تروسو تاعي تاع Nid d'abeille

[ريم الفلى]

البسملة1
السلام لبنات واش راكم يا شاطرات الجلفة
هد المرة مقدرتش نصبر حتى يخلاص التروسو قلت نوريهلكم قبل ما يتكمل
قولولي بكل صراحة واش رايكم في لاكولار وفي الخياطة هههه
وطلعولي شويا المورال لانو هدا اول تروسو نخدمو لعمي الراجل لي يكون راجلي ههههه
هاهو:

هادو كانو الياسمينات في الحق هكدا راهم باهيين لكن الوجه هاهو:

هدا جزء من الدرا لانني مازال مكملتوش
وهادي طريقة خياطة الياسمينات:

نخيطو على شكل مربع كامل

هاكدا:

من بعد نجبد الخيط اللي يكون رجع لنقطة البداية هكدا:

وتخرجلنا ياسمينة جميلة

ثم نخيطوها:

وهاهي الكرية واجدة:

ومن الوجه هاهي:

وكي حشيتها بالبونج هاهي:

اقرب هنا مازال مكملتش الخياطة باش تشوفو البونج داخل كيفاش راه:

وهدا شكل الوجه كي يكون محشي بالبونج:

وهادي حواف المربع نحكمهم هكدا:

ونخيطهم هكدا باش نشكلو البابيونا ونديرولها العقاشة:

وهادا الشكل النهائي في هذه المرحلة:

واش رايكم؟؟

كيما شفتو الفوق
التروسو هدا دالي 18 متر ستان روايال ينباع ب 18 الف اي 180دج للمتر
دالي زوج فايات لي ارتفاعهم كبير سعرهم 50الف او 500 دج مقطعين مربعات بحجم 5 سم وهو نفسه طول ضلع المربع للي في الدرا والكاريات
وعقاش حوالي 50 الف تاني او اكثر او اقل حسب نوعية العقاش اللي نحبوه كاين اللي خالي وكاين للي رخيس
وكبب خياطة بلون الكتان دالي 2 ومازال مكملتوش انا نحب الخدمة متقونة ونخيط مليح يعني ناكل الخيط هههههه
اولا نفصلو الكاريات والدرا صراحة ماشي انا للي فصلتو معلاباليش القيس فصلاتولي عروس خالتي تخيط وخيطاتولي
ثم حسبت مربعات بطول ضلع 5 سم وسليت الكتان من الجهتين باش نربح الوقت وايضا يجوني قد قد ههههه مصورتهاش لاني مكنتش رايحة نحطو بمراحل انجازو قلت حتى تشوفو الشكل النهائي
ومن بعد خيطت الياسمينات وحشيتهم بمربعات البونج وخيطت مرة اخرى ثم زدت البابيونات وخيطت ومابقالي غير الدونتال والخياطة عند الخياط ويخلاص ان شاء الله
اكيد رايحة نحطلكم الشكل النهائي انتضروني
باي