و عليك السلام
أولا اتمنى لك التوفيق في الانخراط في جهاز الدرك الدي يمتاز بالنظام و هو احسن جهاز من الناحية التنظيمية و لك قيمة كبيرة ...
ثانيا : وصل الايداع يثبت انك قد دفعت الملف ...لهدا احتفظ به ...فقد يقدر الله لك ان يضيع ملفك عندهم و دلك الوصل يثبت انك دفعت الملف...و هي وثيقة غير مهمة
أما عن الخطوات :
اولا تدفع الملف فيعطوك وصل الايداع ثم تنتظر مدة من الزمن حوالي 15 الى شهر و نص ثم يتصلون بك من لابريقاد تاع البلدية تاعك و تدهب عندهم و تأخد بطاقة التعريف فيتم تيجيل بعض المعلومات عنك و عن ابوك و امك و يتم كتابتها في ريجيستر ثم يقولك في تلك اللحظة ادهب للقروبمو تاع الدرك في الزلاية و روح جيب الكونفوكاسيو تاع لافيزيت و تروح انت للقروبمو وتهز الكونفوكاسيو و من بعد تدير الوثائق المكتوبة فالكونفوكاسيو تاع لافيزيت و هي الراديو و الصدرية و ليزاناليز و مبعد فالتاريخ المحدد تروح تعقب لافيزيت في المكان المحدد و لكان قبلوك فلافيزيت تنتظر حوالي 15 يوم الى شهر ومبعد يعيطولك الدرك الوطني فلابريقاد تاع البلدية تاعك و تدير لونكاث و تدي معاك زوج رجالة فوق 40 سنة و يديروا لونكاث عليك و هي عبار عن اسئلة و عادة لكان ما عندكش مشاكل مع الدولة و الارهاب فأنت ناجح فيه .........و بعد مدة من الزمن تنتظر الى ان يصلك الاستدعاء الثاني تاع لافيزيت و تهزو من لقروبمو و تروح للثكنة لي وجهوك ليها و توجد الدوسي تاعك و كدلك الدوسي تاع الطبيب المكتوبين في الاستدعاء و تروح لتما للكازارنا و تعقب لافيزيت و لكان نجحت راك تدخل ديراكت و تلبس الكومبا و تبدا فالتدريبات............
ليس من الضروري ان يعيطولك العام هدا لأن هناك من هم قبلك ينتظرون و هم أصحاب 2012 لي دفعوا العام لي فات فالاولوية لهم ثم يكملون بالجدد .........
كل ولاية لها عدد معين من المنخرطين
( تقرير عن مشاركة سيئة )، و الموجودة أسفل كل مشاركة .
2013-08-12, 13:43
الدرك الوطني
العرض العادي
