المراة بين العمل و البيت

[rahma nour]

السلام عليكم
اود طرح موضوع و اريد اراء من يعنيهم الموضوع من فضلكم
هل يمكن للمراة العاملة التوفيق بين البيت و العمل اي هل تلبي كل احتياجات زوجها و اولادها ام انها تجد صعوبة وتتنازل في بعض الاحيان عن واجباتها الزوجية مقابل عملها مثال استاذة في التعليم الابتدائي بما ان جل الاخوات في المنتدى استاذات مع احترامي للجميع طبعا ؟؟

[كاميلا]

السلام عليكم
واش رح نقولك يا اختي موضوع مكرر وكلنا نعفوا واش رح تكون الردود هجوم عنيف من الرجال في حين يوجد القلة منهم من هو مع عمل المرأة لكن في حدود في الجهة المقابلة طائفة من النساء ضد النساء وعملهن واخرى طائفة عاملة بالطبع مع عمل المرأة وانه لا يؤثر
وهنا اعطيكي رأيي اللي فنيان فنيان يعني مش شرط عاملة يعني بامثلة حقيقية وفي نفس المنزل تعيش خالتي مع كنتيها وحدة طبيبة بعيادتها والاخرى ماكثة بالبيت لا تريد العمل الاولى ورغم العمل قايمة بيتها بشهادة عجوزتها ووسلفاتها حتى اولادها ما شاء الله تربية واخلاق اما اللي راهي في الدار نهار كامل وهي راقدة واولادها في عمر 4 سنوات تخيلي بالحفاظات يعني ولدها معلمتهمش حتى كيفاش يقضيو حاجتهم ناهيك عن القباحة لو يدخلوا اي دار تبدا حالة طوارىء هههههه
والعكس صحيح تلقايها غير ملهية بالخدمة دارها تضرب تقلب ولادها عند المربية راجلها منعرف وين وهي غير مع الخدمة في حين تجدينها ربة منزل رائعة مهتمة بكل التفاصيل تدخلي دارها تبزقي حاشاك في يدك ومتبزقيش في الارضية الاولاد يشعلوا بالنظافة فحالة وشطارة
اللي فحلة من عند ربي انا هكذا تبانلي

[hicvb]

"وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله"

صدق الله العظيم

[منهاج]

السلا م عليكم

كلشي على التنظيم والحفاظ على الوقت

[jomana jiham]

ماشي حاجة ساهلة تقدر تسير أمورها بصح بالمقابل تتعب بزاف, و اولادها ديما مشردين في البيوت و الحضانة.

بصح كي راني نقولك هاكة ماشي معناتها ما نخدمش,مع أني أفضل المكوث في البيت.

[نايفز55]

نعم يمكنها لك اذا كانت تملك مثل هذا في ديماغها

[سيدة المنزل]

الله يكون فى العون و الله ماهى شطارة كل نهار وبراكتو