بغيتكم تخففوا عليا

[nonousazina]

انا مشكلتي مع زوجة اخ زوجي نسكنو في دار وحدة بيناتنا فالنص انا عندي عامين زواج كيجيت ديت بيت و كوزينة وخليتلها الباقي.هي كيخطبها سلفي كدب عليها قاللها داري وحدي من بعد كيعرفت الحقيقة متقبلتش ودابزت لوستي ولما تزوجت انا لقيتها جابدة روحها وماتبغيش كامل تهدر معاي .انا تاني جبدة روحي ولينا واحد ما يشوف لاخر .هي ماقدرتش تصبر بلا مادخلني فالمشاكل ولات تشارشيني باش نجبد معاها انا المدابزة مي انا خاطيني المشاكل كنت نفوت و نصبر مين قتلتها بالبارد دارت السبة بولدها ودابزت معاي جا راجلها ضربها وقالي راني عارفها كيدايرة و ماتعاشرش. هادي قريب العام ماتهادرنا مي كل مرة تحوس تلصق فيا وتنوض المشاكل وراجلها دايما يجي معايا والبارح نوضت مشكلة قاتلي علاش تطلعي لسطح وماتبلعيش الباب. تخيلوها صبرت بزاف والله ماقدرت مانيش قادرة نعيش معاها في دار وحدة رانا دايرين دار للبيع باش كل واحد يدي حقه مي مزال مابان والو راني نهدر و غادي نطرطق مصيبة ماشي مرا تشوفيها تقولي ملاك و حقيقتها شيطان راها مكرهتلي حياتي

[قَاسِمٌ.قَاسِم]

قال الله تعالى
((وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏))

[مرام سيرين]

السلام عليكم
الحقيقة يا اختي هذا المشكل عاد منتشر بزااااف وما عندك ما دريرى غير انك تصبرى وتحاولى انك تتفاديها وتحكمي ولدك ما تخليهش يدور من جوايهها وتوكلى على ربي هو لي قادر على كل شيء لأنو المشكل تاعك ما عندوش حل غير انو كل واحد يروح في طريق كون جات تقدرى تهدرى معاها بتعقل وتفهم نقولو بلاك تقدرى تغيرى هي انسانة رافضة معيشتها وما تتقبل حتى نصيحة وهي عن قصد تعمل المشاكل باه تكبر وكل واحد يروح في طريق اصبرى يا اختى وادعي ربي هو الفارج ووحاولى ديما انك تذكرى ربي في كل دقيقة سبحيه باه ما تأثرت عليك
وقال الله تعالى: {وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ

[أمآآآآني البنفسج]

أصبري أختي و لابد ربي يجيب ساعة الفرج

تجنبيها و حاولي أن لا تناقشيها في أي شيء

وسعي قلبك هذا ما نقلك

[sali-sali]

مانيش فاهمة علاه يحبو المشاكل...بلا فايدة
حاولي تجنبيها و ربي يهديها

[أمة الله 12]

اقتليها بالقدر, اصبري ان شاء الله ربي يفرج عليك

[رُوح طِــஐـــفلة]

احكميهاا مرمديها بطريحة درك تعرف شكون نتي ومتزيدش دور بيك
امزح ^^
يا اختي المشكل هذا منتشر بزاف
كبري بالك ومتقيميهاش
وان شاء الله يفرج عليك ربي

[nonousazina]

ربي يحفظكم كامل على الردود .والله راني قاعدة مع راجلي قالي مانتهناوش مادمها معنا .ماتعرفيش قاع كفاه تلصق ودايرة روحها مظلومة ومن تبارقنا بقات تكدب وقالتلهم دخلت تتهدد عليا وانا نخلعت دخلت نهاديها رجعتني تهددت عليها مي الحمد لله لكامل عارفينها وعارفيني .وكلت عليها ربي

[achwak crazy girl]

مفهمتش علاه يحبو المشاااكل يموتوا عليهم ختي اجبدي روووحك عليهااا خلاص وشوفيهااا انشاء الله تخرجي من الداار وتتهناااي منها يا رب

[قَاسِمٌ.قَاسِم]

وإذا سئمتَ من الوجودِ لبُرهةٍ *** فاجعلْ من الواو الكئيبة سينا! (الـسـجود)

وإذا تعبت من الصعود لقمةٍ *** فاجعل من العين البئيسة ميما!(الصـمـود)

[{مـشـاكـسـهـ}~]

أصبري أختي و لابد ربي يجيب ساعة الفرج

[* الحلم سكر *]

المشاركة الأصلية كتبت بواسطة قَاسِمٌ.قَاسِم

وإذا سئمتَ من الوجودِ لبُرهةٍ *** فاجعلْ من الواو الكئيبة سينا! (الـسـجود)

وإذا تعبت من الصعود لقمةٍ *** فاجعل من العين البئيسة ميما!(الصـمـود)

:1 9:

بارك الله فيك من أحسن ما قرأت
لا كلام و لا نصح بعد الذي قلت
ربي معاك أختي صاحبة الموضوع

[أمّ عبد الودود]

فرج الله همك

[ميمي سمية]

نقولك حاجة حتي

يعطيك الصحة بردتيلي قلبي راكي شاطرة وعرفتي كيفاه تتصرفي

كملي اصبري حتان يفرج ربي وتتباع الدار وكل واحد يدي قسمتو

كملي اقتليها بالباردة ومدام راجلها يوقف معاك نتي معناها عمبالو بلي مرتة هي السوسة

مالا مادوخيش راسك معاها كملي هكذا

وانا شاء الله يفتح ربي عليكم وتتفارقو و تتهناي

[naamane3]

شهادت برنامج فتاوي على التلفزيون
وكانت السائلة قد طرحت على المفتي قضية تشبه قضيتك
فأفتاها بما يلي قال : عندما تستيقضين في الصباح قولي
بسم الله الذي لا يضر مع اسمه شيئ في الارض ولا في السماء وهو السميع العليم ثلاثا
وفي المساء ثلاثا
وبما أني من متتبعي هذا البرنامج وبعد بضع اشهر
نفس السائلة تتصل بالمفتي وتقول ياشيخ والله منذ بدأت بقرائة هذا الذكر
وحالي يتحسن الى يومنا هذا
فعليك يا اختي بهذا الدعاء ولا تتركيه ابدا وسيفرج الله همك
مع الدعاء والاستغفار والله المستعان