مشكلة عاجلة ...احتاجكم قبل اي وقت مضى

[مشكلتي]

السلام عليكم
اخوتي انا مشكلتي وحدة برك وهي الصمت كي يصرولي كاش مشاكل ..فانا مثلا بحكم عملي والمنطقة التي اسكن فيها اصادف الكثير من المشاكل مع الناس فهمتش ادا هوما لي ماشي ملاح ولا انا لي ماشي مليح فو الله انا جامي تبليت واحد ولانحب نحقر بصح لي يصراا بالاك راح يخليني نبدل طريقة معاملة تاعي ...بصح راني نسنى في نصيحة نتاعكم...فهناك حاجة تقولك كاين بلى يجيك وبلى تروح ليه فانا لبلى دايما جايني فوالله كاين بعض الاحداث تلقاني مريح في رحمة ربي ويجيك واحد يحوس على مشاكل ...انا في ديك لحظة منعرفش كيفاه نتصرف ويكون الصمت هو اغلب جوابي ولكن كي نتفرقوا يجيني الوسواس ...علاه مدرتلوش وعلاه مدرتلوش ...وكيفاه تخليه يهدر معاك بهده الطرقة ...حتان قريب نهبل وحادثة اخرى في الجامعة بحكم انني ممثل للطلبة كنت نهدر مع طالبة على مشكل نتاعها مع الادارة ..ممبعد جاني واحد قالي هاديك صاحبتي وراك تخلطلي فيها ..وبعدها ولا نديرلك ونديرلك...انا في هاديك اللحظة قتلوا روح ربي يهديك ...ممبعد توسست وقعدت شهر وانا نحوس عليه وفي لحظة غضب ..الله غالب خليت سيد هداك مرمي لبرا وكملت طريقي ..وممبعد حلفت بلي منزيدش نرفع يدي على واحد ..وهادو موقفين برك من المواقف لي ديما تصرالي

قولولي واش ندير فانا شخصيتي هاهي ...انا نحب نقراا كلش في الجامعة متفوق والحمد لله ..عندي ثلاث لغات انجليزية وفرنسية واسبانية ...لخدمة منسمحش فيها ...والسبور ...وقبل كل شيئا تادية واجباتي تجاه الله عز وجل...تمني الخير لكل الناس

بصح مع هده التصرفات فانا حاس روحي بلي رايح نتبدل رايح منكرديش رايح نحقر ...و خايف كاش نهار يصراامشكل رايح يضيعلي حياتي كامل لو نتهور ونفقد السيطرة على روحي

اسمحولي لي كثرت في الهدرة ياسر الله غالب راني نفرق واش كاين في قلبي ...
ارجواا منكم نصيحتي كيفاش ندير مع الوسواس هداك راني قريب نهبل ...بارك الله فيك وجعلها الله في ميزان حسناتكم

[مواطنة]

الراجل المتدين و المثقف و الرزين لي يعرف يمتص غضبه و عندو كنترول و اغلب الشعب الجزائري لا يتمتع بهذه الصفة المميزة التي تجعل الانسان ناجحا في الدنيا والاخرة و محبوبا اما عن طريقة الند بالند و الشجارفالكل يستطيع اي يطبقها لكن ذلك لا يجلب الا الخصومات و الكره فيعيش الانسان في قلق دائم .حتى لو كان الكل مخطأ في طريقة تصرفه و انت تعلم انك على يقين في طريق مستقيم لا تغير من شخصيتك الا للافضل حتى لا تشفي غليل المفسدين بتغيير شخصيتك .هذا رايي الراجل بالنسبة ليا لي يغرف يضرب بصح يحب يكون مضروب على ان يضرب

[دعاء المحبوبة]

نفس رد فعلي
دائما لما نتعرض لموقف نسكت او يكون رد فعلي اقل من مستوى الصدمة التي تعرضت لها
ولما يمر الموقف نقول لوكان قلت ولا درت
ومرات فعلا نرد
ونرجع نندم مع ان ردي ليس بذلك السوء
ويصبح الانسان الذي ظلمني في عيني مسكين ويشف ونندم على الكلام الي قلته في لحظة غضب
وبين هذا وذاك
قلت اعمل بـ
العفو عند المقدرة
مادام عندي القدرة على السكوت وتجنب الصدام مع الاخرين نسكت ونعفو
أحسن
فالكلام كالرصاصة اذا خرجت لن ترجع ابدا

[نورسين.داية]

صدقني اخي تندم على الكلام ...و لا تندم على الصمت ...

مسألة المشكلة تجيك أو تروحلها ............و الله صح واقع ...معاش معمم .....تعود من الشيطان ...و اكثر من اذكار .....ليحفظك الله وفقك الله اخي

[مراد سابقا]

شوف يا أخي

كاين مواقف تقدر تفوت فيها فوت

وكاين مواقف أنتاع الشرف والمال والنتفس هذه الأشياء الثلاث دافع عن نفسك ولو قتلت فأنت شهيد ولو ذهب للسجن نورمال

المهم بإختصار أخي زماننا هذا ليس زمان المخالطة متخالطش بزاف أمشي مع واحد ولا زوج بزايد

ثالثا :

كاين بعض الناس يشتوي يتبلاو صح كاينة منها

أنا ننصحك أخي واحد كي ميعجبكش ليكيديه ديراكت متزيد معاه في الهدرة متولوا في حاجة أخرى

[فارس وجواد]

يا اخي الكريم من الان فصاعدا يجب ان تحكم العقل في كل موقف تتعرض له فلا تسكت عن الحق حتى يقال عنك انك ضعيف ولا تتهور حتى يقال عنك ظالم (حقار كما تقول) فالوسط الوسط في كل شيء اخي ;اما عن الندم عن المواقف التي فاتت فدعك منها لان ما حدث حدث ; وكيما نقولوا بالعامية "تموت في بلاصتها" خلي قلبك ديما فارغ من الحقد حتى ولو ظلمت فوالله ستعيش مطمئنا مرتاح البال

[ريم ريحانة]

انا في رايي عندك نعمة ماشي مشكلة
رد الفعل تاعك كيما تاعي في هاديك اللحظة مانهدرش امبعد نبقى شهر او انا نهدر واحدي
او نقول علاه ماقولش هكا وهكا
مي كي نستغفر نقول الحمد لله لي سكت لانو السكوت من دهب
شكرا

[بلسم غرام2018]

صدقني اخي تندم على الكلام ...و لا تندم على الصمت ...

مسألة المشكلة تجيك أو تروحلها ............و الله صح واقع ...معاش معمم .....تعود من الشيطان ...و اكثر من اذكار .....ليحفظك الله وفقك الله اخي


زمتنساش الغيرة راهم يغيرو منك

[بين الحقيقة و السراب]

المشاركة الأصلية كتبت بواسطة مشكلتي

السلام عليكم
اخوتي انا مشكلتي وحدة برك وهي الصمت كي يصرولي كاش مشاكل ..فانا مثلا بحكم عملي والمنطقة التي اسكن فيها اصادف الكثير من المشاكل مع الناس فهمتش ادا هوما لي ماشي ملاح ولا انا لي ماشي مليح فو الله انا جامي تبليت واحد ولانحب نحقر بصح لي يصراا بالاك راح يخليني نبدل طريقة معاملة تاعي ...بصح راني نسنى في نصيحة نتاعكم...فهناك حاجة تقولك كاين بلى يجيك وبلى تروح ليه فانا لبلى دايما جايني فوالله كاين بعض الاحداث تلقاني مريح في رحمة ربي ويجيك واحد يحوس على مشاكل ...انا في ديك لحظة منعرفش كيفاه نتصرف ويكون الصمت هو اغلب جوابي ولكن كي نتفرقوا يجيني الوسواس ...علاه مدرتلوش وعلاه مدرتلوش ...وكيفاه تخليه يهدر معاك بهده الطرقة ...حتان قريب نهبل وحادثة اخرى في الجامعة بحكم انني ممثل للطلبة كنت نهدر مع طالبة على مشكل نتاعها مع الادارة ..ممبعد جاني واحد قالي هاديك صاحبتي وراك تخلطلي فيها ..وبعدها ولا نديرلك ونديرلك...انا في هاديك اللحظة قتلوا روح ربي يهديك ...ممبعد توسست وقعدت شهر وانا نحوس عليه وفي لحظة غضب ..الله غالب خليت سيد هداك مرمي لبرا وكملت طريقي ..وممبعد حلفت بلي منزيدش نرفع يدي على واحد ..وهادو موقفين برك من المواقف لي ديما تصرالي

قولولي واش ندير فانا شخصيتي هاهي ...انا نحب نقراا كلش في الجامعة متفوق والحمد لله ..عندي ثلاث لغات انجليزية وفرنسية واسبانية ...لخدمة منسمحش فيها ...والسبور ...وقبل كل شيئا تادية واجباتي تجاه الله عز وجل...تمني الخير لكل الناس

بصح مع هده التصرفات فانا حاس روحي بلي رايح نتبدل رايح منكرديش رايح نحقر ...و خايف كاش نهار يصراامشكل رايح يضيعلي حياتي كامل لو نتهور ونفقد السيطرة على روحي

و عليكم السّلام و رحمة الله ،

رايح تتبدّل للأسوأ يعني ! لا داعي يا أخي لا داعي

في الحقيقة و حسب ما فهمت من كلامك فأنت معرّض لبعض الضّغوطات [ خاصّة العمل كما ذكرتَ ]
و لذا فربّما أنت لا تحتمل الكلام الزّائد من البعض ، و جميل أن تلتزم الصّمت في الغالب [ فالصّمت حكمة ]
و لكن [ و هنا المشكل الحقيقي الذي استوقفني ] أن تندم على صمتك و على عدم ردّك بالمثل أو أكثر فهنا لم أفهمك بالضّبط !!

فلولا قولُكَ أنّك ضربتَ أحدهم و انّك تخشى " تولي تحقر " كما ذكرتَ ، لاستنتجتُ أنّك ضعيف الشّخصية !!
لذا لم افهم بالضّبط لما ذاك النّدم و الوسوسة و استرجاع أحداث أو بالاحرى جدالات مرّت عليها ساعات و ربّما أيّام !!

أرى أخي الكريم انّ المشكل الكبير ليس في تصرّف النّاس معك بل فيما تتعرّض له أنت من ضغوط / و ربّما ظروفٌ مَا تمرّ بها ،
فلذا أنصحك بأن تراجع نفسك جيّدا و أن تراقب تصرّفاتك و ردود أفعالك مع الغير [ حتّى لا تفقد السّيطرة على نفسك كما ذكرتَ و تتهوّر ]
و لا ننفي أنّ البعض يمارس سياسة الاستفزاز بامتياز مما يجعلك ترغب في سحقه !
[ لا عليك أخي الكريم ]

أعانك الله على نوائب الدّنيا و وفّقك الله لكلّ خير ،

[nounoussatito]

نصيحة من عندي اخي دائما هذه الاية هي شعارك قال تعالى : { وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين }
هناك مواقف السكوت هو افضل الحلول و هناك مواقف الرد احسن لكن المشكل ليس في الرد و لكن في طريقة الرد و الاسلووووب يعني لازم دائما نتحلى بالحلم و نترفع عن كل ما هو صبياني و لا ننزل بمستوانا الى ما دونه هكذا ريحين نعطو مثال جميل للشباب المسلم
و ربي ينور دربك

[ZORRO__DZ]

السلام عليكم

شخصيتك في هذه النقطة تشبهني نسبياً، بمعنى انني لا اترف كا باقي الناس في حالة الغضب، او حتى إسترجاع حقي استرجعه باللتي هي أحسن ولا مرة في حياتي تعاركت مع وحد ما عدى في الصغر والكل مر بهذه المرحلة.

انت في الطريق الصحيح ولا تقارن نفسك مع الناس، وماتقولش انك ضعيف ولازم نضرب وندير وندير هكذا يشوفوني قوي قوة الرجل الحقيقي ليست في الجسم بل في العقل والقلب إن كان ايمانك قوي سوف تتجاوز كل هذا

تخيل انو واحد كيما يقولو يشرشيلك وسبك وراح وانت ماقلت والو وقتلو ربي يهديك ........... هل تعرف االمثل الجزائري الي يقول الي فات على كلمة شغل فات على روح !!
دير حساب انو السيد هداك كي يريح بينو وبين ضميرو يقول ضلمتو وماقالي والو والله راجل أفحل وماتقولش انو مكانش منها لانو البعض يندم لكن مايقدرش يجي يطلب السماح لانو يشوف فيها تنقص من قيمتو

واقيلا كثرت عليك ههه
سلام

[redouane1992]

المشاركة الأصلية كتبت بواسطة zorro__dz

السلام عليكم

شخصيتك في هذه النقطة تشبهني نسبياً، بمعنى انني لا اترف كا باقي الناس في حالة الغضب، او حتى إسترجاع حقي استرجعه باللتي هي أحسن ولا مرة في حياتي تعاركت مع وحد ما عدى في الصغر والكل مر بهذه المرحلة.

انت في الطريق الصحيح ولا تقارن نفسك مع الناس، وماتقولش انك ضعيف ولازم نضرب وندير وندير هكذا يشوفوني قوي قوة الرجل الحقيقي ليست في الجسم بل في العقل والقلب إن كان ايمانك قوي سوف تتجاوز كل هذا

تخيل انو واحد كيما يقولو يشرشيلك وسبك وراح وانت ماقلت والو وقتلو ربي يهديك ........... هل تعرف االمثل الجزائري الي يقول الي فات على كلمة شغل فات على روح !!
دير حساب انو السيد هداك كي يريح بينو وبين ضميرو يقول ضلمتو وماقالي والو والله راجل أفحل وماتقولش انو مكانش منها لانو البعض يندم لكن مايقدرش يجي يطلب السماح لانو يشوف فيها تنقص من قيمتو

واقيلا كثرت عليك ههه
سلام

بارك الله فيك اخي منت رايح ندير رد عكسك بصح كي شوفت ردك اقتنعت ...رايك صواب وجزاك الله خيراا

[اَشْرَفْ اَنيِسْ]

و انا ايضا ..........
لكن الصمت لغة الاذكياء

[hayet04]

والله اتمنى انو نكون مثلك و نتحكم في الغضب بالصمت