادعو لك الله ان يوفقك لما فيه الخير