نكت تموت من الضحك ادخل ولن تخسر شيء

[{مـشـاكـسـهـ}~]

السلام عليكم ورحمة الله تعالى و بركاته


هدا واحد سبيطار الحماق فرقو على الحماق جرائد,كل واحد آش تايدير بيها,هوما يلقو واحد شادو مقاد , قالو هدا رجع ليه عقلو هو يمشي عندو الطبيب قاليه آش تدير , قاليه لحمق كنطالع , شويا هو يرجع عندو الطبيب لقاه قالب الجريدة ,قاليه الطبيب آش تدير , قاليه تنهابط.

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

هدا واحد الأستاد قال ل التلاميد دياولو غدا كل واحد يجيب ليا شي إسم فلخر ديالو دين
نهار لاخر يبدا يسول التلاميد , كاين غير عز الدين , بدر الدين , سيف الدين ... إلا واحد جوج جالسين اللور , جا الأستاد هو يسول الأول , قاليه شنو جبتي , قاليه : سردين , هو يسول الثاني ,قاليه أو نتا , قاليه : بيطادين.

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

هدا واحد الأستاد عندو واحد التلميد مكلخ , واحد النهار بغا يختابرو , عيط ليه قاليه سير القاعة 10 أو شوفني واش كاين تما, مشا الولد قلب فالقاعة 10 ملقا تا واحد هويجي قال ل الأستاد ما لقيتكش أ أستاد هو يجري عليه قاليه سير جيب باك , نهار الثاني جاب باه أو جاو عند الأستاد , الأب ديال الولد قال ل الأستاد مالك جريتي على ولدي , قاليه الاستاد را ولدك مكلخ , قاليه هانا غادي نجربو قدامك , قال ل التلميد سير القاعة 10 أو شوفني واش كاين تما , مشا ل القاعة 10 ملقا تا واحد هويجي قال ل الأستاد ما لقيتكش أ أستاد هو يجبد عليه باه بواحد الصلية قاليه ما لقيتيش فالقاعة 10 قلب فالقاعة 11 أو 12 أو 13.
-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

هدا واحد البناي جا يضك معا صاحبو خلاه تا دخل الطواليط أوهويبني عليه حيط.

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

هداواحد مشا يضرب التيليفون أو هو يدي معاه زرواطة.

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

هدا واحد نوض موطور أو نعس بلاستو.

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

هدا واحد خدم طوموبيل أو شد كونجي.

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

هادو واحد الجوج حولين بغاو يشوفو شكون لي كاشوف حسن من لاخور , مشاو قدام واحد الحانوت أو بداو تيقيدو ,
الأول:قال لصاحبو را كاينة ثلاجة فالباب أوكاين شي طوابل برا أو محطوطين شي بوطات.
الثاني:قال لصاحبو لا را كاين الخبز برا أو صنادق ديال المونادة أو شي كراطن قدام الباب.
مني قربو حدا الحانوت باش يشوفوشكون لي كايشوف حسن لقاو الحانوت ساد (مقفل).

و في الأخير تقبلو تحياتي.