شوفو الكارانتيكا اللي طيبتها

[(( هبة الرحمن ))]

السلام عليكم ورحمة الله وبركاته

اليوم درت الكارانتيكا .........

500 حمص مطحون

2 لترات ماء

كأس شاي زيت

ملعقة صغيرة ملح ( تقدري الذوقي إذا خاصك زيدي )

2 بيض

تقدري تحطي نصف المقادير لكن البيض يبقى 2 حبات

غربلي الحمص وخلطي المكونات ماعدا البيض

انا نخلط في قارورة تع الزيت ..نحلط مليح حتى يدير الرغوة ..نتركها ترتاح كيما تحبي ساعة او أكثر ...كلما بقات يطىرا الحمص وتخرج مليحة ...

نسخن الفرن ونضيف 2 بيض ونخلط

ندهن الصينية بالزيت وندخلها - أنا ندخلها ونفرغ باش ما يسقطليش الخليط فالفرن ويتحرق ويدير الريحة ..

الفرن نشعل من التحت ونترك النار قوية ومن الفوق نقصلها

كي تغلي وتنشف والحاشية ترجع حمرا نطفي من تحت ونترك غير من الفوق ..

تبقى حمرا من الفوق وتبانلك جارية لكن كي تخرجيها 15 دقيقة تتماسك .

هاهي عن قرب

أتمنى تنال إعجابكن.....

أنتطر تشجيعاتكن

ملاحظة :

كاين اللي ماتنجحش في طياب الكارانتيكا بسبب نوع الحمص ..كي تشري ذوقيه اللي تلقاي فيه رائحة غريبة ولا مرّ بزاف يعني فاسد ....

سلام