** لا أدري ما الهدف **

[امـــة اللـــه]

السلام عليكم ورحمة الله وبركاته
لاأعلم ما الهدف من كتابتي لهذا الموضوع
لكن كل ما اردته نصحكم _ تمنيــــــــــت لوكان كان من ينصحني العام الماضي _
ذرك كملتوا الاختبارات ان شاء الله فوتوهم سلامات سمانة زوج يكمل الفصل الثاني وتصبحو فالفصل الثالث طبعا واش عاد نوصيكم خاص بالفئة اللي عندها طموحات تدي الباك بمعدل جيد او ممتاز _ كيما كنت نبغي _
نقوللكم من ذرك اذا حابين ترتاقيو وتديو معدل عالي اتعلمو تنظمو رواحكم من ذرك اتعلمو تعدلو بين المواد ماشي تقراو المواد العلمية والباقي تهملوهم _ ربنا ولك الحمد_
راو بقالكم الفصل 3 والله لوكان توالفو من ذرك العام الجاي ان شاء الله تلقاو رواحكم موالفين ماتتعبوش خلاص ولاحظت الفرق هذا بيني وبين اللي يديو 18 و17 هوما ديما يقراو من صغرهم الباك يجيهم نورمال كي العوام اللي قبلو
اما اللي ماهوش موالف كيما انا _ لحد الان عيييييييت انوض بكري _ عام كامل وهو يعاني كيفاه ينطم وقتو لوكان والفت مايصرالي هكذا
ومانقلكمش اتعبو ليل ونهار وانما حاولو تتعلمو تنظمو وقتكم أقل حاجة تتعلمو الطريقة اللي تساعدكم فكل مادة
علابالي طولت عليكم وربما الموضوع مش عاد يفيدكم
لكن والله مانحب تعاودو غلطتي تتمناو يرجع بيكم الزمان وماتلقاوهش

في امان الله