قولولي وش ندير معاها ؟؟؟

[مشكلتي]

السلام عليكم ورحمة الله تعالى وبركاته

انا بنت ادرس في المرحلة الثانوية ، لدي صديقة اثرت في تاثيرااااااا سلبيااااااااااااااااااااااااااااااااا علما انها صديقتي منذ الطفولة

فوالله اقسم انه كل من كان يعرفني كان يحبني وكان الجميع يرى في الفتاة الراائعة ، لا افهم احد خطا ، ومانقراش الناقص كيما نقولو ، واي واحد يدير معايا حاجة نعذرو ونمدلو عذر حتى من راسي

مي السنة زادت بقات معايا صحبتي هذي في نفس القسم مما جعلني اتاثر سلبااا اكثر واكثر ، لان افكارها كلها سلبية ومتشاااااااااااااااااااااااااااااااااااااااائمة جدااااااااااااا مما جعل هذا يؤثر علي ، وليت نقرى الناس كامل بالناقص ، نفهم الغالط ، وولات حياتي كي الجحيييييييييم ، كرهت الدنيا بعد ما كنت نحبها ، بديت نكره العباد ، خلاتني نشتي الموووت ياسبحان الله

كل مانجيو نقطعوا الطريق تقولي يااا لوكان غير ضربتني الطاكسي وداتني وهناتني من الدنيا وهكذا راحت فيا حتى انا الحاجة هذي ووليت نفكر بسللللللللبية ونتمنى الموت كيفها


قولوللللللللللللللللللي وش ندير معاها ، والله راني كرهت ،
+++++
مستحيل تقولولي بعدي عليها راهو كي يفوت يدخل عبد في حياتي مستحيييل نخرجو وحتى لوكان يدير غلطة في حقي ، نعود نحس بالذنب على حوايج مانديرهمش اصلا

+++++++

بابا يعرف بابها صحاب وعايلتها وعايلتنا قراااب من بعضاهم مانقدرش نقطع العلاقة بيني وبينها هكذا

قولوللللللللللللللللللي وش ندير معاها

[•~ندية الجوري~•]

و عليكُم السّلام و رحمة الله و بركاته...~


أنتِ لازلتِ صغيــرة و مستقبـلكِ أمامكِ

فكيف تريدينــه أن يكــون ؟

هـل تودّين أن تعيشي حياةً بائسـة كلّهـا تشاؤم و ظلام

علاش تخليها تأثّــر عليك و تعملك غسيل مخ...

أين شخصيّتك ... كـأنك تخليتِ عن نفسك و أفكاركِ لتكوني
نُسخــة ثــانية من صديقتكِ

بصــراحـة رغم تشاؤمها إلاّ انها شخصيتها قيادية
لأنّهــا إستطاعت قَلبَ افكارك و رؤيتكِ لكــل شيء


//
لمــاَ لا تؤثّري فيها انتِ
لمـاَ لا تجعلينها تُبصر الحياة بـ بتفاؤل

و ترى أيامها بـ عين الرّضا لأنّها أقدارنـا


كــوني قياديّـة

واثقــة من نفسك ؛ مُشبّعَــة بـ الإيجابية

لديكِ طــاقـة روحــانيّة تـُكسبكِ مناعة ضد كلّ سلبي



لا تســألي مـاذا أفعــل معهــا

بـــل مــا السّبيل لــ أكون أكثر تأثيراً على غيري

مـا السّبيل لـ أرى الجمال حيثُ مـا وجدَ




لا تأخذي من الآخرين كــل شيء
خذي فقط مــا يُفيدك في مسيرتكِ

و إستقبلي ما لا يُعجبكِ

بــ آذان صمّــاء
و عيون لا ترى



سعــادتكِ تصنعينها أنتِ ... فلا تدعي غيركِ يقلبُ أيامكِ بؤساً


لا أقول لكٍ إبتعدي عنها


لكن لا تدعيها تؤثّـــر فيكِ

إجعلي لـ نفسكٍ حصنــا يَقِيكِ من تشاؤمها
و لا تُركّزي على ما تقوله

و قبــل أن تعيدي بينكِ و بين نفسكِ كلامها
أعيدي صياغته إلى العكس

إذا قالت لكِ

لوكان غير ضربتني الطاكسي وداتني وهناتني من الدنيا

لو كان غير نكسب طاكسي نحوّس بيها في هذا الدّنيا






و غيّري وجهــة نظرها للحياة

هي تحتاج مساعدتكِ

و ربما من جميـــل قدرها أن تكوني صديقتها

لـ تُصلحي فيها مــا إستطعتِ


عيشي بـ تفاؤل و أمـــل
ولا تدعي للأخرين سبيل لـ إفساد مُعتقداتك
مــادامت لا تغضبُ الرّحمن


.

[Fatima fato]

يا اختي سيطري على افكارك
و ماتفكريش بسلبية
وحاولي انتي تاثري عليها و تخليها تكون أحسن و أكثر ايجابية

[lola22]

اختي حاولي انتي اتأثري عليها بايجابية و جيبيها غير بالضحك وبالشوي راح تلقايها كيفك .....

[hanadi21]

مشكل بالنسبة ليا تافه وبكل صراحة ساهلة اقطي صلتك بيها

قالك الباب لي يجيك منو الريح سدو واستريح

[aberkanehanane]

اقسم بالله يا اختي مشكلتك راني فيها انا ثاني راني كيما نتي مي لحد الن مالقيتش الحل ورجعت مانحبش لبناااااااااااااات كامل على جالها ساعدونا بليييز

[الحلم الجميل]

هي اثرت عليك بالسلب يعني اخذتي منها الطاقة السلبية
و علاش انت ما تاثريش فيها اذا انت ما تنجميش تبعديها يعني مثل ما قلتي باباك و باباها صحاب
انصحك انك ما تبعديش عليها لالا بالعكس اقعدي معها و انت حاولي تاثري فيها بالايجاب
اغلبيها انت كوني قوية عليها نقولك كيفاش ..اضحكي حتى و الا قالتك شئ كلمة وجعتلك قلبك معليش اضحكي
و اقلبيها انت بالضحك لحاجة مليحة
ازهي و كوني مبتسمة و عاونيها مسكينة بلاك راهي محتاجة مساعدة متخليهاش
حاولي تغيري اسلوب تفكيرها
و تعلمي تستغفري و قوليلها هي تاني تستغفر معاك في وقت الفراغ
و تاني كاينة حاجة جربي في يوم اشريلها شئ كادو اعطيه ليها يا مصحف او كتاب للاذكار
بصح ما تخليهاش و بالوقت راح يفوت كل شئ و انت تاني ماش غير تقول كلمة توسوسي ما دقيش بزاف في كلامها
ربي يهنيكم و يهديها

[نايفز55]

حل انكم تغيروا حياتكم كيما هيا اثرة عليك انت اثري عليها

راكم في حالة نفسية سيئة وليزمك تخرجوا منها عن طريق مطالة وقرائة كتب

ونصائح

في انترنت كاين بزاف نصائح تساعدك على تغير حياتك

وقراي كتب بزاف كيما انا كنت متشائم بصح غيرة نفسي بهذا الطريقة

يلزم انت تبدي تغيري روحك وغيرها معاك

وقناعة علمي روحك القناعة لانها هيا سبب هذا المشاكل

وزيدي ديما شوفي لناس اقل منك (فقراء) هنا تشعري بالقناعة

[مبروكة الصحراء]

ارفعي التحدي و أثري عليها أنتي بالإيجاب
كوني مؤثرة لا تكوني متأثرة
كي تقولك لوكان غي تديني الموت و لا تضربني الطاكسي قوليلها و الله ماني طالقاتك تقطعي الطريق نشدك و نوصلك عيب عليك تخليني وحدي كي تموتي شكون يقطع معايا الطريق
و قوليلها شكون راه يكون راجلها صاحب راجلي و اولادي و أولادها صحاب
راني نعطيك أمثلة فقط فكري فكري فكري فكري كثيرا و ابحثي عن أشياء تجعلها تحب الحياة و تحب العطاء كالتنافس في الدراسة أو التنافس في مساعدة الناس المحتاجين ........أفكار
و ربي يخليهالك و يسعد أيامكم في زوج

[غربة أهل السنّة]

السّلام عليكم و رحمة الله و بركاته
يظهر ان صديقتك ليست صديقة سوء بما انها لا تريد أن تجرّك لاشياء مشينة
و لكن لديها عيب و هو كثرة التّشاؤم
عليك ان تنصحيها بأن تقلع عن هذه الأفكار السيئة و عن تمنّي اشياء فضعية
لان المسلم يجب ان يكون متفائلا دائما و لا يتمنّى الشّر لنفسه و لغيره
أفهميها أن الحياة جميلة إذا إستغلها الإنسان فيما ينفعه
و كلما تمنّت الموت أمامك كرّري لها هذا السّؤال: هل أنت حقّا جاهزة للموت و للقبر و للحساب؟

[doba]

ربي يجيب الخير معاك يا أختي

[مواطنة]

السلام عليكم ورحمة الله وبركاته
اختي اظن ان الامر يحتاج جهدا قليلا منك كيما اثرت هي على شخصيتك و انت راكي تستدركي الامر انت جريها لشخصيتك
مثلا احيانا تفهميها انك لا تحبين التشاؤم وكذلك ذكرالله عز وجل يبعد عنا التشاؤم
لا اعرف كيف هي علاقتكما بالظبط لكن اقول لك حاولي تدرسي معاها او من حين لحين تروحو لتأمل الطبيعة تصلو مع بعض تذكرو الله مع بعض احيانا اهديلها هدية حتى لو انت صنعتها بيدك . اذا قدرت تقراي مواضيع لابراهيم الفقي رحمه الله و تفيديها سيكون جميلا لان مواضيعه تجعلك تعيدين التفكير في حياتك و طريقة تفكيرك الى الاحسن
اختي الغالية لي صرالك شيء مؤقت من كثر ما بقى عقلك يستقبل اشارات و افكار سلبية تاثر لكن تقدري الان تعمريه بالافكار الايجابية لي كانت عندك يعاود يرجع لطبيعته سبحان الله انت تبرمجي عقلك بارادتك باذن الله ا
و نقولك شي اخر هذيك صديقتك عاونيها باش تشوف الدنيا بطريقة جميلة لكن انت لا تجعليها صديقتك الوحيدة حتى لا يبقى دماغك مشغولا بافكارها دائما

[" أبو عبود"]

علاش هي عندها " تيلكومنود باش تتحكم فيك"؟ علاش ما تتحكميش فيها انت؟ ديري قيمة لروحك خليها هي تبعك وهذي بسيطة جدا. ما تسمعلهاش وخليها هي تسمعلك وكوني ذكية واذا ما قدرتيش وعرفت روحك فاشلة خليك منها ونحيها من بالك لانها مش مفروضة عليك