كعك

[hanane220]

اولا نتأسف لان رفيقتي مكانتش معايا باش تصورني كيفاش حضرته

الطريقة

انا درت كمية كبيرة راكم عارفين لحباب

ثلات كيلو فرينة غربليها و ضيفي معاها لتر من زيت لكن نحي منه كأس اتاي ثم ضيفي كيلو سكر عادي ثم تكوني محضرة ملعقة كبيرة خمارة عجينة في غرفية ماء دافئ مع قليل من سكر كي تنتفخ ضيفيها مع فرينة ثم ضيفي ثلات فرفارة و كمان ليسغي احسن ليم مع اثنين حبات ليم رابيهم كثري و فاني و حفنة من جنجلان مقلي و كذلك حفنة من نافع وحفنة حبة حلاوة و عجنيها كيما نعجنو الخبز دلكي مليح و لميها بماء الدافئ و خليها ترتاح ربع ساعة ثم كرري الدلك و ابدئي شكلي كريات متوسطة و غطيها شوية ترتاح ثم خدي كريات و شكلي حرابيش و خدي مقس باش تشكلي شكل كعك و لويها حتى يجيك شكل كعك دائري و ديريه في صينية ثم غطيه و خليه يخمر مدة ساعتين على حساب جو كوزينة عينك هي ميزانك ثم اطليه بصفار بيض و ديره في فرن يكون ديجا ساخن نتمنى فهمتوا طريقة و ان شاء الله يعجبكم شكرااااااااا حبيباتي