كيكة رخامية بسيطة بصوص تزيين رائعة من مطبخي

[kakinova]

بسم الله الرحمن الرحيم

اليوم عملت كيكة من ابسط ما يكون كيكة فيها زوج الوان الابيض و الاسود بصوص شوكولا ولا الذ

ماكانش عندي الكرام شونتي عملتها مسكوتة خفيفة للحليب المرة الجاية ان شاء الله نعملها طبقات على شكل كيكة الشطرنج و نشوفوها

المقادير : انا عائلتي صغيرة عملت مقادير صغيرة لي عائلتها كبيرة تعمل طبقتين من المسكوتة او تضاعف الكمية تجيها كيكة خشينة



ملعقة و نصف نشاء
2 ملاعق و نصف سكر و ممكن 3 على حسب الذوق
ملعقة كبيرة شوكولا بودرة و ملعقة صغيرة كاكاو
2 بيضات
1 فاني
نصف كاس حليب
نصف كيس خميرة
فرينة تقريبا 3 ملاعق او اكثر قليلا
فنجان زيت

التحضير :
نخلط البيضتين مع رشة ملح و كيس سكر فاني



نضيف السكر و نخفق



نضيف الحليب و نخفق جيدا حتى يتجانس المزيج و يذوب السكر جيدا



نضيف الزيت و نستمر في الخلط



نضيفالخميرة و النشاء مخلطين مع بعض و نخفق



نقسم المزيج قسمين واحد اكبر من الآخر و نضيف للمزيج الاقل الكاكاو و الشكولا نخلط ثم نضيف الفرينة حتى تصبح عجينة ثقيلة






ونضيف كذلك الفرينة للمزيج الابيض



ندهن الصينية بالزبدة و نجيب اواني بلاستيكية دائرية مختلفة الاحجام و نقصها من اسفل و نسكب المزيج مرة ابيض و مرة اسود ممكن نعمل دائرتين ممكن ثلاث ممكن اربعة على حسب الذوق



ننزع الأواني برفق و ندخل المول للفرن مسخن ملييييييييييييح و ننقص الحرارة الى 200 درجة 5 دقائق ثم 180 درجة حتى نشم ريحتها و كل وحدة على حساب المول لي عندها او الفرن انا المول ما نخافش نشعل من تحت و من فوق و نحطها من تحت طيب مع بعض



هنا لما خرجت من الفرن






نقلبها على سارفيات و نتركها تبرد تماما
ثم نبدأ التزيين
نسكب القليل من الصوص فوق الكيكة و ندهن بالفرشات هكذا ما تسيحش و تضيع بين اناء و آخر

هاذا رابط الصوص https://www.djelfa.info/vb/showthread.php?t=1210927












الكيكة ممكن تعملو منها 3 طبقات واحدة مخالفة عن الاخريات في ترتيب الألوان و تتحصلو على تارت تشبه هذه



نتمنى تعجبكم و تدعيولي دعوة خير