عاونوني قبل ما تتطفر - راني حاصلـة

[مشكلتي]

السلام عليكم

يا خاوتي عاونوني و لوكان بكلمة , راني حاصلة نتاع الصح و ربي يجعلها في ميزان حسناتكم و غدا رمضان

أنا طالبة شعبة تقني رياضي فرع هندسة رياضية مشكلتي هي انني لم اجد الطريقة المثلى لتقسيم وقتي خاصة و انني مقبلة على امتحان شهادة البكالوريا 2014 و انا ضعيفة في الرياضيات ( ماعنديش فيها لاباز ) كما انني اجد صعوبة في تذكر الدروس اي عندي مشاكل في الحفظ انسى ما حفظته بعد مدة .

اريد برنامجا يعطيني نتيجة دون ان يذهب جهدي هباءا خاصة انني انوي التحظير من الآن و استغلال العلطلة الصيفية في دراسة المقرر الدراسي , لكنني لا اراها كافية لدراسة البرنامج السنوي دراسة معمقة بما في ذلك من حل التمارين

هل تنصحونني بالتركيز على دروس الفترة الاولى فقط و ان كان كذلك فإنني سأجد نفسي مع بداية المشوار الدراسي في سبتمبر , انصحوني ارجوكم خاصة انه لايوجد عتبة في السنة القادمة و الوزارة الجديدة راهي مزيرة الحالة بالزاف .

انصحوني ارجوكم قبل ان يضيع مستقبلي , فأنا بأمس الحاجة الى آرائكم و جزاكم الله خيراً .

- ادعولي بالنجاح =)

[baalache]

نصيحة حتى وان كانت شعبتك تقنية اكثري من الحفظ فهو مفيد للداكرة جدا والرياضيات عليكي بها من الان الممارسة ثم الممارسة حلي اكبر قدر من التماريين والله ولي التوفيق

[amine0007]

راهي جاتك فرصة في رمضان هادا حاولي تحفظي شوي قران ومع الوقت رايح تتعودي على الحفظ المهم كوني في كامل تركيزك عند الحفظ وماتخمي في حتى حاجة.بالنسبة لسرعة النسيان هاداك التوتر هو اللي يخليك تقولي على نفسك بلي نسيتي

[karima ikram]

اختي مام انا راني علوم تجريبية وعندي نقص فالرياضيات وراني العام الجاي باك ان شاء الله دايرة في بالي ان شااء الله نفوت رمضاان ونبدا بالمات والفيزياء مراجعة للعام الماضي والتعرف على دروس العام القادم والله ولي التوفيق

[ام نبال]

يااختي علاه راكي مهمومة هكا القول اطلبو العلم لا امرضو بالعلم (ولا تادو بانفسكم الى التهلكة) لايكلف الله نفسا الى وسعها نتي توكلي على ربي وديري لي تقدري عليه احضي واقراي قدر طاقتك وخلي الباقي على ربي ونشالله ربي يوفقك وتنجحي ونتي رايحة مش ونتي مريضة

[sali-sali]

السلام عليك
عليك بحل التمارين والمسائل الرياضية
ربي يوفقك

[mamia]

انا لا انصحك بان تبدإي بالبرنامج الدراسي الان لانكي سوف تتعبين نفسك فقط

ركزي على مراجعة الرياضيات للسنة الاولى والثانية ومواد اخرى ان كنت ترين نفسك فيها ناقصة

وبالنسبة للحفظ اهم قاعدة ليه هي التكرار ....... الحاجة لتحفظيها قومي بتكرارها مثلا الحفظ في الليل تعاودي في النهار وايضا عند المراجعة الحاجة اقرايا بزاف يعني 10 مرات باه تسكري الكراس وتعاودي

وكما قالو الاخوة انتهزي فترة العطلة لحفظ القران ... حوسي في الانترنيت على طرق للحفظ السليم


وان شاء الله ربي يوفقك وتكوني من الاوائل

[(الانسان الوفي)]

السلام عليكم ........أختي الكريمة لا يوجد شيء اسمه الحفظ ..فهو لا يجدي نفعا ...والتحضير يكون بالتمارين والحوليات وليس بالحفظ ...يعني كل يوم حلي موضوع معين وهكذا لا تحتاجي للحفظ ...فما تخطئين في حله هاذه المرة تحلينه المرة القادمة وهكذا ...ركزي على المواضيع السابقة للبكالوريا ...شكرا

[هبة الله 26]

اختي بهذه الافكار التي تجملينها غن البكالوريا ووزارة التربية و...
انت عملت على برمجة ذاكرتك وجهازك العصبي انك ضغيفة وهناك صعوبة ومازق و..... انت بهذا غلقت كل الابواب
بمعنى ان عقلك الباطن اكتسب مجموعة من الافكار السلبية والسوداوية عن الباكالوريا وتجضيرها
لهذا اقول لك تريث اختاه وكما يقال لابد ان يكون توقغك بالنجاح اكثر من توقغك بالفشل وهذه حكمة او مبدا لابد ان تجغليه طيلة حياتك
ثقي من نفسك وتوكلي غلى الله ونظمي وقتك وادرسي خطوة خطوة او بالعامية حبة حبة
واعلمي ان البكالوريا هي مرحلة من مراحل الحياة لااكثر ولا اقل
وفقك الله
اغطي لنفسك فرصة الاستجمام والراحة

[ميمي سمية]

ماشي مشكل ختي
ابداي اقراي من ذكة وزيري على روحك

علابالي بلي ماراكيش راح تقدري تكملي البروغرام كامل مي على الاقل نحي عليك دروس الفصل الاول

نصيحة لك للحفظ: كي تحفظي حاجة عاوديها بالكتيبة لخاطر ساعات ينسى مخك وتتفكر يدك { مجربة شخصياوناجحة 100 بالمية}

وبالتوفيق وربي ينجحك ان شاء الله

ماتشطنيش

وصح رمضانك

[*أمة الله*]

أنا من مستغانم درست تقني رياضي هندسة الطرائقلم أسمع بهندسة رياضية من قبل المهم حاولي مراجعة الرياضيات في الصيف و بعدها حاولي مراجعة المواد الأخري يعاونوك

[كغومة]

السلام عليكم

كيما قلتي انتي في كلامك اعنديش لاباز في الرياضيات لازم تكونيها وتتعلمي أساسيات الرياضيات لكي تساعدك في الباك ولا تقلقي وفكري بتأني وقسمي وقتك ومزال عندك الوقت الكافي وعودي نفسك على الحفظ أو استخدي طرق لكي لا تنسي فمثلا أكتبي كل الذي حفظته على سبيل المثال وخذي نصائح من الذين عقبو الباك تقني رياضي كيفك ويالتوفيق

[maria maryoma]

الرياضيات عليكي بها من الان الممارسة ثم الممارسة حلي اكبر قدر من التماريين به تسهلك اكثر
اختي علاش راكي مهموم من دوركا راح تمرضي روحك انا نجحت العام هذا الباك معدل جيد و قرية
نورمال مع بدايه العام و مزيرتش علي روحي بزاف و الحمد الله نجحت و دركا راني نسجل في الجامعة
حنونا متقلقيش روحك الباك سهلا اقري برك والله ولي التوفيق

[amani22]

تواصلي اختي معنا في منتدا تحضير البكالوريا و ستستفيدين باذن الله

[أمة الله 12]

استفلي فرصة رمضان بحفظ القران و اكثري من الدعاء

بخصوص دراستك لا ياس مع الحياة و لا حياة مع الياس

اعتمدي كثيرا على طريقة الحفظ بالكتابة