اسمحولي اخواتي طولت عليكم ليوم برك باش حليت كي شفت واش كتبتولي فرحتوني بزاف راني مكتبتش الوصفة في الاول كنت نسي نتعلم تحميل الصور والحمد الله توفقت فيها انشاء الله نولي عضوة جيدة في هاذا المنتدى والفضل دائما يكون لي الاخوات لي يدعموني بالمدح نتاعهم اسمحولي طولت عليكم نخليكم مع المقادير قاطو نيوتيلا
هاذا القاطو بنبن بزاف نتمنى يعجبكم وتفهموا الكتابة نتاعي بالنسبة لصورة المول ليطيب فيه القاطو منقدرش نحطو ضك خطراه لباري لنصور بيها راهي معطلة انشاء الله كي تتخدم نحطلكم الصورة نتاعو
المقادير:
500غ زبدة اي نوع تفضليه + 250غ سكر ارطب + 5حبات بيض {3بيضات مجمولين و2صفار بيضات برك }+ مغرف صغيرة لفاني + فرينة تلمي بيها العجين
الحشو : باط نيوتيلا +حلوة ترك نتي والكمية لي تحبيها باط صغير او كمية معقولة تخلطيهم مع بعض
التزين: شيكولا سوداء + شكولا بيضاء + حبات بندق + سلك ذهبي لتزين
طريقة التحضير : تخلطي جميع مقادير العجين حتى تتحصلي على عجين طري ديري دائرة صغيرة وتعجنيها باصابعك داخل مول عى شكل وردة كي تكملي جميع العجين دخليهم الى الفرن يطيبو كي يطيبو شدي حبة ديري الحشو بالمغرف في الوسط وزيدي حطي حبة قاطو فوقها مبعد اغطسي نصف حبة القاطو من فوق بالشيكولا سوداء الذائبة وديري حبة بندق في الوسط وزيدي ديري زيقزاق بالشيكولا بيضاء على الحواشي وفي الوسط رشي بالسلك الذهبي نتمنى انشاء الله تكونو فهمتوني لي مفهمتش انا في الخدمة وشكرا ملاحظة: بالنسبة لحبات البندق من الاحسن انك تقسمي الحبة الى نصفين باش كي تحطي نصف حبة البندق نتاعك فوق الشيكولا السوداء تلصق اما بالنسبة لشكل تقدري ديري اي شكل في مول مربعات او باركات وتزيني نتي ورغبة نتاعك كي ديريهم في مول مربع اغطسي الوجه الفوقاني في شكولا سوداء ديري وردة صغيرة بعجينة اللوز حطيها في الحاشية وديري زيقزاق بشكولا بيضاء وفي لمول نتاع باركات ديري شكولا سوداء وحبة بندق في الوسط تجي كيما العين والحشو بالطبع يكون دائما خطراه هو الصح
( تقرير عن مشاركة سيئة )، و الموجودة أسفل كل مشاركة .
2013-12-21, 21:30
قاطو نيوتيلا لي وعدتكم بيه
العرض العادي
