مشكلتي ام زوجي

[مشكلتي]

السلام عليكم ورحمة الله تعالى وبركاته :اخواني انا امراة متزوجة ونسسكن في بيت العايلة في طابق متجاورة انا وسلفي قسمتلنا عجوزي ه تزوج قبلي عطاتلو 3 غرف وكوزينة وهول كبير وجيهتو واحد مايدخل ليها اما انا عطاتلي كوزينة وزوج غرف وناس كامل فايتة عليا المهم لا علينا رضينا بالمكتوب وسكتنا لكن مشكلتي انو سلفي هذا عطاولو سكن اجتماعي وقال نكريهم نعاون روخي ....عجوزي جات لراجلي قاتلو امري ديار خوك ؟؟؟؟؟؟؟؟؟؟؟؟؟؟؟؟؟؟؟؟هنا موحي حبس ؟؟؟راجلي فقير على خوه ويخدم بعيد نص الشهرية تروح في طريق لكن انا امراة عاملة وناس كامل في بيت يقولولو عنذك الصوارد ؟انا غاضني الحال الي عندو سكن يزيد يكريه والي ماعندوش يخرج ويزيد يمد الصوارد ...... للعلم شيخي متوفي عجوزي باعت دار باباهم وعاودت بناتهلهم دار في ملكها وكملت باموال ابيهم

عاونوني وش الحل؟

[مبروكة الصحراء]

أعتقد أن هاذا مشكل زوجك و ليس مشكلك أنت المرأة تبع راجلها وين ماكان هو لي يعرف وش يدير و هو لي يقرر بشأن السكن أنتي دورك مساندة زوجك
و ربي يفرج عليكم

[ذكرى أبي]

إيه ديري روحك ما سمعتي ما شفتي يدبر راسو مع يماه و ربي معاك

[zahra13]

والله اتفق مع الأخت مبروكة الصحراء واضيف أكثيري من الدعاء ورب يفرج ان شاء الله.

[ام ايمان16]

ربي يفرج عليكم

[محمد جديدي التبسي]

لا تفاقمي المشاكل وخلي زوجك يحلها ويتناقش مع أمه ولا داعي لشحن زوجك أو توجيهه بطريقة تجعله يؤذي أمه ويجرحها بكلام يندم عليه لاحقا ربي يصلح حالكم

[hamdanhamdod]

دعاء واخلاص نية وتدكري يوجد كتير متل حالتك الله يفرج عليك

[نورسين.داية]

السلام عليكم ....أعتقد في هذا الوضع ....أتركي السكن العائلي ...............................و السلام

لأنه من المستحيل تقبل الأم لأي نقاش في هذا الموضوع كما يبدو ......بالتالي أستقلوا بالسكن الخاص ...و السلام

لكن يتبادر الى دهني سؤال مهم : هو المنزل الحالي بإسم من ؟؟؟؟

أليس هو البيت العائلي الموروث عن الأب المتوفي ......يمعنى الأم راهي وارثة كيفها كيف أبنائها ......بأي حق تأخد من هذا و تعطي لهذا .........؟؟؟؟؟

بالنسبة لي الحل الذي لن يغضب أحد قسموا الميراث الدي هو السكن الموروث عن الأب .....بهذه الطريقة كل واحد يتصرف في نصيبه و السلام

[wafa16]

besa7 ma9oltinach wa3lach had al om 7aba tkheli khoh saken m3aha malgré 3andou dar
w 7abetkoum tekhorjo nti w rajlek
balak sem3at beli rakom 7abin tekherjou b darkom wa7edkom
wila dertou des problèmes mala 7aba tethana menkoum
rabi yfarej 3likom
w ida 7abine tesseknou wa7edkom mafiha walou ida kra 3la khoh balak yssa3edkom khoh khir mel barani
w 7adari al ghira w al7assad okhti

[abdel02]

وأين زوجك في كل القصة.

[أندلس]

هاذي مشكلة الجزائريين يقيمون الارض و لا يقعدونها للحصول على سكن و لما يحصل عليه يكريه والله حرام عليهم على خاطر راهم ياخذوا في حق آخرين لا يملكون غرفة تأويهم
نرجعوا للموضوع برأيي اذا كنت قادرة تكري دار سلفك اكريها و ريحي بالك منهم

[alloui sarah]

ana rayi ida kan khardjin khardjin matekrich dar selfec khater marahoumch nass eli ediri fihoum laman , ye9der may7abch ydir l3a9d ta3 lekra wela ki tenfa7lou ykhredjkoum w y9oul dari ani 7or , rani na7ki 3an tadjriba oukhti
ekhourdji men dar l3ayla w ekri ntya w zawdjec 9rib lkhedemtou hakda te9tasdou masrouf tri9 , besa7 na9chi l amr m3a zawdjec w houa eli ya7ki m3a oumou
rabi yfaredj nchallah , rana kamel fi 8am lekra kifkif w enass tedi f ijtima3i w tekri fih

[mounia 85]

والله كاين ناس تحير كيفاه يخمموا....يسمى تنحيلكم ليكم وتزيد لبنها لاخر نورمالمون تحن عليكم نتوما لي ماعندكمش سكن

مشكلتك تشبه شويا لمشكلة كانت عندي راجلي كان عندو طونوبيل كانو خاوتو يستعملوها بلاش فسدوها وباعها ..خوه شرا طونوبيل ولا كي يجي راجلي بيرميسيون يجيب طونوبيل خوه ساعات يقضي بيها مالا خوه قالو كي تديها خلصني ومرة داني بيها للسبيطار باش نزيد قالو خلصني 400 الف والله سوفرينا وامو تقولو مدلو ماعليش راهو ماعندوش يعني بنها لي بالطونوبيل ماعندوش واللي بلا عندو
والحمد لله بابا شرا طونوبيل وعاد يمدها لراجلي كل ما يجي بيرميسيون نروحوا بيها وينما نحبو ...الخير ماتدريش منين يجيك

[loudjeine2000]

اللام عليكم ورحمة الله تعالى وبركاته
هذه مشكلة كتاع كل الجزائريين هناك أمور لا يتفبلها العقل أما فيما يخص مشكلتك حسب ما قلتي فإنه المشكللة بدات من الأول عندما توفى رب العائلة والغلطة الأولى لم تقسم التركة على الوراث والأم ماعندهاش الحق باش تبيع الورث لأنها وريثة مثل كل الابناء إلا بموافقتهم ، أما قسمة الطابق كان لازم يتقسم بالعدل يعني كا يمكن أن يقسم على نصفين وكل واحد يخدم الجهة تاعوا كيما يحب ويدير مدخل خاص به أما أن أخ زوجك يريد كراء بيوته لأحد الغرباء فهذا لا يجوز لا في ديننا ولا في دين الكفار كيفاش يدخل غريب على الأهل نتاعوا على جال وسخ الدنيا ويزيد يقول نعاون بيهم على روحي فالحل هو بيعوا المنزل وكل واحد يدي قسمته من التركة وبعد ذلك يعاون روحو كيما يحب لا إله إلا الله محمد رسول الله لوكان نبقى نكتب للصباح منخلصشوكيما قالوا الخوات خلي راجلك هو الي يلقى الحل وما يقبلش باش يجيه واحد غريب للدار .وربي يجعل لك مخرج من هذه المشكلة وربي يصبرك.

[رانيا لوك]

هذا حا ل الزوالي في وقتنا هذا ربي يفرج عليك