مشكلتي كيف أخبر خطيبي؟

[مشكلتي]

السلام عليكم ورحمة الله وبركاته
أنا فتاة أتمتع بكل المواصفات الطيبة لكن عندما كنت في سن ثلاث سنوات تعرضت لحرق على مستوى رجلي وترك الحرق أثار كبيرة إلى حد الآن ، ومشكلتي تكمن أنه تقدم لخطبتي شاب لا أعرفه ولا يعرفني ، وكنت أنوي أن أخبره عن الموضوع لكن الفرصة لم تسنح لي حيث انني لم أره إلا مرة واحدة في حياتي وذلك يوم الرؤية الشرعية إذ كانت أمه برفقته ولم أستطع فتح الموضوع أمامها وتمت بعد ذلك الخطبة دون أن أراه وطبعا لا يحق لنا بعد الخطبة التحدث عبر الهاتف لأنه غير جائز شرعا وبحكم انه يعمل في مكان بعيد فقد غادر إلى مكان عمله ولا يمكن أيضا الالتقاء به حتى في بيت اهلي
كيف لي أن أحل هذه المشكلة وهل هي مشكلة كبيرة أفيدوني برأيكم خاصة الرجال هل هذا امر مهم بالنسبة لكم وهل سيؤثر على علاقتي به.

[نبيلة المهبولة]

لالالالالالا نورمال اختي حاجة صغيرة ومتتقلقيش قليلو وصارحيه نورمال مافيها والو المهم عجبتيه ورضى بك وانشالله مايكون والو انشالله تفوت بخير

[mahdi-19]

و عليكم السلام و رحمة الله و تعالى و بركاته
صارحيه أختي و سيكون خيرا انشاء الله

[رتاج علي]

السلام عليكم، أختي العزيزة لا تقلقي وتوكلي على الله، ومادامت الخطبة شرعية وهو يتقي الله فاعلمي أن هذا الحريق هو مقدر ومكتوب،وهو ادرى بذلك، فلا تستحي منه، فالصغائر تولد الكبائر، وابني زواجك على الصراحة من اول الأمر و صارحيه، وكوني ذكية في طرحك للموضوع، لأن هذا الحريق لست السبب فيه ، ان لاحظت تغير عليه قوليلو بصراحة لوكان تزوجنا وتحرقت راح تفرط فيا، ان كان مؤمنا سيرضى بما كتبه الله له، واعلمي أن الله هو الميسر ولا تحزني حبيبتي، واحمدي الله على كل شيء، فهناك من ابتلي باكثر من هذا وبنو بيوت على طاعة الله ورسوله و الحمد لله.

[ريان برهوم]

ايه متخافيش ختي وديجا روحي لكاش طبيب يعطيك بومادة تزيلك المارة نتع الحرق وربي يكوون في عونك كلش بلمكتوب

[شموسة الجزائر]

سلام اختي
فيما يخص الحرق ماهوش حاجا كبيرة لي تخافي منها لانو هدا الشخص خطبك لانو اكيد عرف بلي بنت فاميليا وتستاهلي تكوني ام اولادو

واثثار الحروق عمرها ماكانت سبة في ابطال الخطبة وانا نعرف اكتر من بنت تحرقو كي بحالتك وتزوجو وعادي وراهم عايشين لباس عليهم

اما فيما يخص المصارحة اكيد من حقو تصارحيه راهم جايين المناسبات واكيد يجي لداركم وقوليلو

ربي يهنيك حبيبتي

[samouna rourou]

صارحيه لازم يعرف لكان ماتقدريش تتكلمي معاه ساهلة اتصلي بامو و قوليلها و اطلبي منها هي تخبرو و هو يشوف اللي يخرج عليه يعرف درك خير من بعد

[semayaalg]

كل شي بالمكتوب اذا نصيبك راح يقبل بيك اذا ماشي نصيبك ما تقلقيش روحك

[يوسف برياني]

وعليكم السلام

شيء عادي ما تقلقيش

انت حاولي ان تصارحيه

ربي يجيب الخير

[yousra14]

لاااااازم تخبريه يا اختي تصوري لو كان امبعد ما تتزوجو ويكتش الامر وميعجبوش كيفاش راح تكون حياتك قلولو الان



وهو يختار الان واذا كان هو مكتوبك راح تعيشي معاه متهنية وضميرك مرتاح رب معاك

[asma mansor24]

لازم تصارحيه وادا عاد يحوس عليك صح ماتهموش حاجة كيما هادي و ربي يوفقك

[تفاحة ادم]

يا اختي واش نقلك ؟؟ الله يعينك خصوصا اذا كنت تعلقتي بيه وتاني اقتنعت بوجوده في حياتك موقف صعيييب راني حاسة بيك لانني في مشكلة مثلها وهي انني مطلقة وكيما تعرفي صعب باه مرة ثانية يتقدملك واحد مليح وفيه كل المواصفات المطلوبة وتقدملي راجل مليح كل ظروفو موالمتني طبعا وافقت ومشكلتي انني نعاني من نقص نظر ودايرة العدسات اللاصقة وللاسف دايرتهم ملونة صح مش لون فاضح يعني في الحقيقة قريب جدا من لون عيني الطبيعي وبعدما تعلقت بيه واحنا الان عقدنا الزواج والدخلة قريب بدأ يتغزل بجمال عيني وحلاوتهما وأنها اول حاجة اثارت انتباهو اااااه من الموقف اللي راني فيه ما عرفتش واش ندير خايفة نخسرو الله يفرج عليك وعلي ونزيد انت مش حاجة بسببك انا درتها بيدي واش ندير؟؟؟؟

[karimeleulmi]

انصحك اختي باش تقوليلوا لان الرجال نحبوا الصراحة قبل الاقتران

[yousra14]

المشاركة الأصلية كتبت بواسطة تفاحة ادم

يا اختي واش نقلك ؟؟ الله يعينك خصوصا اذا كنت تعلقتي بيه وتاني اقتنعت بوجوده في حياتك موقف صعيييب راني حاسة بيك لانني في مشكلة مثلها وهي انني مطلقة وكيما تعرفي صعب باه مرة ثانية يتقدملك واحد مليح وفيه كل المواصفات المطلوبة وتقدملي راجل مليح كل ظروفو موالمتني طبعا وافقت ومشكلتي انني نعاني من نقص نظر ودايرة العدسات اللاصقة وللاسف دايرتهم ملونة صح مش لون فاضح يعني في الحقيقة قريب جدا من لون عيني الطبيعي وبعدما تعلقت بيه واحنا الان عقدنا الزواج والدخلة قريب بدأ يتغزل بجمال عيني وحلاوتهما وأنها اول حاجة اثارت انتباهو اااااه من الموقف اللي راني فيه ما عرفتش واش ندير خايفة نخسرو الله يفرج عليك وعلي ونزيد انت مش حاجة بسببك انا درتها بيدي واش ندير؟؟؟؟

يا اختي نفس النصيحة اي قلتها للاخت في الاعلى اقدمها لك بسررررررررررعة اخبريه قبل فوات الاوان


رب معاك

[abdelmalekmhdf]

المشاركة الأصلية كتبت بواسطة مشكلتي

السلام عليكم ورحمة الله وبركاته
أنا فتاة أتمتع بكل المواصفات الطيبة لكن عندما كنت في سن ثلاث سنوات تعرضت لحرق على مستوى رجلي وترك الحرق أثار كبيرة إلى حد الآن ، ومشكلتي تكمن أنه تقدم لخطبتي شاب لا أعرفه ولا يعرفني ، وكنت أنوي أن أخبره عن الموضوع لكن الفرصة لم تسنح لي حيث انني لم أره إلا مرة واحدة في حياتي وذلك يوم الرؤية الشرعية إذ كانت أمه برفقته ولم أستطع فتح الموضوع أمامها وتمت بعد ذلك الخطبة دون أن أراه وطبعا لا يحق لنا بعد الخطبة التحدث عبر الهاتف لأنه غير جائز شرعا وبحكم انه يعمل في مكان بعيد فقد غادر إلى مكان عمله ولا يمكن أيضا الالتقاء به حتى في بيت اهلي
كيف لي أن أحل هذه المشكلة وهل هي مشكلة كبيرة أفيدوني برأيكم خاصة الرجال هل هذا امر مهم بالنسبة لكم وهل سيؤثر على علاقتي به.

انا من رايي ان تتصلي بخطيبك و تخبريه و اذا لزم الامر يمكن ان تريه حتى الندوب. صدقيني اختي سيحيي فيك صراحتك و يعرف انك لم تخدعيه
الرجل اذا احب امراة سيقبلها بما فيها من محاسن و عيوب
هذا رايي و الله اعلم