ميني بيدزااا بالاعشاب لذيذة و اقتصادية و بدون فرن

[imane khaled]

السلام عليكم اخواتي نشاء الله راكم بخير
جيت و هذ المرة جبت معايا بيدزاااااااااااااااا
بصح مختلفة شوية على البيدز العادية رغم انها اقتصادية بصح بنينة و ساهلة طيب فوق المقلة فقط و ليس في الفرن
باسم الله نبداو

تحطي 2 كوب فرينة +ملعقة كبيرة خميرة خبز + م كبيرة سكر + ملح + كاس صغير زيت+ اعشاب لي عندك انا حطيت شوية زعيترة و اكليل الجبل و معدنوس + م ك حليب غبرة و تعجنيها بماء دافي و تخليها تخمر





في هذه الاثناء نحضرو لاصوص رحيت طماطم و بصل و ثوم و شوية زعيترة و طماطم مصبرة مليح مليح في الروبو ثم حطيتهم فوق النار مع شوية زيت و ملح و فلفل اسود و خليها طيب ملاحظة مهمة هنا لازم تنشف مليح لانها مش راح تدخل الفرن و بتالي اذا كانت لاصوص مايهة مش راح تنشف و تبقى البيدزا معجنه و مشمخة



الان نرجعو للعجينة و المراحل واضحة في الصور و هنا لازم النار تكون قليلة جدا و المقلة تكون ثقيلة و ما تلسقش




نحطو مقلة على النار و نطيبوها من جهة ثو نقلبوها و نحطو لاصوص و باقي المكونات و الصور توضح اكثر




لما طيب و هي سخونة اااااااممممممم نحطولها الفرماج رابي و تكونو سكرفجنا بيضة مطبوخة مع شوية معدنوس راح تعطيها نظرة وذوق هايل و نحطو في كل حبة ملعقة صغيرة زيت زيتون و اخيرا الماينيز



و هاهي البيدزا حاضرة و صدقوني نجي بنينة و مقرمشة و 5 .5 تكمليها هههههههها جربوها






و دايما تفكروني بدعيوة خير