مقبلة حااااارةtop

[جلفااوية]

بسم الله الرحمن الرحيم

السلام عليكم جبتلكم مقبلة هااااايلة بالاخص للي يحبو الحار

المقادير

زيتون اخضر بدون نوى انا استعملت قيس 100g

فلفل حااااااااار الكمية الي حبيتي

ثوم كثري يجي بنين

زيت زيتون

ملح

ملاحظة

تقدروا تزيدولهم فلفل حلو هذا للي ما يحبش الحار بزاف

الطريقة

نقوم بغسل الفلفل و تقطيعه مكعبات صغيييرة

نضعه في المقلاة مع كمية من زيت الزيتون و نتركه يذبل شوية

نضيفولو الزيتون المقطع هو كذلك قطع صغيرة
نحمصوهم شوية و نضيفو الملح حسب الذوق يعني ذوقوه و من بعد ملحوا ما تنساوش بالي الزيتون مالح

ونضيفوا الثوم

بعد ذلك ننزعه من النار ونقوم بفرمه فرما خفيفا بالروبو
باش تجي القطع متناسقة ويجي باهي شكلا وبنييين ذوقا

بصحتكم الله غالب ماصورتش الوصفة لانها طاااارت كلاوهالي مالحقتش باه نصورها
ان شاء الله المرة الجاية كي نعاودها نصورهالكم

سلااااااااااااااام ان شاء الله تعجبكم

ملاحظة
يمكن صنع كمية لاباس بيها ووضعها في بلارة و توضع في الثلاجة وتستحدميها على حساب حاجتك وهي على قد ما تقعد تزيد بنتها
حاجة اخرى ما تنساوش تزيدولها زيت الزيتون بعد ما طيب
شهية طيبة راهي مليحة بالاخص لشهر رمضان