كرمب محشي بالروز

[ام إثري]

السلام عليكم
اليوم جبتلكم طبق تبانلي اقتصادي
درت كرمب محشي بالروز

نحتاج لهذا الطبق
طراف دجاج الي موجود المهم يطلق البنة

كرمب فنجان روز بصلة ثوم جزر توابل ( ملح فلفل اسود كمون كسبر رند )
ملعقة طماطم


الطريقة


نغلي اوراق الكرمب او نفورهم انا نضل نغليهم خمس دقايق

نجيب الروز تاعي نحمص شوية في مقلة
مبعد نحيه ومبعد نجيب بصلة مقطعة نذبلهافي شوية زيت مع الثوم
كي تذبل نضيفلها جزرة مرابية
ونخليها تذبل شوية الجزرة ومبعد نضيف الروز تاعنا ونتبل بالملح والفلفل الاسود وشوية كمون
وهكذا تكون الحشوة جاهزة
من جهة نوجد المرقة تاعنا نقلي طراف الجاج في شوية زيبت مع بصلة والتوابل وورقة الرند و حبة جزر مقطعة دوائر
ومبعد نمرق ونضيف ملعقة الطماطم


والباقي بالصور











هنا كي توجد المرقة نفرغها على الكرمب ونغطي
ونخليها على نار هادية حتى يطيب الروز







وهنا الطبق جاهز نزين بالدبشة وحبات زيتون وقطعة ليمون







اسمحولي اذا كاعرفتش نقدم الطبق واي سؤال انا حاضرة