فطورنا لليوم الثالث هذا وين فطنت ههههههههه

[رحمة من المولى]

السلام عليكم و رحمة الله تعالى و بركاته
هذا وين فطنت و صورت الله غالب كل يوم نقول نصور حتى نصيب المغرب ينادينا مكنتش نخترع من عندي قاع تريشاج على طبخات المنتدى كل يوم نجرب
اليوم صورتلكم كنت اللي نكملو نصورو على بالي كي نبدا نسقم في الطابلة ما نفرغش نصور المهم انا نوريلكم و انتوما تخيلو الطابلة هههههه
هذا الخبز تاع لالة فايزة هااااااااااايل

هذي السلاطة مزال مرهاش مصوصيا خليتها للدقائق الآخيرة مع المايونازالديكور عااااادي جدا مرة الجاية و نخلعكم

هذا بوراك الغالية أمنيات بصح مدرتوش في الكوشة قليتو جا رووووعة مع أصابع البطاطا نسيت صاحبتهم الكريمة ربي يخليها
من المقلة سخونين صورتهم راهم ينشفو من الزيت قبل ما نديرهم في صحن التقديم
أصابع البطاطا عن قرب


سمك في الفرن بابا كي يضوفو ميصبرش عليه هنا قبل ما يطيب تبلتو مليح و إلى الفرن في الحقيقة طريقة وحدة من المنتدى انا موالفة نقليه

راه طاب الحبة اللي حطيتها في الطبسي صورتها خفت ننسى نصور و مبعد نرقد معاه اختها

بطبيعة الحال الشربة لازم في رمضان و طبسي مثوم بالقرنون و الجلبانة اسمحووووولي مصورتش هيا حطو الطابلة معاياااا
صح رمضاااااااااانكم