وصفة رائعععععععة للبسيكريات من مطبخي هيا ادخلوا جميعا للتعرف عليها

[oum anas 69]

السلام عليكم اخواتي كيف حالكم ان شاء الله لا باس
اليوم حبيتكم تشوفوا هادو الي هوما عبارة عن معجنات يمكن متعرفهومش من قبل كانت امي اللعزيزة ديرهمنا نشربوا بيهم القهوة ربي يخليهانا ادعولها بالشفاء لانها مريضة
هوما يشبهوا للمسمنات بصح هذه عجنتهم تجي مبسة شويا فيها شوية زبدة طرية في لعجينة
حنا نقوللهم بسيكريات عندهم مذاق رائعععععع و ساهلين و مايطلبوش بزاف
الوصفة ساهلة ماهلة
ما عليك غير تحطي في قصعة شوية سميد مع القليل من الفرينة +شوية ملح +شوية زبدة طرية +بسيها بيدك مليح +اعجنيها بالماء كيما تدلكي المحاجب+كوريها مثل المحاجب اتركيها ترتاح
ممبعد حليي الكرية ثم طبقيها على اربعة رايحة تتحصلي على مربع زيدي حليه شوية ثم اقسميه على زوج بالسكين تتحصلي على مثلثين هزيه و حطيه في الزيت و كبي عليها بالملعقة حتى تنتفخ و اتركيها تطيب على الجهتين و هكذا
رشيهم بالعسل انا زدت ذرذرت عليهم مكسرات و قدميهم و شهية طيبة


شوفو هنا كي تجي مورقة ممممممممممم و الله ماتتشبعش خفيفة و بنييييييينة









انتظروني بعد قليل باذن الله